Connect with us

ព័ត៌មានជាតិ

រដ្ឋចំណាយថវិកាជិត ៦លានដុល្លារ ជួយដល់កម្មករនិយោជិតព្យួរការងារ

បានផុស

នៅ

រាជរដ្ឋាភិបាល បានចំណាយថវិកាប្រមាណជិត ៦លានដុល្លារ ឧបត្ថម្ភដល់កម្មករនិយោជិតប្រមាណជិត១៥ម៉ឺននាក់ ដែលព្យួរកិច្ចសន្យាការងារ ដោយសារវិបត្តិសេដ្ឋកិច្ចសាកល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈបានមានប្រសាសន៍ នៅព្រឹកថ្ងៃទី២៦ធ្នូនេះថា ចាប់តាំងពីថ្ងៃទី១ ខែមេសា ឆ្នាំ២០២៣រហូតមកដល់ពេលនេះ រាជរដ្ឋាភិបាលបានបើកផ្តល់ ប្រាក់ឧបត្ថម្ភដល់កម្មករនិយោជិតដែលព្យួរកិច្ចសន្យាការងារដោយសារវិបត្តិសេដ្ឋកិច្ចសាកលសរុបចំនួន ១៤៩ ៤៣១នាក់ ក្នុងចំណោមកម្មករនិយោជិតចំនួន ១៥៨ ៩៤៨នាក់ ដែលស្មើនឹងថវិកាចំនួន ២៣, ៩០២,៦៣២,០០០រៀល ស្មើនឹងជិត៦លានដុល្លារ ដោយកម្មករនិយោជិតទៅបើកប្រាក់ឧបត្ថម្ភពីភ្នាក់ងារវីង។

បើតាមក្រសួងការងារ និងបណ្តុះបណ្តាលវិជ្ជាជីវៈបានឱ្យដឹងថា ការបើកប្រាក់ឧបត្ថម្ភនេះរាជរដ្ឋាភិបាល​ធ្វើឡើង​តាមរយៈធនាគារវីង ដែលផ្ញើសារចូលទៅក្នុងទូរស័ព្ទដៃរបស់កម្មករនិយោជិតដែលបានផ្តល់​ឲ្យក្រសួងតាម​រយៈរដ្ឋបាលរោងចក្រនិងសហគ្រាសនាពេលកន្លងមកហើយប្រាក់ឧបត្ថម្ភនេះ នឹងត្រូវបើកផ្តល់ជាប្រាក់រៀល និងអាស្រ័យលើចំនួនថ្ងៃ នៃការព្យួរកិច្ចសន្យាការងារ ។

ធនាគារឯកទេសវីង នឹងបង្វិលប្រាក់ឧបត្ថម្ភនេះ ជូនរាជរដ្ឋាភិបាលវិញ ប្រសិនជាបងប្អូនខកខាន មិនបានទៅបើកប្រាក់​ឧបត្ថម្ភនេះ ក្នុងរយៈពេល១០ថ្ងៃ បន្ទាប់ពីទទួលបានសារតាមទូរស័ព្ទពីធនាគារឯកទេស​វីងដោយត្រូវយក​អត្តសញ្ញាណ​បណ្ណសញ្ជាតិខ្មែរ និងទូរសព្ទដែលទទួលបានសារនោះទៅកាន់ភ្នាក់ងារវីង ដែលនៅជិតបំផុត ដើម្បីបើកប្រាក់ឧបត្ថម្ភនេះ​ហើយរាល់ការបើកប្រាក់នេះគឺមិនតម្រូវឲ្យបង់ថ្លៃសេវាឡើយ។

ក្នុងករណីកម្មករនិយោជិត ដែលបម្រើការងារនៅរោងចក្រ សហគ្រាសមិនបានទទួលសារ ទូរសព្ទពីធនាគារឯកទេសវីង នោះត្រូវធ្វើទំនាក់ទំនងសួរព័ត៌មានបន្ថែម ឬធ្វើបច្ចុប្បន្នភាពលេខទូរសព្ទរបស់ខ្លួន ទៅរដ្ឋបាលរោងចក្រ សហគ្រាស​ជាបន្ទាន់។

គួរបញ្ជាក់ថា គិត​ត្រឹម​ខែ​មិថុនា ឆ្នាំ ២០២៣ កម្ពុជាមានរោងចក្រ សហគ្រាស​ចំនួន ១៧ ២៥១ និង​មាន​កម្មករ​និយោជិត​សរុប​ចំនួន​ជិត ១,៥ លាន​នាក់ ក្នុង​នោះ រោងចក្រសហគ្រាស ក្នុង​វិស័យ​វាយនភណ្ឌ​, កាត់ដេរ​, ផលិត​ស្បែកជើង ផលិតផល​ធ្វើ​ដំណើរ ​និង​កាបូប មាន​ចំនួន ១.៣៣២ និង​មាន​កម្មករ​និយោជិត​សរុប​ប្រមាណ ៨៤ ម៉ឺន​នាក់ ដោយ​ទទួល​បាន​ប្រាក់ចំណូល​ប្រចាំ​ឆ្នាំ​ប្រមាណ​ជិត ៣ ពាន់​លាន​ដុល្លារ៕

អត្ថបទ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១២ នាទី មុន

អ្នកស្រាវជ្រាវប្រទះឃើញប្រភេទឧរង្គសត្វ​សង្ស័យជាប្រភេទថ្មីសម្រាប់កម្ពុជានិងសកលលោក

ព័ត៌មានជាតិ១២ នាទី មុន

អាជ្ញាធរខេត្តកំពង់ធំ ប្រគល់វិញ្ញាបនបត្រសម្គាល់ម្ចាស់អចលនវត្ថុ ប្រមាណ ១.០០០ បណ្ណ ជូនប្រជាពលរដ្ឋ ស្រុកប្រាសាទសំបូរ

ជីវិតកម្សាន្ដ១៧ នាទី មុន

ប្រភពជិតស្និទ្ធថា Joon Yeol និង Hyeri ឈប់ទាក់ទងគ្នាតាំងពីដើមខែកុម្ភៈឆ្នាំមុនម៉្លេះ

ព័ត៌មានអន្ដរជាតិ១៨ នាទី មុន

ផ្សារហ៊ុន វៀតណាម ធ្លាក់ចុះ ក្រោយប្រធានាធិបតីលាលែងពីតំណែង

ព័ត៌មានជាតិ៣៣ នាទី មុន

ស្អាតស្អំ ប្រសិទ្ធភាព រហ័ស គឺជា​ការប្តេជ្ញា​ចិត្ត​ពី​រដ្ឋមន្រ្តី​ថ្មី​​ដឹកនាំនៅក្រសួង​សាធារណការ​និងដឹកជញ្ជូន

Sokha Hotels

ព័ត៌មានពេញនិយម