ព័ត៌មានជាតិ

ស្នងការនគរបាលខេត្តកោះកុងបង្ក្រាបរថយន្តដឹកជញ្ជូនឈើប្រណិតចំនួន៤គ្រឿងនិងឃាត់ខ្លួនមនុស្ស២នាក់

បានផុស

៣ years មុន

នៅ

ថ្ងៃព្រហស្បតិ៍ ៤ មីនា ២០២១

ដោយ

របាយការណ៍បឋមរបស់ស្នងការនគរបាលខេត្ត ប្រតិបតិ្តការនេះធ្វើឡើងនៅតាមបណ្តោយផ្លូវជាតិលេខ៤៨គោលដៅប៉ុស្តិ៍បឹងព្រាវ ចំនុច(អូជ្រៅ) ឃុំបឹងព្រាវ ស្រុកស្រែអំបិល ក្រោយតាមប្រមាញ់រថយន្តសង្ស័យនីមួយៗដែលពួកគេដឹកឈើខុសច្បាប់ចេញពីស្រុកថ្មបាំងឆ្ពោះទៅភ្នំពេញ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបង្ក្រាបបានកាលពីថ្ងៃទី២ ខែមីនា ឆ្នាំ២០២១ ដោយទី១-រថយន្តម៉ាក់ឡង់គ្រីស័រ ពណ៌ស ពាក់ស្លាក់លេខភ្នំពេញ2M-9751 ២-រថយន្តម៉ាក់ហាយឡែនឌ័រ ពណ៌មាស ពាក់ស្លាកលេខ ភ្នំពេញ2X-2367 ៣-រថយន្តម៉ាក់ ហាយឡែនឌ័រ ពណ៌ស្ក ពាក់ស្លាកលេខភ្នំពេញ2Z-2755 ៤-រថយន្តម៉ាក់បាឡែនសេរី2003 ពណ៌ស ពាក់ស្លាក់លេខភ្នំពេញ2W-2986រថយន្តទាំងបួនគ្រឿងនេះមានឈើពេញទាំងអស់ហើយឃាត់ខ្លួនបានមនុស្សចំនួនពីរនាក់ ឈ្មោះ ង៉ែត ម៉ៅ ភេទប្រុស អាយុ២៤ឆ្នាំមានស្រុកកំណើតខេត្តតាកែវ ២-ឈ្មោះ ផាន់ ថន ភេទប្រុស អាយុ ២៤ឆ្នាំ រស់នៅភូមិជាំស្លា ឃុំជីផាត ស្រុកថ្មបាំង ខេត្តកោះកុង(អ្នកទាំងពីរនៅក្នុងរថយន្តបាឡែន)ចំណែកមនុស្សក្នុងរថយន្តប៣គ្រឿងទៀតបានរត់គេចខ្លួនចូលព្រៃអស់។

ទំហំឈើកំពុងត្រូវបានមន្ត្រីបរិស្ថានរាប់ចំនួននៅឡើយទេមុនកសាងសំណុំរឿងទៅតុលាការ។

អត្តបទ ៖ សិរីវឌ្ឍនៈ