Connect with us

នយោបាយ

បំណែក​សង្គ្រោះ​ជាតិ លេចចេញ​ជា​រូបរាង​មួយទៀត​ហើយ​គឺ “​គណបក្ស​បេះដូង​ជាតិ​”

បានផុស

នៅ

កាលពី​ថ្ងៃទី​០៣ ខែមិថុនា ឆ្នាំ​២០២១ កន្លងទៅ​ថ្មីៗ​នេះ ក្រសួងមហាផ្ទៃ​បាន​ទទួល​ពាក្យ​ស្នើសុំ​បង្កើត​គណបក្ស​ថ្មី​មួយទៀត ដែល​មាន​ឈ្មោះថា “​គណបក្ស​បេះដូង​ជាតិ​” ដោយ​សរសេរ​ជា​អក្សរ​កាត់​ថា “​គ​.​ប​.​ជ​” ហើយដោយ​ផ្អែក​ទៅតាម​ការ​ស្នើសុំ​នេះ ក្រសួងមហាផ្ទៃ​បាន​តម្រូវ​ឲ្យ​គណបក្ស​នេះ ត្រូវ​រៀបចំ​សញ្ញា​សម្គាល់​របស់​គណបក្ស​ឲ្យ​បាន​ត្រឹមត្រូវ ដោយ​អនុលោម​តាមច្បាប់​ស្ដីពី​គណបក្សនយោបាយ នេះ​បើ​យោង​តាម​លិខិត ដែល​ក្រសួងមហាផ្ទៃ​ផ្ញើ​ជូន​លោក សៀម ភ្លុក ដែលជា​តំណាង​ស្ថាបនិក​គណបក្ស ហើយ​ដែល​កម្ពុ​ជាថ្មី​ទើប​ទទួលបាន​នៅ​ថ្ងៃទី​១៥ ខែមិថុនា ឆ្នាំ២០២១​នេះ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ទាក់ទង​ការបង្កើត​គណបក្ស​ថ្មី​នេះ មាន​ប្រភព​មួយ​ចំនួន​បាន​បង្ហើប​ថា គណបក្ស​បេះដូង​ជាតិ​នេះ រួមគ្នា​បង្កើត​ឡើង​ដោយ​លោក ថាច់ សេដ្ឋា អតីតមន្ត្រី​ជាន់ខ្ពស់ នៃ​អតីត​គណបក្ស​សង្គ្រោះ​ជាតិ និង​ជា​ប្រធាន​សហគមន៍​ខ្មែរ​កម្ពុជា​ក្រោម ដែល​ទើប​ទទួល​បាន​សម្បទា ធ្វើ​នយោបាយ​ឡើងវិញ​កាលពី​ថ្មីៗ​នេះ ប៉ុន្តែ​លោក ថាច់ សេដ្ឋា បាន​បដិសេធ​ចំពោះ​ព័ត៌មាន​ខាង​លើ​នេះ ដោយ​សំអាង​ថា លោក​មិនទាន់បាន​គិតគូរ​ពី​ការ​ធ្វើ​នយោបាយ​នៅឡើយ​ទេ បើទោះបី​លោក​ទទួលបាន​សម្បទា ធ្វើ​នយោបាយ​ឡើងវិញ​ក៏ដោយ​។

លោក ថាច់ សេដ្ឋា បាន​ថ្លែងប្រាប់​កម្ពុជា​ថ្មី​ថា លោក​មិន​ទាន់​បាន​គិតគូរ​ពី​ការ​ធ្វើ​នយោបាយ ឬ​បង្កើត​គណបក្ស​អី​នោះ​ទេ ដោយសារតែ​លោក​កំពុង​ជាប់រវល់​ក្នុង​ការរៀបចំ​បុណ្យខួប នៃ​ការបាត់បង់​ទឹកដី​កម្ពុជា​ក្រោម ដែល​គ្រោង​ធ្វើ​នៅ​ថ្ងៃទី​២៧ ខែមិថុនា ឆ្នាំ​២០២១​ខាងមុខ​។

បើ​ទោះបី​ជា​លោក ថាច់ សេដ្ឋា បាន​បដិសេធ​ព័ត៌មាន​នេះ​ក្តី មាន​ប្រភព​ច្រើន​ដែល​ស្និទ្ធ​លោក កឹម សុខា បាន​បញ្ជាក់​ថា គណបក្ស​បេះដូង​ជាតិ នេះ​ត្រូវបាន​បង្កើត​ឡើង​ដោយ​ក្រុម​លោក ថាច់ សេដ្ឋា ហើយ​បាន​ដាក់​ឈ្មោះ​លោក សៀម ភ្លុក ជា​តំណាង ហើយ​គណបក្ស​នេះ​ក៏​ទទួល​បាន​ភ្លើង​ខៀវ​ពី​លោក សម រង្ស៊ី លោក អេង ឆៃអ៊ាង ដែល​កំពុង​និរទេស​ខ្លួន​នៅ​ក្រៅ​ប្រទេស​ផងដែរ​។

លោក ហ៊ុន កុសល អតីត​សកម្ម នៃ​អតីត​គណបក្ស​សង្គ្រោះ​ជាតិ ហើយ​ជា​មនុស្ស​ស្និទ្ធ​ជាមួយ​លោក កឹម សុខា បាន​សរសេរ​នៅក្នុង​ហ្វេ​ស​ប៊ុ​ក​របស់​ខ្លួន​ថា “​មាន​ពាក្យ​គេ​និយាយ​តៗ​គ្នា​ថា គណបក្ស​បេះដូង​ជាតិ ជា​របស់​លោក ថាច់ សេដ្ឋា ដែល​ជា​មនុស្ស​ស្និទ្ធ​នឹង​លោក អេង ឆៃអ៊ាង និង​លោក​សម រង្ស៊ី​។ យើង​ក៏​ឮ​ទៀត​ដែរ​ថា ការ​សុំ​សិទ្ធិ​នយោបាយ និង​ចេញទៅ​បង្កើត​គណបក្ស​នេះ​របស់​លោក ថាច់ សេដ្ឋា គឺជា​ការរៀបចំ​ដោយ​លោក អេង ឆៃអ៊ាង និង​មានការ​យល់ព្រម​ពី​លោក សម រង្ស៊ី ផងដែរ អញ្ចឹង​ហើយ​បាន​ជា​មាន​ព្រឹត្តិការណ៍ “​លក់​ប័ណ្ណ​នាឡិកា​” ដែល​ជា​ការ​ប្រមូល​លុយ​សម្រាប់​បើក​គណបក្ស​ថ្មី​”​។

លោក ហ៊ុន កុសល អះអាង​ថា បើ​រឿង​នេះ​មិន​ពិត លោក អេង ឆៃអ៊ាង និង​លោក សម រង្ស៊ី គួរ​ធ្វើការ​បដិសេធ ព្រោះ​ពួកគេ​បាន​យកឈ្មោះ​លោក សម រង្ស៊ី ទៅ​ប្រើ​ថា “​លោក​ប្រធាន សម រង្ស៊ី បញ្ជា​ឱ្យ​ខ្ញុំ​បើក​បក្ស​បេះដូង​ជាតិ​” នៅពេល​ពួកគេ​ដើរ​កៀងគរ​សកម្មជន​នៅតាម​មូលដ្ឋាន​ឱ្យចូល​រួមជាមួយ​ខ្លួន​។

​បើ​តាម​លោក ហ៊ុន កុសល នៅពេល​មនុស្ស​ស្និទ្ធ​នឹង​លោក កឹម សុខា ចេញទៅ​បង្កើត​គណបក្ស​ថ្មី លោក កឹម សុខា តែងតែ​បដិសេធ​តាមរយៈ​សហ​មេធាវី​រប​ស់​ខ្លួន ប៉ុន្តែ​ក្រុម​របស់​លោក សម រង្ស៊ី វិញ មិនទាន់​ឃើញ​ចេញមក​បដិសេធ​នោះ​ទេ​។ ដូច្នេះ​បើ​លោក សម រង្ស៊ី ឬ​លោក អេង ឆៃអ៊ាង មិន​ធ្វើការ​បដិសេធ​ទេ បញ្ជាក់​ថា រឿង​នេះ​គឺជា​ការពិត ហើយ​ព្រមទាំង​ស​បញ្ជាក់​ថា លោក សម រង្ស៊ី បាន​បោះបង់​អតីត​គណបក្ស​ស​ង្គ្រោះ​ជាតិ បោះបង់​លោក កឹម សុខា បោះបង់​អ្នកគាំទ្រ​ទាំងអស់​។​

សូម​បញ្ជាក់​ថា រហូតមកដល់​ពេលនេះ អតីតមន្ត្រី​ជាន់ខ្ពស់ នៃ​អតីត​គណបក្ស​សង្គ្រោះ​ជាតិ ជាង​២០​នាក់​ហើយ បាន​ស្នើសុំ​សម្បទា ដើម្បី​បាន​ធ្វើ​នយោបាយ​ឡើងវិញ​ជា​បន្តបន្ទាប់ ហើយក៏​ទទួលបាន​សម្បទា​ធ្វើ​នយោបាយ​ឡើងវិញ​ជា​បន្តបន្ទាប់​ផងដែរ ក្នុងនោះ​មាន​អតីតមន្ត្រី​ជាន់ខ្ពស់​មួយចំនួន​បាន​បង្កើត​គណបក្ស​ថ្មី​ដោយ​ខ្លួនឯង ហើយ​មួយ​ច​ចំនួន​ទៀត​ចូលរួម​ជាមួយ​អ្នកដទៃ ហើយ​អ្នក​ដែល​ស្នើសុំ​សម្បទា​ធ្វើ​នយោបាយ​ឡើងវិញ ក៏​ទទួលបាន​ការចោទប្រកាន់​ពី​អតីត​ថ្នាក់ដឹកនាំ​របស់ខ្លួន​ថា ជា​ជន​ក្បត់បក្ស​ផងដែរ​៕

ដោយ ៖ កោះ​កែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣៥ នាទី មុន

អតីតរដ្ឋមន្ត្រីហិរញ្ញវត្ថុម៉ាឡេស៊ី ត្រូវបានចោទប្រកាន់ពីបទ «មិនគោរពគោលការណ៍ ប្រកាសទ្រព្យសម្បត្តិ»

ព័ត៌មានអន្ដរជាតិ១ ម៉ោង មុន

បេសកជនសិទ្ធិមនុស្សអង្គការសហប្រជាជាតិ បង្ហាញថា ប្រសិនបើគ្មានអ្នកផ្ដល់សព្វាវុធ របបយោធានៅមីយ៉ាន់ម៉ា​នឹងទន់ខ្សោយ

សន្តិសុខសង្គម២ ម៉ោង មុន

តុលាការផ្តន្ទាទោស លោក William Guang  ឱ្យជាប់ពន្ធនាគារ៦ឆ្នាំ ពីបទលួច និងកាន់អាវុធខុសច្បាប់

ព័ត៌មានជាតិ៣ ម៉ោង មុន

មន្ត្រីជាន់ខ្ពស់ ប.ស.ស. ជំរុញផ្តល់សេវាឱ្យលឿនរហ័ស ស្របតាមកំណែទម្រង់ថ្មី

សន្តិសុខសង្គម៣ ម៉ោង មុន

១សប្ដាហ៍ សមត្ថកិច្ច ឃាត់ខ្លួនជនសង្ស័យពាក់ព័ន្ធបទល្មើសគ្រឿងញៀន២១០នាក់ និងក្មេងទំនើង១០៩នាក់

ចរាចរណ៍៤ ថ្ងៃ មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានជាតិ១ ថ្ងៃ មុន

សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា

បច្ចេកវិទ្យា១៥ ម៉ោង មុន

កុំពឹងផ្អែកលើប្រព័ន្ធសន្តិសុខ App ធនាគារទាំងស្រុង ត្រូវពង្រឹងសុវត្ថិភាពបន្ថែម

ព័ត៌មានអន្ដរជាតិ៥ ថ្ងៃ មុន

រូបភាពបុរសម្នាក់លើឆ្នេរ អង់គ្លេស ក្លាយជាព័ស្តុតាងថា បានឆ្លងភពចូលមកឆ្នាំ ១៩៤៣

ព័ត៌មានជាតិ៦ ថ្ងៃ មុន

មន្រ្តី​ក្រសួង​បកស្រាយវីដេអូរថភ្លើង​បើក​​​លើ​​ផ្លូវជាតិ ពលរដ្ឋ​សង្ស័យបើក​ខុស​បច្ចេកទេស

Sokha Hotels

ព័ត៌មានពេញនិយម