ឯកឧត្តម ហ៊ុន ម៉ានី អញ្ជើញគោរពវិញ្ញាណក្ខន្ធវីរកងទ័ពជួរមុខពលីជីវិតនៅសមរភូមិមុខ

ឯកឧត្តម ហ៊ុន ម៉ានី ឧបនាយករដ្ឋមន្ត្រី និង​ជា​រដ្ឋមន្ត្រីក្រសួងមុខងារសាធារណៈ បាន​អញ្ជើញចូលរួមពិធីគោរពវិញ្ញាណក្ខន្ធវីរកងទ័ពដែលបានពលីជីវិតនៅសមរភូមិមុខ ដើម្បីបុព្វហេតុជាតិនិងមាតុភូមិកម្ពុជា លោកអនុសេនីយ៍ឯក ប្រាក់ ពិសិដ្ឋ កងឯកភាព​នៃកងពលតូចអន្តរាគមន៍លេខ ៨ ។

អញ្ជើញចូលរួមពិធីគោរពវិញ្ញាណក្ខន្ធវីរកងទ័ពដែលបានពលីជីវិតនៅសមរភូមិមុខ បានរៀបចំធ្វើឡើងនារសៀលថ្ងៃទី៨ ខែសីហា ឆ្នាំ២០២៥ ដោយមានការចូលរួមពីលោក វ៉ា ថន អភិបាលនៃគណអភិបាលខេត្តក្រចេះ និងលោក ហឿ ស៊ីយ៉ែម ប្រធានក្រុមប្រឹក្សាខេត្ត ថ្នាក់ដឹកនាំខេត្ត ព្រមទាំងអភិបាលរងខេត្ត ប្រធាន អនុប្រធានមន្ទីរអង្គភាពជុំវិញខេត្ត កងកម្លាំងទាំងបីប្រភេទ យុវជន នៃសហភាពសហព័ន្ធយុវជនកម្ពុជា និងប្រជាពលរដ្ឋជាច្រើនរយនាក់ នៅគេហដ្ឋានសព ភូមិឈើទាលភ្លោះ ឃុំព្រែកសាម៉ាន់ ស្រុកឆ្លូង ខេត្តក្រចេះ៕

អត្ថបទ ប្រុញ វិធិន