ក្តៅៗមុននេះ រកឃើញអ្នកឆ្លងកូវីដ​ថ្មី ចំនួន ១៣ នាក់ទៀត

សម្តេចតេជោ ហ៊ុន សែន នាយករដ្ឋមន្ត្រីកម្ពុជា មានប្រសាសន៍ថា នៅល្ងាចថ្ងៃទី ២២ ខែកុម្ភៈ ឆ្នាំ ២០២១នេះ រកឃើញអ្នកឆ្លងកូវីដ១៩ ចំនួន ១៣ ករណីថ្មីទៀត ខណៈដែលនៅសេសសល់សំណាកជាច្រើនទៀតមិនទាន់បង្ហាញលទ្ធផល។

នៅក្នុងរយៈពេល ៣ ថ្ងៃ នៃព្រឹត្តិការណ៍សហគម ២០ កុម្ភៈ មានករណីឆ្លងជំងឺកូវីដ ១៩ កើនឡើង ដល់ ជិត ១០០ នាក់ហើយ គិតត្រឹមល្ងាចថ្ងៃទី ២២ ខែកុម្ភៈ ឆ្នាំ ២០២១នេះ។

សម្តេចតេជោ ហ៊ុន សែន នាយករដ្ឋមន្ត្រីកម្ពុជា ថ្លែងសារពិសេសទៅកាន់ប្រជាពលរដ្ឋនៅរយប់ថ្ងៃច័ន្ទនេះថា ករណីឆ្លងកូវីដ១៩ រយៈពេល ៣ ថ្ងៃនេះ បានកើនឡើងជិត ១០០ ករណី ដែលជាករណីមិនធ្លាប់កើតមាន ហើយនៅមានសំណាកជាច្រើនទៀត មិនចេញលទ្ធផល ខណៈដែលលទ្ធផលចុងក្រោយនេះ មានករណីឆ្លង ១៣ ករណីរួចទៅហើយ ហើយម៉ាស៊ីនធ្វើតេស្តសំណាកមិនទាន់បញ្ចប់នៅឡើយ។

សម្តេចតេជោ ហ៊ុន សែនក៏អំពាវដល់ប្រជាពលរដ្ឋទាំងអស់ ឲ្យមានការយោគយល់ ប្រសិនបើអាចពន្យាបានក្នុងការធ្វើដំណើរ ក៏ត្រូវពន្យា ដើម្បីទុកឱកាសឲ្យរាជរដ្ឋាភិបាលដោះស្រាយបញ្ហានេះ៕

អត្ថបទ៖ ឡេង ដេត