Connect with us

ព័ត៌មានជាតិ

លោក នេត្រ ភក្ត្រា ៖ ស្នាមញញឹមកុមារជាស្នាមញញឹមមាតាបិតា និងថ្នាក់ដឹកនាំគ្រប់លំដាប់ថ្នាក់

បានផុស

នៅ

លោក​រដ្ឋមន្ត្រី​ក្រសួង​ព័ត៌មាន បាន​គូស​បញ្ជាក់​ថា «ស្នាមញញឹម​របស់ កុមារា-កុមារី ជា​ស្នាមញញឹម​របស់​មាតាបិតា និង​ថ្នាក់​ដឹកនាំ​គ្រប់​លំដាប់​ថ្នាក់»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​គូស​បញ្ជាក់​នេះ ក្នុង​ឱកាស លោក នេត្រ ភក្ត្រា រដ្ឋមន្ត្រី​ក្រសួង​ព័ត៌មាន និង​លោកស្រី ទុយ សិរីរតនៈ នេត្រ ភក្ត្រា ប្រធាន​កិត្តិយស​សមាគម​នារី​កម្ពុជា ដើម្បី​សន្តិភាព និង​អភិវឌ្ឍន៍​សាខា​ក្រសួង​ព័ត៌មាន រួម​ជាមួយ​ថ្នាក់​ដឹកនាំ​ក្រសួង​ព័ត៌មាន អគ្គនាយក​ក្រុមហ៊ុន​រថយន្ត Great Wall Motor (GWM) និង​អង្គការ​មូលនិធិ​សប្បុរសធម៌ វ័នរ៉ូដ បាន​រៀបចំ​ពិធី​ចែក​អំណោយ​សម្ភារៈ​សិក្សា និង​ថវិកា ជូន​ដល់​កូនៗ របស់​មន្ត្រីរាជការ​ក្រសួង​ព័ត៌មាន ចំនួន​ជាង ៥០០ នាក់ នា​ឱកាស នៃ​ការ​ប្រារព្ធ​ទិវា​កុមារ​អន្តរជាតិ ១ មិថុនា កាលពី​ព្រឹក​ថ្ងៃ​ទី ០១ ខែ​មិថុនា ឆ្នាំ ២០២៤ នៅ​បរិវេណ​ទីស្ដីការ​ក្រសួង​ព័ត៌មាន។

នា​ឱកាស​នោះ លោក នេត្រ ភក្ត្រា មាន​ប្រសាសន៍​ថា ថ្ងៃនេះ ថ្នាក់ដឹកនាំ មន្ត្រីរាជការ​ក្រសួង​ព័ត៌មាន រួម​នឹង​សប្បុរសជន​មកពី​ក្រុមហ៊ុន Great Wall Motor (GWM) និង​អង្គការ​មូលនិធិ​សប្បុរសធម៌ វ័ន​រ៉ូដ បាន​នាំ​យក​នូវ​ការ​ជួបជុំ​គ្នា​ដ៏​សប្បាយរីករាយ​ជូន​កូនៗ និង​កុមារា-កុមារី ដើម្បី​ប្រារព្ធ​រៀបចំ​ពិធី​អបអរសាទរ​ខួប​ទី ៧៥ ទិវា​កុមារ​អន្តរជាតិ ១ មិថុនា ប្រធានបទ«ការ​វិនិយោគ​លើ​កុមារ​ថ្ងៃនេះ សំដៅ​បង្កើន​មូលធន​មនុស្ស ក្នុង​យុគសម័យ​បរិវត្ត​កម្ម​ឌីជីថល​»។

លោក នេត្រ ភក្ត្រា បាន​ជូនពរ កុមារា-កុមារី ទាំងអស់ ឲ្យ​ទទួល​បាន​នូវ​សុខភាព​ល្អ ប្រាជ្ញាវាងវៃ ដើម្បី​ក្លាយ​ខ្លួន​ជា​ទំពាំង​ស្នង​ឫស្សី​របស់​ប្រទេសជាតិ។

លោក​រដ្ឋមន្ត្រី​ក្រសួង​ព័ត៌មាន បន្ត​ថា រាជរដ្ឋាភិបាល​កម្ពុជា នៅ​អាណត្តិ​ទី ៧ ក្រោម​ការ​ដឹកនាំ​ប្រកប​ដោយ​ភាព​ឈ្លាសវៃ និង​បុរេ​សកម្ម​របស់ សម្ដេច​ធិបតី ហ៊ុន ម៉ាណែត នាយករដ្ឋមន្ត្រី នៃ​ព្រះរាជាណាចក្រ​កម្ពុជា បន្ត​យកចិត្តទុកដាក់​ជា​អាទិភាព តាមរយៈ​ការ​ដាក់​ចេញ​កម្មវិធី​នយោបាយ​នានា សំដៅ​គាំពារ អភិវឌ្ឍន៍ និង​លើក​កម្ពស់​សុខុមាលភាព​កុមារ ចាប់​តាំងពី​បឋមវ័យ រហូតដល់​យុវវ័យ។

លោក​រដ្ឋមន្ត្រី​ក្រសួង​ព័ត៌មាន បន្ត​ទៀត​ថា កុមារ តំណាង​ឲ្យ​ធនធាន​សក្ដានុពល​របស់​ប្រទេសជាតិ ដែល​នឹង​ត្រូវ​បន្តវេន នា​ពេល​អនាគត។ ដូច្នេះ យើង​ទាំងអស់ ត្រូវ​ចូលរួម​ផ្តល់​ក្តី​ស្រឡាញ់ ភាព​សប្បាយ​រីករាយ និង​ក្តីសង្ឃឹម​សម្រាប់​កុមារ​ទាំងអស់ ដើម្បី​ពួកគេ​ក្លាយ​ខ្លួន​ជា​ពលរដ្ឋ​ល្អ​សម្រាប់​សង្គមជាតិ។ កុមារ​កម្ពុជា ទទួល​បាន​ភាព​សុខសាន្ត និង​ការ​បីបាច់​ថែរក្សា ដោយ​ក្តី​អាណិត​ស្រលាញ់​គ្រប់ៗ គ្នា។

ជាមួយ​នេះ លោក​រដ្ឋមន្ត្រី នេត្រ ភក្ត្រា ក៏បាន​សម្តែង​នូវ​អំណរគុណ​យ៉ាង​ជ្រាលជ្រៅ​ដល់​ក្រុមហ៊ុន Great Wall Motor (GWM) លក់​រថយន្ត​របស់​ប្រទេស​ចិន និង​អង្គការ​មូលនិធិ​សប្បុរសធម៌ វ័ន​រ៉ូដ ដែល​បានផ្តល់​កាតាប​កូនសិស្ស​ចំនួន​ជាង ១ ០០០ ដល់​ក្រសួង​ព័ត៌មាន ដើម្បី​ចែក​ជូន​ដល់​កុមារា-កុមារី​សិស្សានុសិស្ស​ដែល​ខ្វះខាត។

ទន្ទឹម​នេះ លោក​រដ្ឋមន្ត្រី នេត្រ ភក្ត្រា និង លោកស្រី បាន​ផ្តល់​បន្ថែម​នូវ​ថវិកា​ក្នុង​ម្នាក់ ១ ម៉ឺន​រៀល ផង​ដែរ។ ចំណែក​លោកស្រី សន ម៉ារ៉ាដា រដ្ឋលេខាធិការ​ក្រសួង​ព័ត៌មាន និង​ជានា​យក​ប្រតិបត្តិ នៃ​សមាគម​នារី​កម្ពុជា ដើម្បី​សន្តិភាព និង​អភិវឌ្ឍន៍ ក៏បាន​ផ្តល់​ជូន​នូវ​អាវ​ម្នាក់ ១ ដែរ។ ចំពោះ​អំណោយ​ដែល​ត្រូវ​ចែក​ជូន​ដល់​កូនៗ របស់​មន្ត្រីរាជការ នៃ​ក្រសួង​ព័ត៌មាន ជាង ៥០០ នាក់ នា​ឱកាស​នេះ ក្នុង​ម្នាក់ៗ ទទួល​បាន កាតាប ១ ដប​ដាក់​ទឹក ១ រួម​ទាំង នំ និង​សម្ភារៈ​សិក្សា​ជាច្រើន​មុខ​ទៀត ជា​អំណោយ​របស់ ក្រុមហ៊ុន GWM , One Road Group អង្គការ​មូលនិធិ​សប្បុរសធម៌ វ័ន​រ៉ូដ។

គួរ​ជម្រាប​ថា ឆ្នាំនេះ ទិវា​កុមារ​អន្តរជាតិ និង​ទិវា​កុមារ​កម្ពុជា ១ មិថុនា ត្រូវ​បាន​ប្រារព្ធ​ឡើង​ក្រោម​ប្រធានបទ​«ការ​វិនិយោគ​លើ​កុមារ​ថ្ងៃនេះ សំដៅ​បង្កើន​មូលធន​មនុស្ស​ក្នុង​យុគសម័យ​បរិវត្ត​កម្ម​ឌីជីថល​» និង​ទិវា​ពិភពលោក​ប្រឆាំង​ពលកម្ម​កុមារ ១២ មិថុនា ក្រោម​ប្រធានបទ «​រួមគ្នា​អនុវត្ត​ការ​ប្ដេជ្ញា​ចិត្ត ដើម្បី​បញ្ចប់​ទម្រង់​ធ្ងន់ធ្ងរ នៃ​ពលកម្ម​កុមារ​» ដើម្បី​រំលឹក​ដល់​ការ​អនុវត្ត​សិទ្ធិ​ជា​មូលដ្ឋាន​របស់​កុមារ និង​បង្ហាញ​ពី​ការ​យកចិត្តទុកដាក់​របស់​រាជរដ្ឋាភិបាល ក្នុង​ការ​ដោះស្រាយ​បញ្ហា​ប្រឈម​នានា​របស់​កុមារ ជាពិសេស​សុវត្ថិភាព​កុមារ​តាម​ប្រព័ន្ធ​ឌីជីថល ដោយ​ជួយ​គាំទ្រ​ដល់​កុមារ​រងគ្រោះ និង​ងាយ​រងគ្រោះ​ពី​ការ​គំរាមកំហែង ការ​កេងប្រវ័ញ្ច និង​ការ​រំលោភបំពាន​នានា តាម​ប្រព័ន្ធ​អន​ឡាញ​បាន​ទាន់​ពេល​វេលា ប្រកប​ដោយ​ប្រសិទ្ធភាព សំដៅ​ធានា​ថា​កុមារ​រស់នៅ និង​អភិវឌ្ឍន៍​ដោយ​សុខដុមរមនា ក្រោម​ម្លប់​សន្តិភាព។

នៅ​ក្នុង​ឱកាស​ខួប​លើក​ទី ៧៥ ទិវា​កុមារ​អន្តរជាតិ ១ មិថុនា ខួប​លើក​ទី ២៣ ទិវា​ពិភពលោក ប្រឆាំង​ពលកម្ម​កុមារ ១២ មិថុនា និង​ទិវា​កុមារ​កម្ពុជា​ឆ្នាំ ២០២៤ នេះ​ដែរ សម្ដេច​មហា​បវរ​ធិបតី ហ៊ុន ម៉ាណែត នាយករដ្ឋមន្ត្រី នៃ​ព្រះរាជាណាចក្រ​កម្ពុជា និង​ជា​ប្រធាន​កិត្តិយស​ក្រុមប្រឹក្សា​ជាតិ​កម្ពុជា​ដើម្បី​កុមារ បាន​ចេញ​នូវ​សារលិខិត​ចូលរួម​អបអរ​ដោយ​បាន​គូស​បញ្ជាក់​ថា កុមារ គឺជា​ធនធាន​ដែល​មិន​អាច​ខ្វះ​បាន​សម្រាប់​ការ​អភិវឌ្ឍ​ប្រទេសជាតិ។ នៅ​គ្រប់​ដំណាក់កាល​ទាំងអស់ នៃ​ការ​អនុវត្ត​យុទ្ធសាស្ត្រ​របស់​រាជរដ្ឋាភិបាល បាន​កំណត់​យក «​មនុស្ស​» ជា​វិស័យ​អាទិភាព​ចម្បង​បំផុត ហេតុ​នេះ​ហើយ ការ​យកចិត្តទុកដាក់​ចំពោះ​សុខុមាលភាព សុវត្ថិភាព និង​ការ​អភិវឌ្ឍ​កុមារ គឺជា​គ្រឹះ​ដ៏​សំខាន់​ក្នុង​ការ​កសាង​មូលធន​មនុស្ស​ប្រកប​ដោយ​សក្ដានុពល​សម្រាប់​ការ​អភិវឌ្ឍ​កម្ពុជា​នា​ពេល អនាគត។ រាជរដ្ឋាភិបាល​កម្ពុជា បាន​អនុវត្ត​យ៉ាង​ពេញលេញ និង​មាន​ចក្ខុវិស័យ​ច្បាស់លាស់​ក្នុង​ការ​លើក​កម្ពស់​សិទ្ធិ និង​ឧត្ដម​ប្រយោជន៍​របស់​កុមារ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

លោក ហេង សួរ ដឹកនាំ​កិច្ចប្រជុំ​ប្រចាំឆ្នាំ នៃ​ភាគី​ហត្ថលេខី​នៃ​អនុស្សរណៈ​លើ​ការយោគយល់​គ្នា ស្តីពី​គម្រោង​រោងចក្រ​កាន់តែ​ប្រសើរ​នៅ​កម្ពុជា​សម្រាប់​ឆ្នាំ​២០២៣-២០២៧

ព័ត៌មានជាតិ៤ ម៉ោង មុន

ក្រសួង​ព័ត៌មាន​ និង ​ក្រសួង​ឧស្សាហកម្ម​ ចុះ​អនុស្សរណៈ​យោគយល់​គ្នា​ ដើម្បី​រួមសហការ​គ្នា​ផ្សព្វផ្សាយ​ព័ត៌មាន​ពាក់​ព័ន្ធ ​បេសកកម្ម និង​គោលនយោបាយរួមតែមួយ

ព័ត៌មានជាតិ៥ ម៉ោង មុន

អ្នកនាំពាក្យរងក្រសួងការងារ ៖ កម្ពុជា ជាឋានសួគ៌របស់សហជីពជាង៦ពាន់

សន្តិសុខសង្គម៧ ម៉ោង មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ៨ ម៉ោង មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ១៤ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ១១ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ១៥ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានអន្ដរជាតិ១៧ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

ព័ត៌មានជាតិ១៣ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

Sokha Hotels

ព័ត៌មានពេញនិយម