Connect with us

ព័ត៌មានជាតិ

បេក្ខជនជិត ២ពាន់នាក់ នឹងត្រូវចូលរួមប្រឡងជ្រើសរើសគ្រូអប់រំកាយ និងកីឡា ខណៈជ្រើសរើសតែ ១០០នាក់ប៉ុណ្ណោះ

បានផុស

នៅ

បេក្ខជនជិត ២ពាន់នាក់ នឹងត្រូវចូលរួមក្នុងការប្រឡងប្រជែងជ្រើសរើសគ្រូបង្រៀន ឯកទេសអប់រំកាយ និងកីឡាជំនាន់ទី ៣១ នៅថ្ងៃទី ២៨ ខែមករា ឆ្នាំ ២០២៤ឆាប់ៗនេះ ខណៈការជ្រើសរើសមានចំនួនត្រឹមតែ ១០០នាក់ប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកឧត្តម ហ៊ុន ម៉ានី រដ្ឋមន្ត្រីក្រសួងមុខងារសាធារណៈ មានប្រសាសន៍ក្នុងសន្និសីទសារព័ត៌មាន ស្តីពី «ការប្រឡងប្រជែងជ្រើសរើសគ្រូបង្រៀន ឯកទេសអប់រំកាយ និងកីឡាជំនាន់ទី ៣១ ឲ្យចូលបម្រើការងារក្នុងក្របខណ្ឌក្រសួងអប់រំ យុវជន និងកីឡា» នៅល្ងាចថ្ងៃទី ២៦ ខែមករានេះថា ដោយទទួលបានគោលការណ៍ពីរាជរដ្ឋាភិបាល គឺក្រសួងមុខ​ងារសាធារណៈ និងក្រសួងអប់រំ យុវជន និងកីឡា​ សហការគ្នារៀបចំការប្រឡងជ្រើសរើសគ្រូបង្រៀន ឯកទេសអប់រំកាយ និងកីឡាជំនាន់ទី ៣១ ចំនួន ១០០នាក់។

ការជ្រើសរើសគ្រូអប់រំកាយ និងកីឡា ចំនួន ១០០នាក់នេះ នឹងត្រូវបែងចែកទៅសាលារៀនកម្រិតអនុវិទ្យាល័យ និងវិទ្យាល័យចំនួន ២១ខេត្ត។ ចំពោះបេក្ខជនសម្រាប់ការប្រឡងជ្រើសរើសគ្រូអប់រំកាយ និងកីឡានេះ មាន ២កម្រិត គឺកម្រិតមូលដ្ឋាន ១២+២ ចំនួន ១,៤៤៥នាក់ ស្រី ៤៥០នាក់ និងកម្រិតថ្នាក់បរិញ្ញាបត្រ ១២+៤ ចំនួន ៤៤៧នាក់ ស្រីចំនួន ១៣៥នាក់ ដែលសរុបទាំងពីរមានបេក្ខជនសរុបចំនួន ១,៨៩២នាក់។

ឯកឧត្តម ហ៊ុន ម៉ានី បានឲ្យដឹងបន្តថា ការប្រឡងជ្រើសរើសគ្រូបង្រៀន ឯកទេសអប់រំកាយ និងកីឡាជំនាន់ទី ៣១ នេះ ត្រូវបែងចែកជា ២វិញ្ញាសា គឺវិញ្ញាសាសរសេរ និងវិញ្ញាសាអនុវត្តន៍កីឡា។ ចំពោះវិញ្ញាសាសរសេរ មាន ៣មុខវិជ្ជា គឺវប្បធម៌ទូទៅ, ជីវវិទ្យា និងភាសាអង់គ្លេស ដែលត្រូវប្រឡងនៅថ្ងៃទី ២៨ ខែមករា ឆ្នាំ ២០២៤ នៅសាកលវិទ្យាល័យភូមិន្ទនីតិសាស្រ្ដ និងវិទ្យាសាស្រ្ដសេដ្ឋកិច្ច ហើយចំពោះវិញ្ញាសាប្រឡង នឹងត្រូវតាក់តែងឡើងនៅព្រឹកថ្ងៃប្រឡងភ្លាមៗតែម្ដង។

ចំណែកវិញ្ញាសាអនុវត្តន៍កីឡា គឺមាន ៣ប្រភេទដែរ គឺអនុវត្តវិញ្ញាសាចោលដុំដែក ទម្ងន់ ៥គីឡូក្រាម សម្រាប់បុរស និង ទម្ងន់៣គីឡូក្រាម សម្រាប់នារី, អនុវត្តវិញ្ញាសាលោតចម្ងាយ បុរស-នារី និងអនុវត្តវិញ្ញាសារត់ល្បឿន ១០០ម៉ែត្រ សម្រាប់បុរស និង ៨០ម៉ែត្រ សម្រាប់នារី ដែលនឹងត្រូវប្រឡងនៅថ្ងៃទី ២៩ ខែមករា ឆ្នាំ ២០២៤ នៅវិទ្យាស្ថានអប់រំកាយ និងកីឡា ហើយត្រូវប្រឡងរយៈពេល ៨ថ្ងៃជាប់គ្នា ដោយសារតែមានបេក្ខជនប្រឡងច្រើន។

ចំណែលោក ណាត ប៊ុនរឿន រដ្ឋលេខាធិការក្រសួងអប់រំ យុវជន និងកីឡា បានផ្ដាំផ្ញើដល់បេក្ខជន និងមាតា-បិតាអាណាព្យាបាលទាំងអស់ សូមមានជំនឿលើគណៈកម្មការរៀបចំការប្រឡង ហើយត្រូវមានជំនឿថា «អ្នកចេះ គឺជាប់»។ ក្នុងនោះដែរ លោករដ្ឋលេខាធិការ ក៏បានលើកទឹកចិត្តដល់បេក្ខជនទាំងអស់ ត្រូវមានក្ដីសង្ឃឹម និងតស៊ូ ចំពោះប្រឡងជ្រើសរើសគ្រូអប់រំកាយ និងកីឡា នេះ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ នាទី មុន

អគ្គនាយកអន្តោប្រវេសន៍ ប្រាប់មន្ត្រីជួយសម្រួលដល់ពលករដែលត្រឡប់ពីថៃឱ្យបានល្អ នាឱកាសចូលឆ្នាំខ្មែរ

ព័ត៌មានអន្ដរជាតិ៧ នាទី មុន

គ្រូពេទ្យភ្ញាក់ផ្អើល ក្រោយវះកាត់ឃើញដូងមួយផ្លែក្នុងរន្ធគូថបុរស តៃវ៉ាន់

ព័ត៌មានជាតិ១២ នាទី មុន

ការដាក់ឱ្យដំណើរការរបបសន្តិសុខសង្គម ជាប្រវត្តិសាស្ត្រថ្មីមួយបន្ថែមទៀតសម្រាប់កម្ពុជា

ព័ត៌មានជាតិ១៧ នាទី មុន

អ្នកសារព័ត៌មានដើរតួនាទីសំខាន់​​ ចូលរួម​​បញ្ជ្រាប​គោលនយោបាយ​​របបសន្តិសុខសង្គម​ដល់សាធារណៈជន

ព័ត៌មានជាតិ១៩ នាទី មុន

ប្រធានរដ្ឋសភាថៃ អះអាងថា នឹងជួយជំរុញអ្នកវិនិយោគថៃឲ្យមកបណ្ដាក់ទុនកាន់តែច្រើននៅកម្ពុជា

Sokha Hotels

ព័ត៌មានពេញនិយម