ព័ត៌មានជាតិ

អ្នកសេដ្ឋកិច្ចក្រៅប្រព័ន្ធ សប្បាយរីករាយខ្លាំង ក្រោយសមាជរដ្ឋសភា និងព្រឹទ្ធសភា អនុម័តដោយសំឡេងគាំទ្រវិស័យក្រៅប្រព័ន្ធ

បានផុស

១ year មុន

នៅ

ថ្ងៃពុធ ៤ មិថុនា ២០២៥

ដោយ

អ្នកប្រកបមុខរបរសេដ្ឋកិច្ចក្រៅប្រព័ន្ធ បង្ហាញក្តីរីករាយកាន់តែខ្លាំង ក្រោយអង្គសមាជរដ្ឋសភា និងព្រឹទ្ធសភា បានសម្រេចអនុម័តដោយសំឡេងគាំទ្រវិស័យក្រៅប្រព័ន្ធ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហង្ស រ៉ាវី ជាប្រធានសហភាពសហជីពរក្សាសិទ្ធិកម្មករកម្ពុជា ដែលមានសមាគមចំនួន ០៨ ក្នុងសហភាព និងអ្នកសេដ្ឋកិច្ចក្រៅប្រព័ន្ធជាង ១ ម៉ឺននាក់ ចំណុះសមាគម បានប្រាប់ឱ្យដឹងថា កាលពីព្រឹកថ្ងៃទី ០៤ ខែមិថុនា ឆ្នាំ ២០២៥ នេះ ការសម្រេចអនុម័តគាំទ្រដោយសំឡេងនៅអង្គសមាជ កាលពីថ្ងៃទី ០២ និងទី ០៣ ខែមិថុនា ឆ្នាំ ២០២៥ លើវិស័យសេដ្ឋកិច្ចក្រៅប្រព័ន្ធ គឺជាការគិតគូរដ៏ខ្ពស់ប្រកបដោយចក្ខុវិស័យវែងឆ្ងាយសម្រាប់អ្នកប្រកបរបរសេដ្ឋកិច្ចក្រៅប្រព័ន្ធទាំងអស់នៅទូទាំងប្រទេសដែលបានចុះឈ្មោះចូលជាសមាជិក។ ជាពិសេសរដ្ឋាភិបាលនីតិកាលអាណត្តិទី ៧ ដែលមានការដឹកនាំដោយ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី មានការគិតគូរយ៉ាងខ្លាំងក្លាគ្រប់វិស័យ។

សមាជិកអ្នកសេដ្ឋកិច្ចក្រៅប្រព័ន្ធ បញ្ជាក់ថា ការចូលជាសមាជិកក្រៅប្រព័ន្ធ មិនមានអ្វីខាតបង់នោះទេ មានតែទទួលបានអត្ថប្រយោជន៍ជាបន្តបន្ទាប់ អមជាមួយភាពស្និទ្ធស្នាលរវាងថ្នាក់ដឹកនាំ នៃរាជរដ្ឋាភិបាល ជាមួយប្រជាជន។ ជាក់ស្ដែង សមាជិក ទទួលបានការយកចិត្តទុកដាក់ពី សុខុមាលភាព ដូចជា ផ្ដល់ប័ណ្ណសមធម៌ និងប័ណ្ណលឿងផងដែរ ពិសេសទទួលបានភាពកក់ក្ដៅពីថ្នាក់ដឹកនាំដែលជាកម្លាំងចិត្ត។

សូមបញ្ជាក់ថា រាជរដ្ឋាភិបាល គិតចាប់តាំងពី សម្តេចតេជោ ហ៊ុន សែន អតីតនាយករដ្ឋមន្ត្រី រហូតបន្តមក សម្តេចមហាបវរធិបតី ហ៊ុន ម៉ាណែត គឺតែងតែបានបន្តការយកចិត្តទុកដាក់ខ្ពស់បំផុតលើការគិតគូរដល់អ្នកប្រកបរបរសេដ្ឋកិច្ចក្រៅប្រព័ន្ធទាំងអស់ ដោយគោលដៅ សំដៅឱ្យប្រជាពលរដ្ឋ កាន់តែមានភាពរីកចម្រើនផ្នែកជីវភាពចិញ្ចឹមជីវិត៕

អត្ថបទ ៖ សុភា

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា