ព័ត៌មានជាតិ

អ្នកពាក់ព័ន្ធជាមួយស្ត្រីវៀតណាម២នាក់ឆ្លងកូវីដ១៩នៅស្វាយរៀងជិត៤០នាក់លទ្ធផលតេស្តលើកទី១អវិជ្ជមានទាំងអស់

បានផុស

៤ years មុន

នៅ

ថ្ងៃសៅរ៍ ៦ មីនា ២០២១

ដោយ

លោកវេជ្ជបណ្ឌិត កែរ រដ្ឋា ប្រធានមន្ទីរសុខាភិបាលខេត្តស្វាយរៀងបានឲ្យដឹងនៅរសៀលថ្ងៃទី៦មីនា នេះថា អ្នកពាក់ព័ន្ធជាមួយស្ត្រីវៀតណាម២នាក់ឆ្លងកូវីដ១៩នៅស្វាយរៀងជិត៤០នាក់ លទ្ធផលតេស្តលើកទី១អវិជ្ជមានទាំងអស់។

លោកបានបន្តថា ក្រុមការងារបានស្វែងរកអ្នកប៉ះពាល់ជាមួយស្ត្រីជនជាតិវៀតណាមបានចំនួន៤៥ នាក់ បានយកសំណាកចំនួន៣៧នាក់ទៅធ្វើតេស្តហើយជាលទ្ធផលអវិជ្ជមាន ទាំងអស់ ។

លោកបានបន្តទៀតថា ចំណែកអ្នកបើកបរឡានតាក់ស៊ី ដែលដឹកនារី វៀតណាម២នាក់ វិជ្ជមាន កូវីដ១៩ នោះកំពុងធ្វើចត្តាឡីស័ក នៅខេត្តព្រះសីហនុក៏មានលទ្ធផលសំណាកវិភាគ អវិជ្ជមានផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត កែរ រដ្ឋា បានបន្ថែមថា«យើងកំពុងតាមដានអ្នកពាក់ព័ន្ធទាំង៣៧នាក់និងត្រូវយកសំណាកលើកទី២ នាថ្ងៃទី១៣មីនាម្តងទៀត។ ដោយសារលទ្ធផលអវិជ្ជមានយើងមិនតាមដានលើក្រុមអ្នកប៉ះពាល់បន្ទាប់ដែលបានប៉ះពាល់ផ្ទាល់ មិនផ្ទាល់ចំពោះអ្នកទាំង៣៧នាក់នេះទៀតទេ»។

យ៉ាងណាក៏ដោយលោកប្រធានមន្ទីរសុខាភិបាលខេត្តស្វាយរៀងបានបញ្ជាក់ថា ស្ត្រីវៀតណាម២នាក់ដែលមានឆ្លងកូវីដ១៩នៅស្វាយរៀងដែលកំពុងសម្រាកព្យាបាលនៅមន្ទីរពេទ្យបង្អែកស្វាយជ្រំនេះបានចម្លងទៅមិត្តភ័ក្ដិម្នាក់ទៀតស្នាក់នៅ APARTM ENT Diamondផងដែរកំពុងសម្រាកព្យាបាលនៅរាជធានីភ្នំពេញ។

គួរបញ្ជាក់ថាអាជ្ញាធរខេត្តស្វាយរៀងបានបិទសណ្ឋាគារ ហេង ហេង សេរីរ័ត្ន នៅបាវិតដែលស្ត្រីវៀតណាម២នាក់ស្នាក់នៅនិងបានយកសណ្ឋាគារនេះធ្វើជាកន្លែងចត្តាឡីស័កដាក់អ្នកពាក់ព័ន្ធជាមួយស្ត្រីវៀតណាមនោះតែម្តង៕

អត្ថបទ ៖ សំអឿន