វ៉ាក់សាំង​កូ​វីដ​-១៩ ជំហាន​ទី​១ ពី​មជ្ឈមណ្ឌល​កូ​វ៉ា​ក់ ដែលជា​ជំនួយ​របស់ WHO បានផ្តល់​មក​ប្រទេស​កម្ពុជា​ហើយ នៅ​រាត្រី​នេះ
Connect with us
Helistar Cambodia - Helicopter Charter Services

ព័ត៌មានជាតិ

វ៉ាក់សាំង​កូ​វីដ​-១៩ ជំហាន​ទី​១ ពី​មជ្ឈមណ្ឌល​កូ​វ៉ា​ក់ ដែលជា​ជំនួយ​របស់ WHO បានផ្តល់​មក​ប្រទេស​កម្ពុជា​ហើយ នៅ​រាត្រី​នេះ

បានផុស

នៅ

កម្ពុជា​បានទទួល​វ៉ាក់សាំង​កូ​វីដ​-១៩ របស់​ក្រុមហ៊ុន Astra Zeneca ដែល​ផលិត​នៅ​ប្រទេស​ឥណ្ឌា ចំនួន​៣២៤,០០០​ដូ​ស បាន​ដឹក និង​ប្រគល់​ដល់​ប្រទេស​កម្ពុជា​ហើយ កាលពី​វេលា​ម៉ោង​៧៖៥០​នាទី​យប់​ថ្ងៃទី​០២ ខែមីនា ឆ្នាំ​២០២១​នេះ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ឯកឧត្តម ម៉ម ប៊ុនហេង រដ្ឋមន្ត្រី​ក្រសួងសុខាភិបាល បាន​អញ្ជើញ​ចូលរួម​ក្នុង​ពិធី​ប្រគល់​-​ទទួល នៅ​ព្រលានយន្តហោះ​អន្តរជាតិ​ភ្នំពេញ ដោយមាន​ការប្រគល់​ពី​សំណាក់ លោកស្រី​វេជ្ជបណ្ឌិត លី អាយ​លែ​ន (Mrs. Dr. Li Ailan) តំណាង​អង្គការ​សុខភាព​ពិភពលោក​ប្រចាំ​កម្ពុជា និង​លោកស្រី Ms. Foroogh Foyouzat តំណាង​អង្គការ​យូ​នី​សេ​ហ្វ​ប្រចាំ​កម្ពុជា ព្រមទាំង​មាន​វត្តមាន​ចូលរួម​ពី​មន្ត្រីជាន់ខ្ពស់​របស់​ក្រសួងសុខាភិបាល អង្គការ​សុខភាព​ពិភពលោក និង​យូ​នី​សេ​ហ្វ​ផងដែរ​។​

​នេះ​គឺ​ការជឿទុកចិត្ត និង​ដោយយោង​លើ​កិច្ចសហប្រតិបត្តិការ​ល្អ​រវាង​រាជរដ្ឋាភិបាល​កម្ពុជា និង​សហគមន៍​អន្តរជាតិ​ក្នុងការ​ប្រយុទ្ធ​នឹង​ការឆ្លង​រាលដាល​នៃ​ជំងឺ​កូ​វីដ​-១៩ នាពេល​កន្លង មជ្ឈមណ្ឌល​កូ​វ៉ា​ក់ (COVAX facility) ដែលជា​យន្តការ​បែងចែក​វ៉ាក់សាំង​សកល ក្រោម​ការដឹកនាំ​របស់​អង្គការ​សុខភាព​ពិភពលោក បានសម្រេច​ផ្តល់ជូន​ប្រទេស​កម្ពុជា​នាពេលនេះ​។ ព្រះរាជាណាចក្រ​កម្ពុជា គឺជា​ប្រទេសមួយ​ដែល​ស្ថិតនៅ​ក្នុងចំណោម​ប្រទេស​ដំបូង​គេ​នៅក្នុង​តំបន់​ប៉ាស៊ីហ្វិក​ខាងលិច ដែល​ទទួលបាន​វ៉ាក់សាំង​ពី​មជ្ឈមណ្ឌល​កូ​វ៉ា​ក់ (COVAX Facility) នេះ​។​

​នេះ​គឺជា​ចំនួន​វ៉ាក់សាំង​ជា​លើកដំបូង ដែល​ផ្តល់​ជា​ជំនួយ​ឱ្យ​ប្រទេស​កម្ពុជា​ពី​មជ្ឈមណ្ឌល​កូ​វ៉ា​ក់ (COVAX Facility) ហើយ​វ៉ាក់សាំង​ក្នុង​បរិមាណ​ដទៃទៀត នឹង​បន្ត​ដឹកជញ្ជូន​មក​កម្ពុជា​ជា​បន្តបន្ទាប់​នៅពេល​ក្រោយ​ទៀត​ជា​ដំណាក់ៗ​នៅក្នុង​ឆ្នាំ​២០២១​នេះ​។ មជ្ឈមណ្ឌល​កូ​រ៉ា​ក់ (COVAX Facility) គឺជា​កិច្ចខិតខំ​ប្រឹងប្រែង​សកល​ដែល​ពុំ​ធ្លាប់មាន​ពីមុនមក ដើម្បី​ជួយ​សម្របសម្រួល​ផ្តល់ឱ្យ​ប្រទេស​ទាំងអស់​នៅក្នុង​ពិភពលោក នូវ​សមភាព​ទទួលបាន​វ៉ាក់សាំង​ប្រកបដោយ​សុវត្ថិភាព ដើម្បី​ការពារ​ជំងឺ​កូ​វីដ​-១៩ ឱ្យបាន​ឆាប់​តាម​ដែល​អាចធ្វើ​ទៅបាន​។ មជ្ឈមណ្ឌល​កូ​វ៉ា​ក់ (COVAX Facility) ដឹកនាំ​ដោយ​អង្គការ GAVI, CEPI, និង​អង្គការ​សុខភាព​ពិភពលោក (WHO) ក្នុង​ភាពជា​ដៃគូ​ជាមួយនឹង​អង្គការ​យូ​នី​សេ​ហ្វ (UNICEF)៕

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១០ នាទី មុន

អាជ្ញាធរ​ខណ្ឌឫស្សីកែវ​ បិទ​ផ្សារ​ទំនប់​ជា​បណ្តោះ​អាសន្ន ​ក្រោយ​មាន​អាជីវករ​ឆ្លង​កូ​វីដ​១៩

ព័ត៌មានជាតិ៣៣ នាទី មុន

រក​ឃើញ​អ្នក​ពាក់ព័ន្ធផ្ទាល់ និង​ប្រយោល ជាមួយ​អ្នក​ផ្ទុក​កូ​វីដ១៩ ជិត​៤០​នាក់ នៅ​ស្រុក​រុក្ខ​គិរី

ព័ត៌មានជាតិ៤២ នាទី មុន

ឧ​ត្ត​ម​សេនីយ៍​ឯក រ័ត្ន ស្រ៊ាង ចែក​ម៉ាស​បន្ថែម​ជូន​ដល់​កម្លាំង​ក្រោម​ឱវាទ ដើម្បី​បន្ត​បេសកកម្ម​ប្រយុទ្ធ​ប្រឆាំង​ការឆ្លង​រីក​រាលដាល​ជំងឺ​កូ​វីដ​-១៩

ព័ត៌មានជាតិ៤៨ នាទី មុន

រដ្ឋបាល​រាជធានីភ្នំពេញ​ បង្ហាញ​អត្តសញ្ញាណ​អ្នក​វិជ្ជមាន​កូវីដ១៩​ ចំនួន៣៣០រូប​ ដើម្បីឲ្យអ្នក​ជាប់​ពាក់ព័ន្ធ​តាម​ដានសុខភាព

ព័ត៌មានជាតិ១ ម៉ោង មុន

បន្ទាន់!! ផ្សារ​ដេប៉ូ​សម្រេច​ផ្អាក​ដំណើរការ​ជា​បណ្តោះ​អាសន្ន ហើយ​ប្រសិន​មាន​ការ​សង្ស័យ សូម​ទៅ​យក​សំណាក​តេស្ត​នៅ​បរិវេណ​ផ្សារ​

Sokha Hotels

ព័ត៌មានពេញនិយម

Helistar Cambodia - Helicopter Charter Services