ព័ត៌មានជាតិ

ភ្លៀងមួយមេលាយឡំខ្យល់កន្ត្រាក់បោកបក់ខូចខាតផ្ទះអស់៧ខ្នង

បានផុស

៤ years មុន

នៅ

ថ្ងៃអង្គារ ៩ កុម្ភៈ ២០២១

ដោយ

ផ្ទះប្រជាពលរដ្ឋចំនួន៧ខ្នងបានរងការខូចខាត និងរងរបួសមនុស្សពីរនាក់ រួមទាំងបណ្ដាលឲ្យងាប់សត្វគោមួយក្បាលផងដែរ ខណៈមានភ្លៀងធ្លាក់មួយមេលាយឡំជាមួយខ្យល់កន្ត្រាក់។

សមត្ថកិច្ចមូលដ្ឋានបានឲ្យដឹងថា ហេតុការណ៍នេះបានកើតឡើងកាលពីយប់ថ្ងៃទី០៨ ខែកុម្ភៈ ឆ្នាំ២០២១ នៅវេលាម៉ោង០៧និង៣០នាទី នៅភូមិបុស្សដូង ឃុំបាសាក់ ស្រុករុក្ខគិរី ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមរបាយការណ៍ពីសមត្ថកិច្ចបានឲ្យដឹងថា នៅក្នុងហេតុការខាងលើនេះបានបង្កឲ្យផ្ទះសម្បែងប្រជាពលរដ្ឋចំនួន៧ខ្នងរងការខូចខាតក្នុងនោះរបើកដំបូលអស់ចំនួន០៥ខ្នងផ្ទះ និងធ្លាក់ពីលើជើងតាងចំនួន០២ខ្នងផ្ទះ។ ក្រៅពីនេះក៏បានធ្វើឲ្យមនុស្សប្រុសស្រីចំនួន២នាក់រងរបួសធ្ងន់និងស្រាល និងបណ្ដាលឲ្យងាប់គោ០១ក្បាលផង។

សមត្ថកិច្ចបញ្ជាក់ថា មនុស្សប្រុសស្រីដែលរងរបួស២នាក់នោះគឺដោយសារបំណែកផ្ទះដែលត្រូវបានខ្យល់បោកបក់ ចំណែកសត្វគោ១ក្បាលក៏ត្រូវបានឈើផ្ទះសង្កត់ចំបណ្តាលឲ្យងាប់តែម្តង។

បច្ចុប្បន្នអាជ្ញាធរនិងសមត្ថកិច្ចកំពុងធ្វើកំណត់ហេតុដើម្បីរាយការណ៍ជូនថ្នាក់លើដើម្បីដោះស្រាយជូនពលរដ្ឋរងគ្រោះទាំង៧គ្រួសារតាមដែលអាចធ្វើបាន។ ទន្ទឹមនឹងនោះសមត្ថកិច្ចនិងអាជ្ញាធរមូលដ្ឋានក៏កំពុងជួយជួសជុលផ្ទះដែលបានខូចខាតជាបណ្តើរៗផងដែរ ដើម្បីឲ្យពួកគាត់បានរស់នៅឡើងវិញ៕

អត្ថបទ ៖ សៅ សារិទ្ធ