ព័ត៌មានជាតិ
សមត្ថកិច្ច បានឃាត់អ្នកល្មើសបម្រាមគោចរជាង៧០នាក់ និងដាក់ឲ្យធ្វើចត្តាឡីស័ក១៤ថ្ងៃ
លោកវរសេនីយ៍ឯក សាន សុខសីហា អ្នកនាំពាក្យស្នងការនគរបាលរាជធានីភ្នំពេញ បានមានប្រសាសន៍នៅព្រឹកថ្ងៃទី០៣មេសានេះថា ចាប់ពីម៉ោង៨យប់ថ្ងៃទី០២ដល់ម៉ោង៥ទៀបភ្លឺថ្ងៃទី០៣ខែមេសានេះ សមត្ថកិច្ចចម្រុះបានធ្វើការឃាត់អ្នកដែលធ្វើដំណើរល្មើសបម្រាមគោចរចំនួន៧៣នាក់ ក្នុងនោះមានម៉ូតូចំនួន៦៥គ្រឿងនិងរថយន្តចំនួន៨គ្រឿង។
លោកបានបន្តថា ម៉ូតូនិងរថយន្តទាំង៧៣គ្រឿងនោះ ត្រូវបានសមត្ថកិច្ចយកទៅរក្សាទុកនៅតាមអធិការដ្ឋានខណ្ឌ។ ចំណែកអ្នកបើកបរល្មើសនឹងបម្រាមគោចរ ត្រូវអនុវត្តទៅតាមគោលការណ៍ណែនាំរបស់សាលារាជធានីភ្នំពេញ ដោយតម្រូវឲ្យធ្វើចត្តាឡីស័កនៅតាមផ្ទះរៀងៗខ្លួនរយៈពេល១៤ថ្ងៃ ដោយមានការត្រួតពិនិត្យយ៉ាងតឹងរ៉ឹងពីអាជ្ញាធរមូលដ្ឋាន។
លោកបានបន្តទៀតថា នៅថ្ងៃទី១នៃការអនុវត្តទៅលើវិធានការរបស់សាលារាជធានីភ្នំពេញនេះឃើញថា បងប្អូនប្រជាពលរដ្ឋភាគច្រើនមានការយល់ដឹងនិងបានចូលរួមអនុវត្តទៅតាមការណែនាំរបស់អាជ្ញាធរមានសមត្ថកិច្ច។
បើតាមអ្នកនាំពាក្យរូបនេះ មានពលរដ្ឋតិចតួចប៉ុណ្ណោះដែលនៅល្មើសនិងបំពានការហាមឃាត់នេះ ហើយ លោកសង្ឃឹមថា នៅយប់នេះឬយប់ជាបន្តបន្ទាប់ទៀតចំនួនពលរដ្ឋដែលល្មើសនឹងកាន់តែមានការថយចុះជាបន្តបន្ទាប់ទៀតព្រោះថា ប្រជាពលរដ្ឋបានឃើញថា សមត្ថកិច្ចពិតជាបានអនុវត្តជាក់ស្តែងតែម្តងមិនមែនដាក់វិធានការហើយមិនអនុវត្តនោះទេ។
គួរបញ្ជាក់ថា វិធានការរដ្ឋបាលបណ្តោះអាសន្ន ដើម្បីទប់ស្កាត់ការឆ្លងរាលដាលជំងឺកូវីដ-១៩ នៅក្នុងភូមិសាស្ត្ររាជធានីភ្នំពេញនេះមានរយៈពេល២សប្តាហ៍ គឺចាប់ពីថ្ងៃទី០១ ខែមេសានេះ រហូតដល់ថ្ងៃទី១៤ ខែមេសា ឆ្នាំ២០២១៕
អត្ថបទ៖ សំអឿន
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល