នយោបាយ

ទទួលស្គាល់គណបក្សចំនួន៤ ដើម្បីចូលរួមក្នុងការបោះឆ្នោតក្រុមប្រឹក្សាក្រុងបូកគោ

បានផុស

៥ years មុន

នៅ

ថ្ងៃពុធ ១២ ឧសភា ២០២១

ដោយ

គណបក្សនយោបាយចំនួន៤ នឹងចូលរួមប្រកួតប្រជែង នៅក្នុងការបោះឆ្នោតលើកទី១ ដើម្បីជ្រើសរើសក្រុមប្រឹក្សាក្រុងបូកគោ នៃខេត្តកំពត នេះបើតាមការបញ្ជាក់ពីគណៈកម្មាធិការជាតិរៀបចំការបោះឆ្នោត គ.ជ.ប នាល្ងាច ថ្ងៃទី១២ ខែឧសភា ឆ្នាំ២០២១ នេះ។

បើតាម គ.ជ.បនៅថ្ងៃនេះ គណៈកម្មការរៀបចំការបោះឆ្នោតខេត្តកំពត បានសម្រេចទទួលស្គាល់ជាផ្លូវការនូវការចុះបញ្ជីគណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះរបស់គណបក្សហ៊្វុនស៊ិនប៉ិច សម្រាប់ការបោះឆ្នោតលើកទី១ ដើម្បីជ្រើសរើសក្រុមប្រឹក្សាក្រុងបូកគោ នៃខេត្តកំពត ដូច្នេះគណបក្សនយោបាយ ដែលនឹងចូលរួមប្រកួតប្រជែងសរុបមានចំនួន៤ គណបក្ស។

គណបក្សនយោបាយចំនួន៤ នោះរួមមាន ទី១. គណបក្សប្រជាជនកម្ពុជា បេក្ខជនពេញសិទ្ធិ១៣នាក់ បេក្ខជនបម្រុងចំនួន១៥សរុបចំនួន២៨ នាក់។ ទី២. គណបក្សសញ្ជាតិកម្ពុជាដាក់ប្រជាជនពេញសិទ្ធិចំនួន១៣ បេក្ខជនបម្រុងចំនួន១៥សរុបចំនួន២៨។

ទី៣.គណបក្សយុវជនកម្ពុជា ដាក់បេក្ខជនពេញសិទ្ធិចំនួន ១៣បេក្ខជនបម្រុងចំនួន ១៣សរុបចំនួន២៦។

ទី៤.គណបក្សហ៊្វុនស៊ិនប៉ិចដាក់បេក្ខជនសរុបចំនួន ១៣បេក្ខជនបម្រុងចំនួន ១៣ សរុបចំនួន២៦។

គណៈកម្មាធិការជាតិរៀបចំការបោះឆ្នោតបានឲ្យដឹងថា បន្ទាប់ពីសម្រេចទទួល ស្គាល់ជាផ្លូវការ នូវការចុះបញ្ជីគណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះ គណៈកម្មការរៀបចំការបោះឆ្នោតខេត្ត នឹងរៀបចំការចាប់ឆ្នោតកំណត់លំដាប់លេខរៀងគណបក្សនយោបាយនៅលើសន្លឹកឆ្នោត ដើម្បីរៀបចំការបោះពុម្ពសន្លឹកឆ្នោត សម្រាប់ការបោះឆ្នោតជ្រើសរើសក្រុមប្រឹក្សាក្រុងបូកគោ ដែលនឹងប្រព្រឹត្តទៅនៅថ្ងៃទី២៥ ខែកក្កដា ឆ្នាំ២០២១៕

ដោយ ៖ កោះកែវ

Related Topics:គណបក្សនយោបាយ

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា