ព័ត៌មានជាតិ
អ្នកនិពន្ធ៖ សៀវភៅ «កូនប្រុសច្បងដ៏មានឥទ្ធិពល» មានវត្តមាននៅប្រទេសបារាំង បន្ទាប់ពីអាមេរិក និងជប៉ុន
លោក ពៅ សុខ ទីប្រឹក្សាផ្ទាល់សម្តេចធិបតី ហ៊ុន ម៉ាណែត និងជាអ្នករៀបរៀងសៀវភៅ «កូនប្រុសច្បង ដ៏មានឥទ្ធិពល» បានប្រាប់អ្នកសារព័ត៌មាននៅថ្ងៃអាទិត្យទី១៤ ខែមករា ឆ្នាំ២០២៤នេះថា បន្ទាប់ពីធ្វើបច្ចុប្បន្នភាព និងបោះពុម្ពលើកទី២ សៀវភៅ «កូនប្រុសច្បងដ៏មានឥទ្ធិពល» បានមានវត្តមាននៅប្រទេសបារាំង បន្ទាប់ពីទៅដល់សហរដ្ឋអាមេរិក និងប្រទេសជប៉ុន តាមការស្នើសុំរបស់អ្នកគាំទ្រ សកម្មជន និងមហាជនកាលពីពេលកន្លងមក។
លោក ពៅ សុខ បញ្ជាក់ថា នេះជាមោទនភាពមួយ ក្នុងនាមលោកជាអ្នកនិពន្ធ ជាអ្នករៀបរៀងសៀវភៅ ដែលស្នាដៃរបស់លោក ត្រូវបានគាំទ្រ និងនាំយកទៅកាន់បណ្តាប្រទេសមួយចំនួនទាំងនៅក្នុងទ្វីអាស៊ី និងអឺរ៉ុប តាមរយៈ អ្នកស្ម័គ្រចិត្ត សកម្មជន ជាពិសេសអ្នកគាំទ្រ អ្នកគោរពស្រឡាញ់សម្តេចធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ក្នុងនោះមាន កញ្ញាជំទាវ ប៊ុន សុខសាន្ត លោកមេធាវី ម៉ុត សៀងហៃ និងអ្នកគាំទ្រដទៃជាច្រើនទៀត។
លោក ពៅ សុខ បញ្ជាក់បន្ថែមថា សៀវភៅ «កូនប្រុសច្បង ដ៏មានឥទ្ធិពល» មានវត្តមាន នៅសហរដ្ឋអាមេរិកកាលពីចុងខែកញ្ញា ឆ្នាំ២០២៣ ជាមួយនឹងបេសកកម្មជាលើកដំបូងរបស់សម្តេចមហាបវរធិបតី ហ៊ុន ម៉ាណែត ដែលអញ្ជើញចូលរួមក្នុងមហាសន្និបាតអង្គការសហប្រជាជាតិ ក្នុងនាមជានាយករដ្ឋមន្រ្តី លើកទី២ ក្នុងបេសកកម្មជាលើកដំបូងរបស់សម្តេចមហាបវរធិបតី ទៅកាន់ប្រទេសជប៉ុន កាលពីពាក់កណ្តាលខែធ្នូ ឆ្នាំ២០២៣ និងលើកទី៣ នៅប្រទេសបារាំង នៅពាក់កណ្តាលខែមករាឆ្នាំ២០២៤នេះ។
លោក ពៅ សុខ រម្លឹកថា បន្ទាប់ពីធ្វើបច្ចុប្បន្នភាពជិត២០០ទំព័របន្ថែមទៀតសៀវភៅ «កូនប្រុសច្បងដ៏មានឥទ្ធិពល» ត្រូវបានបោះពុម្ពជាលើកទី២ចំនួន២ម៉ឺនច្បាប់ កាលពីខែតុលា ឆ្នាំ២០២៣ ក្រោមការឧបត្ថម្ភបោះពុម្ពទាំងស្រុងពីសម្តេចអគ្គមហាសេនាបតីតេជោ ហ៊ុន សែន ប្រធានឧត្តមក្រុមប្រឹក្សាព្រះមហាក្សត្រ និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ខណៈការបោះពុម្ពលើកទី១ ចំនួន២ម៉ឺនច្បាប់ ក្រោមការឧបត្ថម្ភដ៏ខ្ពង់ខ្ពស់ពីសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ដូចគ្នា។
លោកអះអាងថា ដូចជុំទីមួយដែរ ជុំទី២នេះ លោកនឹងផ្សព្វផ្សាយ សៀវភៅកូនប្រុសច្បងដ៏មានឥទ្ធិពល ទៅដល់បណ្តា រាជធានី ខេត្ត ទាំង២៥ និងនៅក្រៅប្រទេសតាមការស្នើសុំរបស់មិត្តអ្នកអាន និងអ្នកគាំទ្រទាំងអស់។
លោក ពៅ សុខ ក៏បានថ្លែងអំណរគុណ យ៉ាងជ្រាលជ្រៅដល់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលបានឧបត្ថម្ភការបោះពុម្ពផ្សាយ និងអរគុណដល់បណ្តាមិត្តអ្នកអានទាំងអស់ ដែលបានគាំទ្រស្នាដៃរបស់លោកផងដែរ៕
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង