ក្រសួង​អប់រំ​ ចេញ​វិធានការ​៦​ចំណុច​ ទប់ស្កាត់​ភាព​មិនប្រក្រតី​ ក្នុង​ទិវា​នៃ​ក្តី​ស្រលាញ់​ខាងមុខ – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានជាតិ

ក្រសួង​អប់រំ​ ចេញ​វិធានការ​៦​ចំណុច​ ទប់ស្កាត់​ភាព​មិនប្រក្រតី​ ក្នុង​ទិវា​នៃ​ក្តី​ស្រលាញ់​ខាងមុខ

Published

on

​ក្រសួង​អប់រំ យុវជន និង​កីឡា បាន​ចេញ​វិធានការ​៦​ចំណុច ដើម្បី​ទប់ស្កាត់​ភាព​មិនប្រក្រតី​ក្នុង​ទិវា​នៃ​ក្តី​ស្រលាញ់​ នៅ​តាម​គ្រឹះស្ថានសិក្សា​សាធារណៈ និង​ឯកជន​ដែល​នឹង​ឈាន​ចូល​មកដល់​នៅ​ថ្ងៃទី​១៤​កម្ភៈ​ខាងមុខ​។​

ការដាក់ចេញ​វិធានការ​របស់​ក្រសួង​អប់រំ​នេះ​ដោយសារ​បច្ចុប្បន្ន មាន​យុវជន​ខ្លះ បាន​ប្រព្រឹត្ត​អំពើ​ប្រាសចាក​សីលធម៌​សង្គម នៅក្នុង​ទិវា​នៃ​ក្តី​ស្រលាញ់ ​ដែល​ជា​វប្បធម៌​បរទេស​មួយ​នេះ​ ​និង​ត្រូវយក​ទិវា​នេះ​ទៅ​សម្តែង​នូវ​ក្តី​ស្រលាញ់​និង​គោរព​ដឹងគុណ​ចំពោះ​ម្ដាយ​ឪពុក បងប្អូន សាច់ញាតិ និង​មិត្តភក្តិ​ប្រសើរ​ជាង​ដោយ​មិនមែន​ក្នុង​ន័យ​ស្នេហា​ស៊ីជម្រៅ​នោះ​ទេ​។ តែ​យ៉ាងណាក៏ដោយ​ នៅ​ក្នុង​រយៈពេល​ចុងក្រោយ​នេះ​ ទិវា​នៃ​ក្តី​ស្រលាញ់​នេះ​ហាក់​ដូច​ជា​សាបរលាប​ស្ទើរតែ​ទាំងស្រុង​ហើយ​ ដោយសារតែ​សិស្សានុសិស្ស​បាន​យល់ដឹង​ហើយ​ឈប់​ប្រព្រឹត្តិ​នូវ​សកម្មភាព ​ដែល​ខុសពី​ប្រពៃណី​ខ្មែរ​ដោយ​យក​ទិវា​នេះ​ បង្ហាញ​ពី​ការ​ដឹងគុណ​និង​គោរព​ស្រលាញ់​ចំពោះ​មាតាបិតា​លោកគ្រូ​អ្ន​កគ្រូ​និង​មិត្តភក្តិ​វិញ​ ពិសេស​សកម្មភាព​ឈប់​និង​ការទិញ​ផ្កា​ជូន​សង្សារ​ហាក់​លុបបំបាត់​ស្ទើរតែ​១០០​ភាគរយ​ទៅ​ហើយ​ តែ​ឃើញ​សកម្មភាព​ការ​ជូន​ផ្កា​ដល់​មាតាបិតា​លោកគ្រូ​អ្នកគ្រូ​និង​មិត្តភក្តិ​កាន់តែ​ផល​ផុស​វិញ​។

ក្រសួង​អប់រំ​បាន​ណែនាំ​ដល់​គ្រឹះស្ថានសិក្សា​ ត្រូវ​ផ្សព្វផ្សាយ​ដល់​សិស្សានុសិស្ស​តាម​គ្រប់​មធ្យោបាយ តាមរយៈ​ការប្រជុំ​នៅ​ពេល​គោរព​ទង់ជាតិ កុំ​ឲ្យ​មាន​ការយល់​ខុស​ពី​អត្ថន័យ​ទិវា​នៃ​ក្តី​ស្រលាញ់​។ ត្រូវ​ពង្រឹង​ការអនុវត្ត​វិស័យ​ឲ្យ​ម៉ឺងម៉ាត់ លើ​ការគ្រប់គ្រង​សីលធម៌ ដោយ​តាមដាន​វត្តមាន​របស់​សិស្ស​ឲ្យ​បាន​ជាប់លាប់​។ គ្រឹះស្ថានសិក្សា​ទាំងអស់ ​ត្រូវ​ជំរុញ​ដំណើរការ​របស់​ក្រុមប្រឹក្សា​កុមារ ក្រុមប្រឹក្សា​យុវជន ប្រចាំ​សាលារៀន តាមរយៈ​សកម្មភាព​« មិត្ត​អប់រំ​មិត្ត​»​។​ត្រូវ​អប់រំ​ណែនាំ​សិស្ស​អំពី​សារៈសំខាន់​ នៃ​ការអនុវត្ត​វិធានការ​សុវត្ថិភាព​សុខភាព​សិក្សា និង​ការទប់ស្កាត់​ជំងឺ​កូ​វីដ​-១៩។ មិនតែប៉ុណ្ណោះ គ្រឹះស្ថានសិក្សា ក៏ត្រូវ​ទំនាក់ទំនង​ជិតស្និទ្ធ​ជាមួយ​មាតាបិតា អាណាព្យាបាល និង​សហគមន៍ ដើម្បី​ផ្តល់ព័ត៌មាន​ពាក់ព័ន្ធ​នឹង​សកម្ម​ភាពមិនប្រក្រតី​នានា ដែល​ប្រព្រឹត្ត​ដោយ​សិស្ស ដើម្បី​សហការ​ទប់ស្កាត់ និង​អប់រំ​ណែនាំ​កែលំអ​ឲ្យ​បាន​ទាន់ពេលវេលា​​៕

អត្ថបទ៖ សំអឿន

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ8 mins ago

អាជ្ញាធរស្រុកកៀនស្វាយទុកពេលឲ្យពលរដ្ឋ៤ថ្ងៃរុះរើសំណង់រំលោភផ្លូវសាធារណៈ

ព័ត៌មានជាតិ12 mins ago

រក​ឃើញ​​​អ្នក​ឆ្លង​កូវីដ១៩ ចំនួន​២​នាក់​ ទៀត​នៅ​ប៉េង​ ហួត ៦០​ម៉ែត្រ​​

ព័ត៌មានជាតិ22 mins ago

គិតមក​ដល់​ល្ងាចនេះ ទីតាំង​ពាក់ព័ន្ធ​ព្រឹ​ត្តិ​ការណ៍​សហគមន៍​២០​កុម្ភៈ ចំនួន​៧៥​ទីតាំង ​ត្រូវ​បាន​អាជ្ញាធរបិទ

ព័ត៌មានជាតិ34 mins ago

ហ្វីលីពីន​អរគុណ​កម្ពុជា​ដែល​បាន​ផ្តល់​ការ​ការពារ​និង​គាំពារ​បាន​យ៉ាង​យ៉ាង​ល្អ​ដល់​ពលរដ្ឋ​ហ្វី​លីន​ធ្វើការ​និង​ស្នាក់នៅ​កម្ពុជា

ព័ត៌មានជាតិ41 mins ago

ភ្នំពេញ​នៅ​រដូវ​ប្រាំង​ ឆ្នាំ២០២១​នេះ​​ ​ខ្វះ​ភ្លើង​​​ប្រើ​ឬ​​ទេ?

Sokha Hotels

ព័ត៌មានពេញនិយម

Helistar Cambodia - Helicopter Charter Services