វ៉ាក់សាំងបញ្ជូនទៅដល់ខេត្តហើយ អាចនឹងចាក់បានទូទាំងប្រទេសឆាប់ៗ

លោក ស្រីឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល បានឲ្យដឹងថា បច្ចុប្ប​ន្ន​វ៉ាក់សាំងកូវីដ១៩ បានបញ្ជូនទៅដល់តាមខេត្តហើយ នៅតាមបណ្តាខេត្តមួយចំនួន ស្ថិតនៅ​ព្រំដែន​កម្ពុជា-ថៃ និងកម្ពុជា-វៀតណាម។

លោក ស្រី ឱ វណ្ណឌីនលើកឡើងនៅក្នុងសន្និសីទសារព័ត៌មាន ជុំវិញការ បំភ្លឺពីមន្ទីរពិសោធន៍ លើបញ្ហាវីរុសកូវីដ-១៩ ថា ដំណើរការចាក់វ៉ាក់សាំង បានធ្វើឡើងជាង ១០ ថ្ងៃមកនេះ មានក្រុមគ្រូពេទ្យប្រមាណ ជាង ៣ ម៉ឺននាក់ ដែលក្រសួងកំពុងតែប្រកាស នឹងអញ្ជើញទៅចាក់វ៉ាក់សាំងដោយការស្ម័គ្រចិត្ត។

បើតាមលោក ស្រីរដ្ឋលេខាធិការ ចំនួនអ្នកដែលចាក់វ៉ាក់សាំង ដែលមានក្រុមអាទិភាព ដូចជាអ្នកសារព័ត៌មាន ក្រុមគ្រូពេទ្យ និងកងកម្លាំងចាប់ពីថ្ងៃទី ១០ រហូតដល់ថ្ងៃ២២ ខែកុម្ភៈ មានចំនួន ៥៨៦០ ដែលមានស្ត្រី ១៩៧៦ នាក់។
លោកស្រីរដ្ឋលេខាធិការថ្លែងប្រាប់ថា នៅតាមបណ្តាខេត្តជាប់ព្រំដែនកម្ពុជា-ថៃ និងកម្ពុជា-វៀតណាម បច្ចុប្បន្នក្រសួងកំពុងរៀបចំការបណ្តុះបណ្តាលក្រុមគ្រូពេទ្យ ហើយអាចនឹងឈានទៅដាក់ឲ្យចាក់វ៉ាក់សាំងនៅទូទាំងប្រទេសនាពេលដ៍ខ្លីខាងមុខឆាប់ៗនេះ។

បើតាមលោក ស្រីរដ្ឋលេខាធិការ ចំនួនអ្នកដែលចាក់វ៉ាក់សាំង ដែលមានក្រុមអាទិភាព ដូចជាអ្នកសារព័ត៌មាន ក្រុមគ្រូពេទ្យ និងកងកម្លាំងចាប់ពីថ្ងៃទី ១០ រហូតដល់ថ្ងៃ២២ ខែកុម្ភៈ មានចំនួន ៥៨៦០ ដែលមានស្ត្រី ១៩៧៦ នាក់។

លោកស្រីរដ្ឋលេខាធិការថ្លែងប្រាប់ថា នៅតាមបណ្តាខេត្តជាប់ព្រំដែនកម្ពុជា-ថៃ និងកម្ពុជា-វៀតណាម បច្ចុប្បន្នក្រសួងកំពុងរៀបចំការបណ្តុះបណ្តាលក្រុមគ្រូពេទ្យ ហើយអាចនឹងឈានទៅដាក់ឲ្យចាក់វ៉ាក់សាំងនៅទូទាំងប្រទេសនាពេលដ៍ខ្លីខាងមុខឆាប់ៗនេះ៕

អត្ថបទ៖ ឡេង ដេត