ព័ត៌មានជាតិ
សម្តេចពិជ័យសេនា ទៀ បាញ់ ឧបត្ថម្ភថវិកាចំនួន៤ម៉ឺនដុល្លារ សាងសង់ខ្លោងទ្វារវត្ត
សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានក្រុមការងារថ្នាក់ជាតិ ចុះជួយខេត្តសៀមរាប បានឧបត្ថម្ភថវិកាចំនួន៤ម៉ឺនដុល្លារអាមេរិក សម្រាប់សាងសង់ខ្លោងទ្វារថ្មីនៃវត្តបុព្វទិសារាម ហៅវត្តកំពង់ក្តី ស្ថិតក្នុងឃុំកំពង់ក្ដី ស្រុកជីក្រែង តាមរយៈឯកឧត្តម ប៉ុល សុគុណ អគ្គនាយករង នៃអគ្គនាយកដ្ឋានសម្ភារបច្ចេកទេស ក្រសួងការពារជាតិ និងជាក្រុមការងាររាជរដ្ឋាភិបាលចុះជួយឃុំកំពង់ក្តី ដើម្បីទុកជាសម្បត្តិគរុភ័ណ្ឌវត្ត។
ក្នុងឱកាសអញ្ជើញជាអធិបតីក្នុងពិធីក្រុងពាលីនិងបញ្ចុះបឋមសិលាសាងសង់ខ្លោងទ្វារថ្មីវត្តបុព្វទិសារាមនេះ លោក ប៉ុល សុគុណ បានមានប្រសាសន៍ថា ការជួយឧបត្ថម្ភជាថវិការបស់សម្តេចពិជ័យសេនា ទៀ បាញ់ នាពេលនេះ គឺឆ្លើយតបទៅនឹងការសុំបិណ្ឌបាត្រពីព្រះគ្រូអនុគណស្រុកជីក្រែង និងប្រគេនជូនទៅតាមតម្រូវការចាំបាច់ជាក់ស្តែង ហើយមុននឹងសម្រេចសង់ខ្លោងទ្វារថ្មីនេះឡើង គឺក្រុមការងារនិងក្រុមជាងបានសិក្សារួចហើយ គឺថាមិនអាចគាស់ក្លោងទ្វារចាស់មកដាក់នៅទីតាំងថ្មីបានទេ ដោយហេតុថា កាលពីពេលមុនផ្លូវចូលទៅវត្តចាប់ពីខ្លោងទ្វារនេះគឺតែមួយ ប៉ុន្តែបច្ចុប្បន្នកំណាត់ផ្លូវនេះ ត្រូវកាត់ផ្ដាច់ដោយសារការធ្វើផ្លូវជាតិលេខ៦ថ្មី ជាហេតុមិនអាចឱ្យមហាជនដឹងបានថាមានវត្តនៅក្បែរៗនេះទេ ព្រោះវត្តនេះមានទីតាំងចូលជ្រៅទៅក្នុងទៀត។
លោក មានប្រសាសន៍ទៀតថា កម្ពុជា ក្រោមការនាំការដឹកនាំដ៏ឈ្លាសវៃ និងក្រោមគោលនយោបាយឈ្នះឈ្នះ របស់សម្តេចតេជោ ហ៊ុន សែន បានធ្វើឲ្យមាតុប្រទេសយើងទទួលបានសុខសន្តិភាព ស្ថេរភាពពេញលេញ និងអភិវឌ្ឍរីកចម្រើនលើគ្រប់វិស័យ ហេដ្ឋារចនាសម្ព័ន្ធរូបវន្ត ទាំងផ្នែកអាណាចក្រ និងពុទ្ធចក្រ ដូចជា ផ្លូវថ្នល់ ស្ពាន ទំនប់ទឹក ប្រឡាយ សាលារៀន មន្ទីរពេទ្យ ស្រះទឹក អណ្តូងទឹកព្រះវិហារ ឧបដ្ឋានសាលា សេនាសនៈ និងពិធីសាសនា នានា ។ល។ ត្រូវបានស្តារ និងអភិវឌ្ឍន៍ឡើងវិញយ៉ាងឆាប់រហ័សនឹកស្មានពុំដល់ ពិសេសព្រះពុទ្ធសាសនាត្រូវបានកំណត់ក្នុងរដ្ឋធម្មនុញ្ញថាជា«សាសនារបស់រដ្ឋ» ៕
អត្ថបទ ៖ គឿនវេត
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៦ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៣ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)