ការរៀបចំភូមិឋានជូនអតីតយុទ្ធជន១៥៣គ្រួសារ ក្នុងខេត្តកំពង់ធំ​បានចាប់ផ្តើម​ – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានជាតិ

ការរៀបចំភូមិឋានជូនអតីតយុទ្ធជន១៥៣គ្រួសារ ក្នុងខេត្តកំពង់ធំ​បានចាប់ផ្តើម​

Published

on

ឧត្តមសេនីយ៍ទោស សោម ស៊ុន ប្រធានគណៈកម្មាធិការសមាគមអតីតយុទ្ធជនកម្ពុជាខេត្តកំពង់ធំនាព្រឹកថ្ងៃទី១៨ ខែកុម្ភះ ឆ្នាំ ២០២១ំ បានអញ្ជើញដឹកនាំក្រុមការងារ ចុះពិនិត្យសកម្មភាពឈូសឆាយសាងសង់ផ្លូវចូលទៅភូមិឋានរបស់អតីតយុទ្ធជន ដែលត្រៀមសាងសង់ផ្ទះសម្បែងជូនគ្រួសារអតីតយុទ្ធជន ដែលមានជីវភាពខ្វះខាតគ្មានលទ្ធភាព​ទិញ​ដី​ទិញផ្ទះ គម្រោងនេះជាអំណោយដ៏ថ្លៃថ្លារបស់សម្ដេចតេជោហ៊ុនសែននិងសម្ដេចគតិព្រឹទ្ធបណ្ឌិត ជូនអតីតយុទ្ធជន នៅលើទីតាំងដីសម្បទានសង្គមកិច្ច ស្ថិតនៅភូមិក្រយា ស្រុកសន្ទុក ខេត្តកំពង់ធំ ។

ឧត្តមសេនីយ៍ទោស សោម ស៊ុន ប្រធានសមាគមអតីតយុទ្ធជនកម្ពុជាខេត្តកំពង់ធំ បានឲ្យដឹងថា អតីតយុទ្ធជន ទទួលបានដីបានផ្ទះ ក្នុងដីសម្បទានសង្គមកិច្ចនេះ គឺជាការខិតខំប្រឹងប្រែង យកចិត្តទុកដាក់ខ្ពស់ ពីសំណាក់ ឯកឧត្តមសុខ លូ អភិបាលខេត្តកំពង់ធំ និងជាប្រធានកត្តិយស នៃគណៈកម្មាធិការសមាគមអតីតយុទ្ធជនកម្ពុជាខេត្តកំពង់ធំ ក្នុងការរៀប​ចំដោះស្រាយដីសម្បទានសង្គមកិច្ច សម្រាប់ផ្តល់ជូនអតីតយុទ្ធជននៅខេត្តកំពង់ធំ បានដំណើរការទៅប្រកបដោយភាពរលូន នឹងបន្តធ្វើការដោះស្រាយជាមួយប្រជាពលរដ្ឋដែលមានការពាក់ព័ន្ធបន្ថែមទៀត ។

សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា ធ្លាប់មានអនុសាសន៍ថា បើគ្មានអតីតយុទ្ធជនក៏គ្មានថ្ងៃនេះ មានថ្ងៃនេះក៏ដោយសារតែអតីតយុទ្ធជន ដូច្នេះដើម្បីជាការតបស្នងសងគុណអតីតយុទ្ធជនដែលធ្លាប់មានគុណបំណាច់ចំពោះជាតិ និងប្រជាជនកម្ពុជា ធ្វើឲ្យប្រទេសជាតិមានសុខសន្តិភាពពេញលេញដូចសព្វថ្ងៃនេះ សម្ដេច ប្រធានគណៈកម្មាធិការសមាគមអតីតយុទ្ធជនកម្ពុជា បានផ្តល់អំណោយផ្ទះសំបែង ដីធ្លី ជូនអតីតយុទ្ធជនដែលខ្វះខាត និងប្រាក់បៀវត្តន៍ប្រចាំខែ ដើម្បីឲ្យមានជម្រកស្នាក់នៅសមរម្យ តាមរយះ ឯកឧត្តមនាយឧត្តមសេនីយ៍គន់ គីម ទេសរដ្ឋមន្ត្រី អនុប្រធាន និងជាអគ្គលេខាធិការសមាគមអតីតយុទ្ធជនកម្ពុជា។

ឧត្តមសេនីយ៍ទោសោម ស៊ុន រួមជាមួយក្រុមការងាររៀបចំគ្រប់គ្រងដោះស្រាយដីសម្បទានសង្គមកិច្ចសម្រាប់អតីតយុទ្ធជន រស់នៅជាសហគមន៍ ដោយភាពយុត្តិធម៌ត្រឹមត្រូវ តាមការណែនាំ របស់ឯកឧត្តមនាយឧត្តមសេនីយ៍ទេសរដ្ឋមន្ត្រី គន់ គីម ឲ្យរៀបចំចាប់ឆ្នោតយកក្បាលដីសម្រាប់អតីតយុទ្ធជនដែលគ្មានដីគ្មានផ្ទះពិតប្រាកដចំនួន ១៥៣ គ្រួសារ និងបានសូមគោរពថ្លែងអំណរគុណ ឯកឧត្តមសុខ លូ ព្រមទាំងថ្នាក់ដឹកនាំខេត្ត មន្ទីរស្ថាប័នមានការពាក់ព័ន្ធ អាជ្ញាធរដែនដីភូមិឃុំស្រុក និងប្រជាពលរដ្ឋនៅក្នុងឃុំគ្រយា ដែលបានសហការបានយ៉ាងល្អប្រសើរក្នុងការជួយដោះស្រាយដល់អតីតយុទ្ធជន ។

អត្ថបទ៖ ប៊ុន រដ្ឋា

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ16 seconds ago

ខណ្ឌឫស្សីកែវ​ រក​ឃើញ​អ្នក​​ឆ្លង​កូវីដ១៩ ចំនួនពីរ​នាក់

ព័ត៌មានអន្ដរជាតិ3 mins ago

ក្រុមប្រឆាំង និងគាំទ្ររដ្ឋប្រហារមីយ៉ាន់ម៉ា ប៉ះទង្គិចគ្នាមួយប្រាវ ខណៈការតវ៉ាកាន់តែខ្លាំងឡើង

ព័ត៌មានជាតិ4 mins ago

ថ្ងៃនេះ​សូម​គ្រួសារ​ក្រីក្រ​និង​ជន​ងាយ​រងគ្រោះ​ ដែល​មាន​ប័ណ្ណ​សម​ធម៌ អញ្ជើញ​ទៅ​បើកប្រាក់​ឧបត្ថម្ភ​ទាំងអស់គ្នា​

ព័ត៌មានជាតិ5 mins ago

​នាំ​អាជីវករ​ផ្សារ​រកាកោងមួយ​គ្រសារ ទៅ​ចត្តាឡីស័ក ​ពាក់ព័ន្ធ​កូន​ធ្វើការ​នៅ​កោះពេជ្រ

ព័ត៌មានជាតិ6 mins ago

មនុស្ស៤២​នាក់កំពុង​សម្រាក​ព្យាបាល​ជំងឺកូវីដ-១៩ នៅ​មន្ទីរ​ពេទ្យរុស្ស៊ី​ក្នុង​ព្រឹត្តិការណ៍ សហគមន៍​២០​កុម្ភៈ

Sokha Hotels

ព័ត៌មានពេញនិយម

Helistar Cambodia - Helicopter Charter Services