Breaking News៖ តុលាការ សម្រេចផ្ដន្ទាទោសលោក កឹម សុខា រយៈពេល ២៧ឆ្នាំ

នៅទីបំផុតទៅ លោក កឹម សុខា អតីតប្រធាន នៃអតីតគណបក្សសង្រ្គោះជាតិ ត្រូវបានតុលាការសម្រេចផ្ដន្ទាទោសឲ្យជាប់ពន្ធនាគាររយៈពេល ២៧ឆ្នាំ ក្នុងសំណុំរឿងសន្ទិដ្ឋិភាពជាមួយបរទេស។

សេចក្ដីរាយការណ៍ពីភ្នាក់ងារសារព័ត៌មានកម្ពុជាថ្មី បានឲ្យដឹងថា នៅព្រឹកថ្ងៃទី ៣​ ខែមីនា ឆ្នាំ ២០២៣នេះ សាលាដំបូងរាជធានីភ្នំពេញ បានប្រកាសសាលក្រមក្នុងសំណុំរឿងលោក កឹម សុខា អតីតប្រធាន នៃអតីតគណបក្សសង្រ្គោះជាតិ ដោយសម្រេចផ្ដន្ទាទោសឲ្យជាប់ពន្ធនាគាររយៈពេល ២៧ឆ្នាំ ដោយឲ្យលោកនៅក្នុងផ្ទះ មិនអនុញ្ញាតឲ្យជួបភ្ញៀវ ឬជួបអ្នកណាទាំងអស់។ ក្នុងនោះ តុលាការ ក៏សម្រេចមិនអនុញ្ញាតឲ្យលោក កឹម សុខា ធ្វើនយោបាយដែរ។

សូមជម្រាបថា លោក កឹម សុខា ត្រូវបានសមត្ថកិច្ចចាប់ខ្លួន កាលពីថ្ងៃទី ៣ ខែកញ្ញា ឆ្នាំ ២០១៧កន្លងទៅនេះ ហើយត្រូវបានចោទប្រកាន់អំពីបទសន្ទិដ្ឋិភាពជាមួយបរទេស ដែលជាបទល្មើសក្បត់ជាតិ មានចែង និងផ្តន្តាទោសដោយមាត្រា ៤៣៩ និង មាត្រា ៤៤៣ នៃក្រមព្រហ្មទណ្ឌ នៃព្រះរាជាណាចក្រកម្ពុជា៕

អត្ថបទ៖ មករា