លោកស្រី យក់ សម្បត្តិ បញ្ជាក់លម្អិតបុរសខ្មែរអាយុ ៤៦ ឆ្នាំស្លាប់ដោយសារជំងឺកូវីដ១៩

លោកស្រី វេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាលបានឲ្យដឹងនៅមុននេះបន្តិចថា មានបុរសជនជាតិខ្មែរម្នាក់ទៀតមានអាយុ៤៦ឆ្នាំស្នាក់នៅ សង្កាត់បឹងសាឡាង ខណ្ឌ័ទួលគោក ភ្នំពេញបានស្លាប់ដោយសារជំងឺកូវីដ១៩។

លោកស្រីបានបន្តថា បុរសនេះមានឈ្មោះ គឹម ឃីស៊ុន (Koem khisun) អាយុ៤៦ឆ្នាំ ស្លាប់ដោយជំងឺកូវីដ១៩ ដោយមិនមានជំងឺគួបផ្សំនោះទេ។ បុរសរូបនេះ ត្រូវបានរកឃើញវិជ្ជមានកូវីដ១៩ កាលពីថ្ងៃ១០ខែមីនាឆ្នា២០២១។

គាត់មានអាការរលាកសួតសងខាងធ្ងន់ធ្ងរ និងស្ថិតក្នុងការប្រើម៉ាស៊ីនជំនួយដង្ហើម VNI នៅថ្ងៃទី១២ ខែមីនា ហើយបានស្លាប់នៅម៉ោង ៣៖ ៣០ នាទីល្ងាចថ្ងៃទី ១៩ ខែមីនានេះ ដោយខ្សោយសួតខ្លាំង ដែលបណ្តាលមកពីជំងឺកូវីដ​១៩​វ៉ៃលុក។

នេះគឺជាករណីស្លាប់ទី៣ ហើយបន្ទាប់ពីករណីទី២ ជាម្តាយរបស់តារាចំរៀងវីដាណែតដែលបានស្លាប់នៅម៉ោង ១១៖៤៥ នាទីព្រឹកនេះនៅមន្ទីរពេទ្យមិត្តភាពខ្មែរសូវៀត៕

អត្ថបទ៖សំអឿន