ព័ត៌មានជាតិ
ទិវាពិព័រណ៍ដើមឈើ ១០ កក្កដា ឆ្លុះបញ្ចាំងពីភាពគំរូ ក្នុងការអភិរក្សដើមឈើរបស់កម្ពុជា
រដ្ឋមន្ត្រីក្រសួងបរិស្ថានបានលើកឡើងថា ទិវាពិព័រណ៍ដើមឈើ ១០ កក្កដា ដែលឈានមកដល់នាពេលខាងមុខ នឹងឆ្លុះបញ្ចាំងឲ្យឃើញអំពីភាពគំរូ ក្នុងការការពារ និងអភិរក្សដើមឈើព្រៃឈើរបស់កម្ពុជា។
ក្នុងពិធីដាំដើមឈើជានិមិត្តរូបនិងពង្រឹងភាពជាដៃគូដើម្បីភាពបៃតងនៅកម្ពុជាកាលពីថ្ងៃទី១៣ ម្សិលមិញ នៅចំពោះមុខសហគមន៍អឺរ៉ុប EU លោក អ៊ាង សុផល្លែតមានប្រសាសន៍ថា ភាពបៃតងនៅតាមសាលារៀន គឺជាសង្ឃឹមរបស់សិស្សានុសិស្ស និងយុវជនជំនាន់ថ្មី ឆ្លើយតបនឹងការប្រែប្រួលអាកាសធាតុ។ ជាក់ស្តែង ក្រសួងបរិស្ថានបានដាក់ចេញនូវយុទ្ធនាការបណ្តុះ និងដាំកូនឈើ កាលពីថ្ងៃទី១០ ខែតុលា ឆ្នាំ២០២៣ ដើម្បីភាពបៃតង ដែលជាយុទ្ធសាស្រ្តស្នូលទី២ ក្នុងយុទ្ធសាស្រ្តស្នូលទាំង៣ រួមមានភាពស្អាត ភាពបៃតង និងចីរភាព ដែលមានចែងក្នុងយុទ្ធសាស្រ្តចក្រាវិស័យបរិស្ថានឆ្នាំ២០២៣-២០២៨ អនុលោមតាមយុទ្ធសាស្រ្តបញ្ចកោណដំណាក់កាលទី១ របស់រាជរដ្ឋាភិបាលនីតិកាលទី៧ នៃរដ្ឋសភា។
លោករដ្ឋមន្ត្រីសង្កត់ធ្ងន់ថា«នៅថ្ងៃទី១០ កក្កដា ខាងមុខនេះ ជាទិវាពិព័រណ៍ដើមឈើ ដើម្បីបង្ហាញនិងចែកចាយកូនឈើគ្រប់ប្រភេទដល់សាធារណៈជនដោយឥតគិតថ្លៃ ហើយទិវានេះនឹងបានឆ្លុះបញ្ចាំងអំពីភាពជាគំរូ ក្នុងការការពារអភិរក្សដើមឈើ ព្រៃឈើរបស់កម្ពុជា ដែលជាចរណៃភាពបៃតងរបស់យើង ហើយប្រជាជនកម្ពុជាគ្រប់រូបនឹងទទួលបានប្រាក់ចំណូលពីដើមឈើ ពីព្រៃឈើ តាមរយៈការលក់កាបូន និងការវិនិយោគបៃតងជាមួយដៃអភិវឌ្ឍន៍នានា»។
ជាការឆ្លើយតប លោកស្រី ជូតា អឺភីលៃនិន (Utta Urpilainen) ស្នងការអឺរ៉ុបដើម្បីភាពជាដៃគូអន្តរជាតិបានថ្លែងគាំទ្រចំពោះកម្ពុជា ក្នុងការប្តេជ្ញាចិត្តឆ្លើយតបនឹងការប្រែប្រួលអាកាសធាតុ តាមរយៈការបណ្តុះស្មារតីយុវជនឱ្យស្រឡាញ់ ថែរក្សា ការពារ និងអភិរក្សធនធានធម្មជាតិ។ មិនតែប៉ុណ្ណោះ សហភាពអឺរ៉ុប និងកម្ពុជាបានប្តេជ្ញាចិត្តរួមគ្នាផ្តល់កូនឈើ និងដាំដើមឈើជាមួយគ្នា ដើម្បីផ្សព្វផ្សាយ និងពង្រីកវិសាលភាពបៃតងនៅតាមសាលារៀន និងលើកបង្ហាញពីគំរូល្អៗ ក្នុងការដាំ ការថែរក្សាការពារដើមឈើ ដើម្បីឈានឆ្ពោះទៅគោលដៅរួម គឺសម្រេចបាននូវគម្របព្រៃឈើជាង ៦០%នៅក្នុងឆ្នាំ២០៥០៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ