មន្ត្រីជាន់ខ្ពស់៨៤ នាក់បានចាក់វ៉ាក់សាំងកូវីដ១៩ នៅពេទ្យអង្គ​ឌួងថ្ងៃនេះ
Connect with us
Helistar Cambodia - Helicopter Charter Services

ព័ត៌មានជាតិ

មន្ត្រីជាន់ខ្ពស់៨៤ នាក់បានចាក់វ៉ាក់សាំងកូវីដ១៩ នៅពេទ្យអង្គ​ឌួងថ្ងៃនេះ

Published

on

មន្ត្រីជាន់ខ្ពស់ជាអនុរដ្ឋលេខាធិការ ឬមានឋានៈស្មើចំនួន ៨៤ នាក់ ស្ត្រី ១៩ នាក់ ទទួលបានការចាក់វ៉ាក់សាំងកូវីដ១៩ នៅថ្ងៃទី ១០ ខែកុម្ភៈ ឆ្នាំ ២០២១នេះ។

លោកសាស្ត្រាចារ្យ លូ លីឃាង ប្រធានមន្ទីរពេទ្យព្រះអង្គឌួងបានឲ្យដឹងនៅមុននេះបន្តិចថាគិតត្រឹមម៉ោង៥ល្ងាចនេះមានមន្ត្រីជាន់ខ្ពស់ជាអនុរដ្ឋលេខាធិការ ឬមានឋានៈស្មើចំនួន៨៤នាក់ស្រី១៩នាក់បានអញ្ជើញមកចាក់វ៉ាក់សាំង​កូវីដ១៩។

លោកសាស្ត្រាចារ្យបានបន្តថាក្នុងចំណោម៨៤នាក់នោះអ្នកដែលអាចទទួលការចាក់វ៉ាក់សាំងបានមានចំនួន៦៨នាក់ស្រី១៤នាក់។ចំណែមន្ត្រីចំនួន១៦នាក់ទៀតស្រី៥នាក់មិនអាចចាក់វ៉ាក់សាំងបានទេដោយសារមានបញ្ហាសុខភាពរួមមានជំងឺលើសឈាម ជំងឺបេះដូងនិងអាឡេកហ្សីជាដើម។

លោកសាស្ត្រាចារ្យបានបន្តទៀតថាក្នុងការចាក់វ៉ាក់សាំងនេះនពួកគាត់ត្រូវចំណាយពេល៤០នាទីដូចជាការចុះឈ្មោះ សម្ភាសន៍មុននឹងចាក់វ៉ាក់សាំងនិងពេលចាក់រួចគាត់ត្រូវសម្រាក៣០នាទីនៅបន្ទប់រង់ចាំដើម្បីឲ្យគ្រូពេទ្យតាមដានសុខភាពខ្លាចបើមិនមានមានបញ្ហាអ្វីទេទើបគ្រូពេទ្យអនុញ្ញាតឲ្យគាត់ត្រឡប់ទៅវិញបានដោយភ្ជាប់ជាមួយបណ្ណសុខភាពសម្រាប់មកចាក់ជាលើកទី២បន្តទៀត៕

អត្ថបទ៖ សំអឿន

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services