Connect with us

ព័ត៌មានជាតិ

លោកស្រី ឱ វណ្ណឌីន៖ ដំណើរការចាក់វ៉ាក់សាំងដល់មន្ត្រីរាជការស៊ីវិល និងបុគ្គលិកនៅតាមក្រសួងស្ថាប័ននានា នឹងចាប់ផ្តើមនៅថ្ងៃស្អែកនេះហើយ

បានផុស

នៅ

លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់ វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស បានមានប្រសាសន៍ថា នៅថ្ងៃទី០១ ខែមេសា ស្អែកនេះ ប្រតិបត្តិការចាក់វ៉ាក់សាំង ដល់មន្ត្រីរាជការស៊ីវិល និងបុគ្គលិកនៅតាមក្រសួង ស្ថាប័ននានា នឹងចាប់ផ្តើមហើយ ជាមួយគ្នានោះលោកស្រីក៏បានស្នើឲ្យប្រធានស្ថាប័ន ក្រសួង រៀបចំវេនក្នុងការចាក់វ៉ាក់សាំងនេះឲ្យបានល្អ ជៀសវាងមកជាន់គ្នា ធ្វើឲ្យមានការកកស្ទះ។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបញ្ជាក់របស់លោកស្រី ឱ វណ្ណឌីន បានធ្វើឡើងតាមរយៈសារជាសំឡេងដែលត្រូវបានផ្សព្វផ្សាយនាព្រឹកនេះ។ លោកស្រីបានលើកឡើងថា នៅថ្ងៃទី០១ ខែមេសា ឆ្នាំ២០២១ ស្អែកនេះ យើងនឹងចាប់ផ្ដើមប្រតិបត្តិការចាក់វ៉ាក់សាំង ដល់មន្ត្រីរាជការស៊ីវិល និងបុគ្គលិក នៅតាមក្រសួង ស្ថាប័ននានា ហើយនៅព្រឹកនេះដែរ លោកស្រីនឹងចេញសេចក្តីប្រកាសព័ត៌មានមួយ ដើម្បីជម្រាបជូនអំពីពេល វេលា និងឈ្មោះស្ថាប័នអង្គភាព ដែលត្រូវចាក់វ៉ាក់សាំង និងទីកន្លែងត្រូវចាក់វ៉ាក់សាំង។ 

ជាមួយគ្នានោះលោកស្រីក៏បានស្នើឲ្យប្រធានស្ថាប័ន ក្រសួង និងមួយរៀបចំវេនក្នុងការចាក់វ៉ាក់សាំងនេះឲ្យបានល្អជៀសវាងការមកជាន់គ្នា ធ្វើឲ្យមានការកកស្ទះ ។ លោកស្រីក៏បានស្នើឲ្យលោក ស៊ិក ប៊ុណ្ណា ដែលជាអនុប្រធានគណៈកម្មការចំពោះកិច្ចចាក់សាំង ធ្វើការទំនាក់ទំនងតាមស្ថាប័នក្រសួងពាក់ព័ន្ធនានា ដើម្បីសម្របសម្រួលរៀបចំការចាក់វ៉ាក់សាំងនេះ ពីព្រោះទីតាំងទាំងអស់មានចំនួន៤៣ កន្លែង ដែលត្រូវប្រតិបត្តិការចាប់ពីថ្ងៃទី០១ ខែមេសា ស្អែកនេះទៅ។

បើតាមលោកស្រីវេជ្ជបណ្ឌិត ឱ វណ្ណឌីន ដំណើរការចាក់វ៉ាក់សាំងនេះ មានមន្ទីរពេទ្យចំនួន៣ និងតាមក្រសួង ស្ថាប័នធំៗ និងសណ្ឋាគារកាំបូឌីយ៉ាណាផងដែរ៕

អត្ថបទ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣៨ នាទីutes មុន

លោក ហេង សួរ ៖ កិច្ច​ប្រជុំកំពូលវាយនភណ្ឌសកល នឹង​ធ្វើ​ឱ្យ​កម្ពុជា​ក្លាយ​ជាគោលដៅ​ទាក់ទាញទាំងអាជីវកម្មនិងវិនិយោគទុន 

ព័ត៌មានជាតិ២ ម៉ោង មុន

សម្តេចធិបតី ហ៊ុន ម៉ាណែត និងលោកជំទាវផ្ដល់ការឧបត្ថម្ភ​​ជា​ប្រចាំ​ខែ​ដល់​កុមារ​កំព្រា និងកុមារ​មាន​ទុក្ខលំបាក​នៅ​មណ្ឌលមែកឈើ

ព័ត៌មានជាតិ៣ ម៉ោង មុន

រដ្ឋមន្ត្រីព័ត៌មាន៖ ក្រុមប្រឆាំងនៅក្រៅប្រទេសបង្កើតព័ត៌មានក្លែងក្លាយ ដើម្បីបញ្ឆេះកំហឹងពលរដ្ឋ ឱ្យផ្ដួលរំលំរដ្ឋាភិបាល

សេចក្ដីជូនដំណឹង៤ ម៉ោង មុន

ក្រុមហ៊ុន Smart Axiata ទទូលបានពានរង្វាន់ “បរិយាបន្នឌីជីថល” ពីរឆ្នាំជាប់គ្នាៗ ពីកម្មវិធី AmCham CSR Excellence Awards

ព័ត៌មានអន្ដរជាតិ៥ ម៉ោង មុន

ត្រាំ បញ្ជាក់ថា «ពន្ធឱ្យស្មើគ្នា» នឹងដាក់លើគ្រប់ប្រទេសទាំងអស់

Sokha Hotels

ព័ត៌មានពេញនិយម