ព័ត៌មានជាតិ

រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ ស្វែងយល់ពីការបណ្តុះបណ្តាលសិក្ខាកាមតាមបែបស្តង់ដារជប៉ុនរបស់មន្ទីរពេទ្យសាន់រ៉ាយស៍នៅកម្ពុជា

បានផុស

២ years មុន

នៅ

ថ្ងៃពុធ ២១ កុម្ភៈ ២០២៤

ដោយ

លោក ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃពុធ ទី២១ ខែកុម្ភៈ ឆ្នាំ២០២៤នេះ បានអនុញ្ញាតឱ្យគណៈគ្រប់គ្រងនៃមន្ទីរពេទ្យសាន់រ៉ាយរបស់ប្រទេសជប៉ុនប្រចាំនៅកម្ពុជា បានចូលជួបសំដែងការគួរសមនៅទីស្តីការក្រសួងការងារ និងបណ្តុះបណ្តាលវិជ្ជាជីវៈដើម្បីស្វែងយល់ពីការបណ្តុះបណ្តាល និងការចុះកម្មសិក្សារបស់មន្ទីរពេទ្យដល់និស្សិតកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយការស្វាគមន៍របស់លោករដ្ឋមន្ត្រី លោក KAMATA Keiya ប្រធានក្រុមប្រឹក្សាភិបាល និងនាយកប្រតិបត្តិក្រុមហ៊ុនសាន់រាយ បានរាយការណ៍ពីសកម្មភាពរបស់ខ្លួនដែលធ្វើសកម្មភាពរយៈពេល៧ឆ្នាំនៅកម្ពុជាលើសេវាកម្មសុខាភិបាល។ នាយកប្រតិបត្តិរូបនេះ បានបន្តលើកឡើងពីការបណ្តុះបណ្តាលបុគ្គលិក និងសិក្ខាកាមកម្ពុជាដែលមន្ទីរពេទ្យបានទទួលបណ្តុះបណ្តាលនៅក្នុងប្រទេស និងការបណ្តុះបណ្តាលនៅប្រទេសជប៉ុនតាំងពីឆ្នាំ២០១៧រហូតដល់ឆ្នាំ២០២៤នេះ។

ជាមួយគ្នានេះ លោករដ្ឋមន្ត្រី បានវាយតម្លៃខ្ពស់ចំពោះសកម្មភាពមនុស្សធម៌ដែលមន្ទីរពេទ្យបានធ្វើសកម្មភាពតាមរូបភាពផ្សេងៗក្នុងសង្គម ជាពិសេសការបណ្តុះបណ្តាលជំនាញតាមរយៈកម្មសិក្សាដល់ និស្សិតកម្ពុជាឱ្យទទួលបានជំនាញ សីលធម៌ និងវប្បធម៌ធ្វើការបែបទំនើបរបស់ជប៉ុនផងដែរ។

បន្ថែមពីនេះ លោករដ្ឋមន្ត្រី បានគូសបញ្ជាក់ពីការអនុវត្តតាមកាតព្វកិច្ចរបស់មន្ទីរពេទ្យជប៉ុននៅកម្ពុជាក្នុងនាមជាវិស័យឯកជន ដែលអនុឡោមទៅតាមច្បាប់ការងារដែលបានចែងស្តីពីកាតព្វកិច្ចហ្វឹកហ្វឺនកូនជាងដែលជាកិច្ចការងារអាទិភាពមួយរបស់ក្រសួង និងរាជរដ្ឋាភិបាលកម្ពុជាក្នុងអាណត្តិទី៧នេះ និងជាអនុសាសន៍មួយក្នុងចំណោមអនុសាសន៍របស់សម្តេចធិបតីមកកាន់ក្រសួងការងារដែលមានគោលបំណងផ្តល់ការហ្វឹកហ្វឺន និងបំពាក់បំប៉នជំនាញធ្វើដល់សិស្ស និស្សិតលើការងារជាក់ស្តែង និងឱកាសទទួលបានការងារធ្វើទៀតផង៕

Related Topics:

ព័ត៌មានអន្ដរជាតិ១៦ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា