នយោបាយ
លោក កឹម សុខា ថា នៅតែមានការយកឈ្មោះ និងរូបភាពរបស់លោក ដើម្បីបម្រើផលប្រយោជន៍នយោបាយ
អតីតប្រធានគណបក្សសង្គ្រោះជាតិ លោក កឹម សុខា ដែលកំពុងជាប់ចោទពីបទសន្ទិដ្ឋិភាពជាមួយបរទេសនោះបានអះអាងថា រហូតមកដល់ពេលនេះ នៅតែមានបុគ្គល និងក្រុមអ្នកនយោបាយមួយចំនួន តែយកឈ្មោះ និងរូបភាពរបស់លោក ទៅធ្វើសកម្មភាព ដើម្បីផលប្រយោជន៍ និងមហិច្ឆតារបស់ពួកគេ បើទោះបីជាលោកធ្លាប់បានបញ្ជាក់ជាច្រើនលើករួចមកហើយក៏ដោយ។
ការចេញមុខមកបញ្ជាក់បែបនេះ ត្រូវបានលោក កឹម សុខា ធ្វើឡើងបន្ទាប់ពីក្រុមមេធាវីការពារក្តីរបស់លោកបានចេញសេចក្តីថ្លែងការណ៏ជារឿយៗកន្លងមក ប្រាប់កុំឲ្យយកឈ្មោះលោក កឹម សុខា ទៅភ្ជាប់ជាមួយក្រុម បក្សពួក ឬចលនានយោបាយរបស់ខ្លួន ហើយត្រូវមានភាពក្លាហានទទួលខុសត្រូវដោយខ្លួនឯង។
តាមរយៈទំព័រហ្វេសប៊ុករបស់ខ្លួន កាលពីថ្ងៃអាទិត្យ ទី៥ ខែកញ្ញា ឆ្នាំ២០២១ ម្សិលមិញ លោក កឹម សុខា បានបញ្ជាក់យ៉ាងដូច្នេះថា “ដោយសង្កេតឃើញថា មានបុគ្គល ក្រុម គណបក្ស ឬ ចលនានយោបាយខ្លះនៅតែយកឈ្មោះ និងរូបភាពខ្ញុំទៅភ្ជាប់ពាក់ព័ន្ធជាមួយនឹងសកម្មភាពដើម្បីបម្រើផលប្រយោជន៍ និងមហិច្ឆតារបស់ពួកគេ”។
លោកបញ្ជាក់ថា សេចក្តីថ្លែងការណ៍ ឬសេចក្តីប្រកាសរបស់សហមេធាវី ដែលជាតំណាងស្របច្បាប់របស់លោកកន្លងមក គឺធ្វើក្នុងនាម និងជាឆន្ទៈរបស់លោក។
មកដល់ពេលនេះ នៅមិនទាន់មានក្រុមណាមួយចេញប្រតិកម្មចំពោះការលើកឡើងរបស់លោក កឹម សុខា នៅឡើយទេ ខណៈដែលគេដឹងថា មានអតីតថ្នាក់ដឹកនាំ ក៏ដូចជាមន្ត្រីជាន់ខ្ពស់ នៃអតីតគណបក្សសង្គ្រោះជាតិជាច្រើននាក់ហើយ បានសុំសិទ្ធិធ្វើនយោបាយ និងចេញទៅបង្កើតគណបក្សថ្មីៗ ហើយបើគិតមកដល់ពេលនេះ មានគណបក្សនយោបាយចំនួន៦ ដែលបានបង្កើតឡើងដោយអតីតមន្ត្រីគណបក្សប្រឆាំង រួមមាន គណបក្សឆន្ទៈខ្មែរ របស់លោក គង់ មូនីកា កូនប្រុសរបស់លោក គង់ គាំ, គណបក្សខ្មែរអភិរក្ស របស់លោក រៀល ខេមរិន្ទ, គណបក្សខ្មែរស្រឡាញ់ជាតិ របស់លោក ជីវ កត្តា, គណបក្សកំណែទម្រង់កម្ពុជា របស់លោក ប៉ុល ហំម និងលោក អ៊ូ ច័ន្ទរ័ត្ន, គណបក្សបេះដូងជាតិ ដែលត្រូវបានគេអះអាងថា ជារបស់លោក ថាច់ សេដ្ឋា និងគណបក្សកម្ពុជានិយម។
លោកស្រី ម៉េង សុភារី ដែលជាមេធាវីម្នាក់ក្នុងចំណោមសហមេធាវីការពារក្តីឲ្យលោក កឹម សុខា មានអះអាងដែរថា សារដែលលោក កឹម សុខា បង្ហោះនៅលើបណ្តាញហ្វេសប៊ុកនេះ និងចេញសេចក្តីថ្លែងការណ៍របស់សហមេធាវី ដែលចេញផ្សាយជាសាធារណៈកន្លងមក បង្ហាញទៅសាធារណជនកុំឱ្យមានការភាន់ច្រឡំថា លោក កឹម សុខា ជាប់ពាក់ព័ន្ធជាមួយបុគ្គលឬក្រុមណាមួយដែលចេញទៅបង្កើតចលនា ឬគណបក្សនយោបាយផ្សេងៗ៕
ដោយ ៖ កោះកែវ
សាលាមធ្យមវិចិត្រសិល្បៈ ត្រូវបានជ្រើសរើសជាទីតាំងទស្សនកិច្ចរបស់ប្រតិភូស្ត្រីចក្រវាឡអន្តរជាតិ ២០២៤
នាយករដ្ឋមន្ត្រី៖ ការរៀបចំព្រឹត្តិការណ៍ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍ នឹងជួយបណ្ដុះស្មារតីស្រលាញ់វិទ្យាសាស្រ្ដ
សេចក្ដីជូនដំណឹង ស្ដីពី ការអញ្ជើញចូលរួមដេញថ្លៃ គម្រោងជួសជុល និងស្ដារឡើងវិញជាបឋមនូវបណ្ដាញខ្សែកាបអុបទិកឆ្អឹងខ្នង (Backbone) នៅតាមបណ្ដោយផ្លូវជាតិលេខ២, ២២, ៣, ៣២, ៣៣, ៤ និងលេខ៧២
ក្រសួងការងារ ជូនដំណឹងដល់កម្មករនៅរោងចក្រ អ.ជី ហ្វ៊ូតវែរ ទៅបើកប្រាក់ឈ្នួល និងប្រាក់បំណាច់ផ្សេងៗ នៅថ្ងៃទី ៣០ ខែមីនា
គិតត្រឹមឆ្នាំ ២០២១ កម្ពុជាចុះកិច្ចព្រមព្រៀងពាណិជ្ជកម្មសេរីក្រោមក្របខណ្ឌអាស៊ាន និងអាស៊ានបូកដៃគូសរុបចំនួន ០៧
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ព័ត៌មានជាតិ១៤ ម៉ោង agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)