ព័ត៌មានជាតិ
អគ្គស្នងការប្រាប់រឿង អធិការស្រុកកំរៀងព្យួរតំណែង
លោក ឆាយ គឹមខឿន អ្នកនាំពាក្យអគ្គស្នងការនគរបាលជាតិបានថ្លែងប្រាប់កម្ពុជាថ្មីនារសៀលថ្ងៃទី១៥ ខែកុម្ភៈ ឆ្នាំ២០២១ថា ជាបឋមលោកវរសេនីយ៏ឯក គឹម ពន្លក អធិការនគរបាលស្រុកកំរៀង ត្រូវបានស្នងការនគរបាលខេត្តបាត់ដំបង ត្រូវដកតួនាទីជាបណ្ដោះអាសន្នសិន រង់ចាំការសម្រេចជាថ្មី ទោះជាយ៉ាងណា លោកមិនបានបញ្ជាក់ថា ការព្យួរតួនាទីនោះ ពាក់ព័ន្ធរឿងអ្វីនោះទេ។
ប៉ុន្តែកាលពីព្រឹកថ្ងៃទី ១៥ ខែមករានេះ ស្នងការនគរបាលខេត្តបាត់ដំបងបានចេញសេចក្តីសម្រេចមួយ ផ្អាកការងារបណ្តោះអាសន្ន លោក គឹម ពន្លក បន្ទាប់ពីបែកធ្លាយរូបភាព លោកអធិការរូបនេះ បានលួចដោះលែងមេខ្យល់ដែលនាំពលករខ្មែរទៅធ្វើការនៅប្រទេសថៃ ក្នុងពេលដែលមានការរីករាលដាលជំងឺកូវីដ១៩។
បើតាមសេចក្តីសម្រេចបន្ទាប់ពីផ្អាកការងារបណ្តោះអាសន្នលោក គឹម ពន្លក ត្រូវបង្ហាញមុខ នៅការិយាល័យបុគ្គលិក រៀងរាល់ម៉ោងធ្វើការ ដើម្បីកែប្រែកំហុសឆ្គង និងរង់ចាំការសម្រេចជាថ្មី។
លោកវរសេនីយ៏ឯក គឹម ពន្លក មានតួនាទីជាអធិការនគរបាលស្រុកកំរៀង ខេត្តបាត់ដំបង ត្រូវបានស្នងការនគរបាលខេត្ត សម្រេចផ្អាកការងារជាបណ្ដោះអាសន្នក្រោយពីរកឃើញថា លោកអធិការរូបនេះអនុវត្តការងារខុសនីតិវិធី ហើយតាមប្រភពមួយចំនួនបានអះអាងថា ការសម្រេចផ្អាកការងារលោកអធិការស្រុកកំរៀងនេះ មានពាក់ព័ន្ធករណីដោះលែងមេខ្យល់ ដែលនាំពលករខ្មែរចេញចូលប្រទេសថៃដោយសុខច្បាប់។
សូមបញ្ជាក់ថា សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា កាលពីព្រឹកថ្ងៃទី១៥ ខែកុម្ភៈ ឆ្នាំ២០២១ នេះ បានចេញបញ្ជាដាច់ខាត ឲ្យវាយខ្នោះលោកប៉ូលិសស័ក្តិ៤ ម្នាក់នៅច្រកឡែម (ស្ថិតក្នុងកំរៀង) ប្រសិនបើរកឃើញថា លោកស័ក៤ រូបនោះ បានដោះលែងមេខ្យល់នាំពលករខុសច្បាប់ ចេញចូលប្រទេសថៃ និងគេចចេញពីការធ្វើចត្តាឡីស័ករបស់សមត្ថកិច្ចនៅតាមព្រំដែន។
បើតាមសម្តេចតេជោ ហ៊ុន សែន ករណីនេះសម្តេចបានទទួលរបាយការណ៍ជាច្រើនអំពីការចេញ ចូលរបស់ពលករនៅច្រកឡែម ដោយមានការសហការគ្នារ ហើយសម្ដេច ក៏ទទួលបានឯកសារខ្លះអំពីការស្រាវជ្រាវលើករណីនេះ ដែលបញ្ជាក់ថា មានលោកស័ក្តិ៤ម្នាក់ បានដោះលែងមេខ្យល់នាំពលករខ្មែរចេញពីប្រទេសថៃដោយខុសច្បាប់ ក្រោយពីទាហានចាប់បាន។
ទាក់ទងករណីនេះ កម្ពុជាថ្មី នៅមិនទាន់អាចស្វែងរកការបញ្ជាក់ពីស្នងការនគរបាលខេត្តបាត់ដំបងបាននៅឡើយទេ រហូតដល់រសៀលថ្ងៃទី១៥ ខែកុម្ភៈ ឆ្នាំ២០២១៕
អត្ថបទ៖ កោះកែវ
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៦ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២៣ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល