ព័ត៌មានជាតិ
តារាកំប្លែងជើងចាស់ និងអាជីវករថៃ ស្វាគមន៍ដំណើរទស្សនកិច្ចរបស់ នាយករដ្ឋមន្ត្រីកម្ពុជា
បន្ទាប់ទទួលបានដំណឹងពីដំណើរទស្សនកិច្ចផ្លូវការរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា ទៅកាន់ប្រទេសថៃ នៅថ្ងៃទី ០៧ ខែកុម្ភៈ ឆ្នាំ ២០២៤ ស្អែកនេះ មានពលរដ្ឋខ្មែរជាច្រើននាក់ ដែលកំពុងរស់នៅប្រទេសថៃ បានចេញសារអបអរសាទរ និងគាំទ្រយ៉ាងភ្លូកទឹកភ្លូកដី។ ក្រៅពីនេះ ក៏មានពលរដ្ឋថៃជាច្រើន បានចេញសារស្វាគមន៍ចំពោះដំណើរទស្សនកិច្ចរបស់ សម្ដេចនាយករដ្ឋមន្ត្រីកម្ពុជា ផងដែរ។
លោក ធូ ឡេះ តារាកំប្លែងជើងចាស់ថៃ រស់នៅទីក្រុងបាងកក បានសម្ដែងអារម្មណ៍រំភើបយ៉ាងខ្លាំង ដែល សម្ដេចនាយករដ្ឋមន្ត្រី ហ៊ុន ម៉ាណែត និងគណៈប្រតិភូកម្ពុជា នឹងអញ្ជើញមកទស្សនកិច្ចផ្លូវការនៅប្រទេសថៃ។ តារាកំប្លែងជើងចាស់រូបនេះ បានជូនពរ សម្ដេចនាយករដ្ឋមន្ត្រី សម្រេចរាល់កិច្ចការចរចាការងារ និងធុរកិច្ចផ្សេងៗ អំឡុងពេលទស្សនកិច្ចនេះ។
សម្រាប់អាជីវករថៃ អ្នកនាង វរិផា កាន់កានុក រស់នៅទីក្រុងបាងកក ក៏បានសម្ដែងការសាទរ និងត្រេកអរចំពោះដំណើរទស្សនកិច្ចរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា និងគណៈប្រតិភូ មកកាន់ប្រទេសថៃ ដែរ។ ស្ត្រីជាអាជីវករថៃរូបនេះ បានគោរពជូនពរ សម្ដេចនាយករដ្ឋមន្ត្រី ជោគជ័យគ្រប់ភារកិច្ច និងសង្ឃឹមថា សម្ដេច នឹងអញ្ជើញទៅទស្សនកិច្ចនៅប្រទេសថៃ ជាបន្តបន្ទាប់ទៀត។
គួរបញ្ជាក់ថា សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា នឹងអញ្ជើញទៅបំពេញទស្សនកិច្ចផ្លូវការនៅប្រទេសថៃ នាថ្ងៃទី ០៧ ខែកុម្ភៈ ឆ្នាំ ២០២៤ ស្អែកនេះ ដោយតបតាមការអញ្ជើញរបស់ លោក សេដ្ឋា ថាវីស៊ីន នាយករដ្ឋមន្ត្រី នៃព្រះរាជាណាចក្រថៃ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ