អាកាសធាតុចុះត្រជាក់ក្នុងកម្រិត ១៨ អង្សា នៅពេលព្រឹកក្នុងខេត្តចំនួន ៣

ក្រសួងធនធានទឹក និងឧតុនិយម បានប្រកាសនៅថ្ងៃទី ១២ ខែមករា ឆ្នាំ ២០២៤នេះថា ទ្រនុងសម្ពាធខ្ពស់ពីប្រទេស​ចិនរំកិលចុះមកក្រោម គ្របដណ្តប់មកលើភាគឦសាន និងភាគខាងកើតកម្ពុជា ជាមួយនឹងខ្យល់មូសុងឦសានខ្សោយ។

ស្ថានភាពបែបនេះនឹងធ្វើឱ្យសីតុណ្ហភាពចុះត្រជាក់ នៅតំបន់មួយចំនួនជាពិសេស ខេត្តស្ថិតនៅតំបន់ខ្ពង់រាប និងតំបន់ភ្នំ ក្នុងនោះដូចជាខេត្តព្រះវិហារ ខេត្តមណ្ឌលគិរី និងខេត្តរតនគិរី សីតុណ្ហភាពចុះត្រជាក់នៅពេលព្រឹកក្នុងកម្រិត ១៨ អង្សា ចាប់ពីថ្ងៃទី ១២ ដល់ថ្ងៃទី ១៤ ខែមករា ឆ្នាំ ២០២៤។

ចំណែកឯ តំបន់មាត់សមុទ្រ សីតុណ្ហភាពអប្បបរមាពី ២២-២៤°C និងសីតុណ្ហភាពអតិបរមាពី៣២-៣៤°C ហើយខ្យល់បក់មកពីទិសឦសានក្នុងល្បឿនពី២-៤ម៉ែត្រ/វិនាទី ដែលមានរលកសមុទ្រកម្ពស់ពី ០,៥០-១,០០ ម៉ែត្រ៕