អាជ្ញាធរបន្ទាយមានជ័យហាមប្រើប្រាស់ផាវ និងគ្រឿផ្ទុះក្នុងថ្ងៃចូលឆ្នាំចិនវៀតណាម

អាជ្ញាធរខេត្តបន្ទាយមានជ័យ បានចេញវិធានការ ៥ ចំណុចដើម្បីទប់ស្កាត់បាតុភាពផ្សេងៗ ក្នុងឱកាសពិធីបុណ្យចូលឆ្នាំប្រពៃ​ណីចិន វៀតណាម ចាប់ពីថ្ងៃទី ១២ ដល់ថ្ងៃទី ១៤ ខែកុម្ភៈនេះ។ ជាវិធានការទប់ស្កាត់ការដុតផាវ និងលក់ដូរគ្មានការអនុញាតពីសមត្ថកិច្ច អាជ្ញាធរ។

សេចក្តីណែនាំដែលចុះហត្ថលេខាងដោយ លោក អ៊ុំ រាត្រី អភិបាលខេត្តបន្ទាយមានជ័យឲ្យដឹងថា កុមារតូចឬយុវជនខ្លះតែងបាននាំគ្នាទិញផាវមកដុតលេងនៅតាមមុខផ្ទះឬតាមផ្លូវសាធារណៈ​សាធារណៈជាកម្សាន្តធ្វើឱ្យរំខាននិងប៉ះពាល់ដល់អ្នកដទៃរស់នៅជិត​ខាងឬអ្នកធ្វើដំណើរតាមដងផ្លូវសាធារណៈ។

វិធានការណែនាំរបស់រដ្ឋបាលខេត្តបន្ទាយមានជ័យទាំង ៥ ចំណុចរួមមាន៖

១. ហាមការនាំយករំសេវផ្ទុះដាក់លក់ដោយពុំមានការអនុញាតពីអាជ្ញាធរ។

២. អាជ្ញាធរត្រូវផ្សព្វផ្សាយដល់ប្រជាពលរដ្ឋនៅតាមមូលដ្ឋានឲ្យបានដឹងគ្រប់ៗគ្នា។

៣. អាណាព្យាបាលត្រូវណែនាំនិងហាមឃាត់កូនឲ្យបានកុំឲ្យទិញ នឹងដុតផាវជាល្បែងកម្សានជាដាច់ខាត់។

៤. ត្រូវប្រុងប្រយ័ត្នពេលសែនព្រេន ហើយបិទទ្វារផ្ទះចោល ធ្វើដំណើរទៅឆ្ងាយត្រូវរៀបចំពន្លត់ទៀន ធូបមុនចេញដំណើរកម្សាន្ត

៥. សមត្ថកិច្ចស្នងការខេត្ត និងកងរាជអាវុធហត្ថខេត្ត ត្រូវចាត់កម្លាំងដើរល្បាត និងត្រួតពិនិត្យសកម្មភាពណែនាំខាងលើឲ្យបានហ្មត់ចត់៕

អត្ថបទ៖ សំអឿន