សន្តិសុខសង្គម
នគរបាលខេត្តកោះកុង ពង្រឹងអនុវត្តច្បាប់ចរាចរណ៍ ក្រោយមានករណីគ្រោះថ្នាក់ច្រើនតាមដងផ្លូវសាធារណៈ
កម្លាំងនគរបាលខេត្តកោះកុង បានដាក់បញ្ជាបទដល់បណ្តាអធិការដ្ឋានក្រុងស្រុកទាំង៧ ពង្រឹងអនុវត្តច្បាប់ចរាចរណ៍ឡើងវិញ ក្រោយសង្កេតឃើញមានអត្រាអ្នកស្លាប់ និងរបួសច្រើនតាមដងផ្លូវសាធារណៈ។
លោកឧត្តមសេនីយ៍ត្រី សរ សារ៉ាត់ ស្នងការរងនគរបាលខេត្តកោះកុង បានឱ្យដឹងថា បច្ចុប្បន្ន មានករណីក្មេងៗមិនទាន់គ្រប់អាយុបើកបរម៉ូតូ បើកបរបំពងសំឡេងចេញពីបំពង់ស៊ីម៉ាំងកែច្នៃឮខ្លាំងៗ ក៏ដូចជាបើកបរម៉ូតូហ៊ោរកញ្ជៀវនៅពេលយប់ បើកបរល្បឿនលឿន ជាហេតុងាយបង្កគ្រោះថ្នាក់ចរាចរណ៍ផ្លូវគោកជាបន្តបន្ទាប់ និងរំខានដល់សណ្តាប់ធ្នាប់សាធារណជនផងដែរ។
លោកស្នងការរងខេត្ត បញ្ជាក់តាមលិខិតចុះថ្ងៃទី១២ ខែមករា ឆ្នាំ២០២៤ ថា ដើម្បីទប់ស្កាត់ និងកាត់បន្ថយអត្រាគ្រោះថ្នាក់ចរាចរណ៍ផ្លូវគោកទូទាំងខេត្តកោះកុងឱ្យនៅមានកម្រិតទាបបំផុត ស្នងការដ្ឋាននគរបាលណែនាំដល់បណ្តាអធិការដ្ឋានក្រុងស្រុកទាំង៧ ត្រូវបញ្ចុះកម្លាំងនៅតាមគោលដៅអនុវត្តប្រឈម ត្រូវបញ្ចុះកម្លាំងល្បាតនៅពេលយប់ អនុវត្តច្បាប់ទៅលើអ្នកបើកដែលល្មើសច្បាប់ និងធ្វើការផ្សព្វផ្សាយអប់រំណែនាំច្បាប់ដល់អ្នកប្រើប្រាស់ផ្លូវទាំងអស់ចាប់ពីថ្ងៃនេះតទៅ។
គួរកត់សម្គាល់ថា មួយរយៈចុងក្រោយនេះ មានមនុស្សស្លាប់ និងរបួសរងស្ទើររៀងរាល់ថ្ងៃនៅក្នុងក្រុងខេមរភូមិន្ទ និងនៅតាមបណ្តាស្រុកក្នុងខេត្តកោះកុង ដោយភាគច្រើនអ្នកបើកបរហួសល្បឿនកំណត់ មិនពាក់មួកសុវត្ថិភាព សេពគ្រឿងស្រវឹង និងបើកបរទាំងវ៉ាជែងគ្នាក្នុងស្ថានភាពគ្រោះថ្នាក់ចរាចរណ៍។ បញ្ហានេះត្រូវបានពលរដ្ឋសម្តែងក្តីព្រួយបារម្ភយ៉ាងខ្លាំងពីសុវត្ថិភាពធ្វើដំណើរ ដោយស្នើសុំឱ្យសមត្ថកិច្ចពង្រឹងច្បាប់ឡើងវិញ។
ថ្មីៗនេះ គេសង្កេតឃើញកងកម្លាំងនគរបាលនៅស្រុកមណ្ឌលសីមា ចុះផ្សព្វផ្សាយអប់រំដល់ក្មេងៗមិនទាន់គ្រប់អាយុបើកបរប្រមាណ ៤ទៅ ៥ម៉ូតូ ត្រង់ចំណុចគល់ស្ពានកោះកុងខាងលិច ដោយណែនាំអប់រំ និងធ្វើកិច្ចសន្យាមិនឱ្យមានជាលើកទី២។
ចំណែក លោកវរសេនីយទោ ជុន គា អធិការរងនគរបាលចរាចរណ៍ នៃអធិការដ្ឋាននគរបាលក្រុងខេមរភូមិន្ទ ព្រឹកថ្ងៃទី១៥ ខែមករា នេះ បានដាក់កម្លាំងសណ្តាប់ធ្នាប់ អនុវត្តរឹតបន្តឹតច្បាប់នៅគោលដៅទល់មុខអធិការដ្ឋានក្រុង ដោយបានឃាត់ក្មួយៗសិស្សានុសិស្សមិនទាន់គ្រប់អាយុបើកបរម៉ូតូ និងបានហៅអាណាព្យាបាលមកអប់រំ ធ្វើកិច្ចសន្យា ទី១. ហាមមិនអោយកុមារមិនទាន់គ្រប់អាយុបើបរ ទី២. បើកបរត្រូវពាក់មួកសុវត្ថិភាព និងមានកញ្ចក់មើលក្រោយ ទី៣. ហាមមិនអោយប្រឡែងគ្នាពេលកំពុងបើកបរ ទី៤. ហាមមិនអោយប្រើប្រាស់ទូរសព្ទពេលកំពុងបើកបរ ទី៥. បើកបរប្រើល្បឿនតាមការកំណត់ និងទី៦. បើកបរត្រូវគោរពផ្លាកសញ្ញាចរាចរណ៍៕
អត្ថបទ ៖ សិរីវឌ្ឍនៈ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង