ព័ត៌មានជាតិ

ទម្លាប់ល្អណាស់ ចុះទៅបំពេញបេសកកម្មក៏មិនបោះបង់ ការគោរពទង់ជាតិ

បានផុស

៣ years មុន

នៅ

ថ្ងៃសៅរ៍ ២៧ កុម្ភៈ ២០២១

ដោយ

មន្ត្រីរាជការនៃការិយាល័យភូមិបាលខណ្ឌច្បារអំពៅរាជធានីភ្នំពេញ ដែលចុះទៅបំពេញបេសសកម្មវាស់វែងដីធ្លីជូនប្រជាពលរដ្ឋនៅខេត្តមណ្ឌលគីរីនោះតែងតែ ជួបជុំគ្នាគោរពទង់ជាតិមុនពេលចុះទៅបំពេញការងារ ដោយពុំមានខកខានឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រសាសន៍លោក លឹម ពី ប្រធានការិយាល័យភូមិបាលខណ្ឌច្បារអំពៅ បានឲ្យដឹងថា នេះជាភារកិច្ចចម្បង ដែលអង្គភាពរបស់លោកបានអនុវត្តតាំងពីនៅភ្នំពេញរហូតមកដល់ខេត្តមណ្ឌលគីរី ក្នុងពេលដែលថ្នាក់លើចាត់តាំងអង្គភាពរបស់លោកចុះមកវាស់វែងដីធ្លីជាលក្ខណៈប្រព័ន្ធក្នុងខេត្តមណ្ឌលគីរី។

លោក លឹម ពី បានបញ្ជាក់ថា ការជួបជុំគ្នាដើម្បីគោរពទង់ជាតិរបស់ជាតិយើង គឺអង្គភាពរបស់មិនអាចខកខានបានឡើយ។ ហើយមន្ត្រីរបស់លោក គឺតែងភ្ញាក់ពីព្រលឹមដែលជាទម្លាប់របស់គាត់ទៅហើយ សារៈសំខាន់ជាងនេះទៀត គឺនៅពេលគោរពទង់ជាតិរួចរាល់ហើយក្នុងនាមរូបលោក ដែលជាប្រធានតែងមានយោបល់លើកឡើងទៅកាន់មន្ត្រីដែលចុះទៅបំពេញការងារក្រែងមានផលលំបាកឬមានអ្វីចង់លើកឡើង គឺត្រូវលើកឡើងក្នុងពេលជួបជុំគ្នាចៀសវាងទៅនិយាយនៅខាងក្រៅ ហើយការផ្លាស់ប្តូយោបល់នៅពេលជួបជុំគ្នានេះ មានផល់ប្រយោជន៍ខ្លាំងណាស់។ ពិសេសមានវិន័យល្អមិនខុសពីយុទ្ធជនការពារទឹកដីមាតុភូមិរបស់យើងឡើយ។ សកម្មភាពនេះ គឺសុំឲ្យអង្គភាពរបស់រដ្ឋគួរតែអនុវត្តន៍ឲ្យបានព្រមៗគ្នានោះជាការល្អប្រសើរបំផុត៕

អត្ថបទ៖ នរា