ព័ត៌មានជាតិ
សម្តេច ហ៊ុន ម៉ាណែត ៖ ប្រទេសមានមូលធនមនុស្សច្រើនបង្កើនភាពប្រកួតប្រជែងជំរុញកំណើនសេដ្ឋកិច្ច
ប្រសិនបើប្រទេសមួយមានមូលធនមនុស្សដែលមានសមត្ថភាពកាន់តែច្រើន នឹងជួយបង្កើនភាពប្រកួតប្រជែង និងជំរុញកំណើនសេដ្ឋកិច្ចជាតិ។ នេះបើតាមការលើកឡើងរបស់សម្តេច ហ៊ុន ម៉ាណែត នាយករដ្ឋមន្រ្តីកម្ពុជា នៅក្នុងពិធីសម្ពោធអគារសាកលវិទ្យាល័យជាតិគ្រប់គ្រង សាខាវាលស្បូវ និងប្រគល់សញ្ញាបត្រជូននិស្សិតជាង ៥ពាន់នាក់ នៅព្រឹកថ្ងៃទី១៥ ខែកុម្ភៈ ឆ្នាំ២០២៤។
សម្តេច បានបន្តថា កម្ពុជា ប្រកាន់របបទីផ្សារសេរី និងសមាហរណកម្មពិភពលោក ត្រូវមានការប្រកួតប្រជែង។ ដូច្នេះដើម្បីប្រកួតប្រជែង ត្រូវការធនធានមនុស្ស ដែលអាចជំរុញសេដ្ឋកិច្ចជាតិបាន។ «ធនធានមនុស្សទាំងលើទាំងក្រោម ពីថ្នាក់ដឹកនាំជាតិ រហូតដល់ថ្នាក់ក្រោមជាតិ ទាំងប្រជាពលរដ្ឋគ្រប់វិស័យទាំងអស់»។ នេះជាការបន្ថែមរបស់សម្តេច ហ៊ុន ម៉ាណែត។
លើសពីនេះទៀត សម្តេច បានសង្កត់ធ្ងន់ថា ចំណេះដឹងគឺជាអំណាច មានសមត្ថភាពអាចដឹកនាំជីវិត ឱ្យមានភាពរឹងមាំ ដើម្បីអភិវឌ្ឍប្រទេសជាតិ។
សម្ដេចធិបតី ធ្លាប់បានលើកឡើងថា ការលើកកម្ពស់ជីវភាពប្រជាជនក៏ជាគោលដៅធំរបស់រាជរដ្ឋាភិបាល។ គោលដៅនៃការអប់រំ គឺមាន៤ ឬហៅថា «ចតុស្ដម្ភ» ពោលគឺអប់រំមនុស្សឱ្យក្លាយជាពលរដ្ឋល្អ មានសីលធម៌ រស់នៅប្រកបដោយសុខដុមរមនា អប់រំមនុស្សឱ្យចេះដឹង មានចំណេះ ជំនាញ យល់អំពីស្ថានភាពជុំវិញខ្លួន អាចសម្រេចចិត្តដោយគ្រប់ជ្រុងជ្រោយ រៀនដើម្បីចេះធ្វើ បង្កើតជំនាញបំនិន ដើម្បីធ្វើការងារបានពិតប្រាកដ។ នេះជាគោលដៅនៃការអប់រំ មិនមែនតែដើម្បីជំនាញរឹងមួយមុខនោះទេ តែក៏ដើម្បីជំនាញទន់ផងដែរ។
សូមបញ្ជាក់ថា រាជរដ្ឋាភិបាលនីតិកាលទី៧នៃរដ្ឋសភាបានដាក់ចេញនូវយុទ្ធសាស្ត្របញ្ចកោណដំណាក់ទី១ ដោយមានយុទ្ធសាស្ត្រទី១ផ្ដោតជាចម្បងលើការអភិវឌ្ឍមូលធនមនុស្ស ដែលជាលក្ខខណ្ឌចាំបាច់មិនអាចខ្វះបានសម្រាប់ជំរុញពិពិធកម្មកំណើនសេដ្ឋកិច្ច និងការអភិវឌ្ឍសង្គមជាតិប្រកបដោយបរិយាបន្ន និងភាពធន៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ