នយោបាយ
លោក កឹម សុខា ៖ ក្នុងរដូវកាន់បិណ្ឌឆ្នាំនេះ ជំងឺកូវីដ-១៩នៅតែរីករាលដាលគួរឲ្យព្រួយបារម្ភ
អតីតមេដឹកនាំ នៃអតីតគណបក្សប្រឆាំង លោក កឹម សុខា ដែលកំពុងកំពុងរងការចោទប្រកាន់ពីបទសន្ទិដ្ឋិភាពជាមួយបរទេសនោះ បានអះអាងថា ក្នុងរដូវកាន់បិណ្ឌ ភ្ជុំបិណ្ឌឆ្នាំនេះ ជំងឺកូវីដ-១៩នៅតែបន្តរីករាលដាលគួរឲ្យព្រួយបារម្ភ ដែលយើងទាំងអស់គ្នាត្រូវតែអនុវត្តន៍នូវវិធានការសុខាភិបាលទប់ស្កាត់ការឆ្លងជំងឺនេះ ដោយប្រុងប្រយ័ត្ន។
ការលើកឡើងរបស់លោក កឹម សុខា បានធ្វើឡើងខណៈលោក និងភរិយា ព្រមទាំងសហការី បានយកចង្ហាន់ ទេយ្យទាន និងបច្ច័យប្រគេនព្រះសង្ឃ ដែលគង់នៅវត្តមួយចំនួន ក្នុងខេត្តកំពង់ចាម ខេត្តកំពង់ធំ និងខេត្តព្រះវិហារ ក្នុងថ្ងៃកាន់បិណ្ឌទី៧ នាថ្ងៃអង្គារ ទី២៨ ខែកញ្ញា ឆ្នាំ២០២១នេះ។
លោក កឹម សុខា បានបញ្ជាក់យ៉ាងដូច្នេះថា “ក្នុងរដូវកាន់បិណ្ឌ ភ្ជុំបិណ្ឌឆ្នាំនេះ ជំងឺកូវីដ-១៩នៅតែរីករាលដាលគួរឲ្យព្រួយបារម្ភដែលយើងទាំងអស់គ្នាត្រូវតែ អនុវត្តន៍នូវវិធានការសុខាភិបាលទប់ស្កាត់ការឆ្លងជំងឺនេះ ដោយប្រុងប្រយត្ន័។ ដូច្នេះហើយទើបយើងខ្ញុំមិនអាចចូលទៅក្រាបថ្វាយព្រះបង្គំព្រះពុទ្ធបដិមាករ និងព្រះសង្ឃក្នុងវត្តអារាមផ្ទាល់ ដើម្បីប្រារព្ធពិធីបុណ្យកាន់បិណ្ឌនោះទេ ក៏ប៉ុន្តែយើងខ្ញុំបានយកចង្ហាន់ ទេយ្យទាន និងបច្ច័យប្រគេនព្រះសង្ឃនៅត្រឹមតែខ្លោងទ្វារវត្ត ដើម្បីឧទ្ទិសកុសលផលបុណ្យជូនដល់បុព្វការីជន ដែលបានចាកឋានទៅតាមទំនៀមទម្លាប់ប្រពៃណីខ្មែរយើងដែលមានជាយូរលង់ណាស់មកហើយ”។
បើតាមលោក កឹម សុខា បុណ្យក៏មិនភ្លេច ទានក៏មិនភ្លេច កូវីដ-១៩ ក៏មិនភ្លេច ជាតិក៏រឹតតែមិនភ្លេច ទោះបីមិនមានសិទ្ធិសេរីភាពពេញលេញក្តី។ សូមបងប្អូនជនរួមជាតិ កុំភ្លេចចូលរួមអនុវត្តន៍វិធានការសុខាភិបាល ទប់ស្កាត់ជំងឺឆ្លងកូវីដ-១៩ទាំងអស់គ្នា។
សូមបញ្ជាក់ថា លោកកឹម សុខា ត្រូវបានចាប់ខ្លួន នៅយប់ថ្ងៃទី២ ឈានចូលថ្ងៃទី៣ ខែកញ្ញា ឆ្នាំ២០១៧ ពីបទសន្ទិដ្ឋិភាពជាមួយបរទេស ឬក្បត់ជាតិ ក្រោយពីបែកធ្លាយវីដេអូមួយ ហើយរហូតមកដល់ពេលនេះ គឺមានរយៈពេល៤ឆ្នាំ តែសំណុំរឿងនេះនៅតែមិនទាន់បញ្ចប់នៅឡើយ។
ក្រោយជាប់ពន្ធនាគារបានប្រមាណ១ឆ្នាំ គឺនៅថ្ងៃទី១០ ខែកញ្ញា ឆ្នាំ២០១៨ លោក កឹម សុខា ត្រូវបានអនុញ្ញាតឲ្យចេញពីពន្ធនាគារត្រពាំងផ្លុង ត្រឡប់ទៅរស់នៅជួបជុំគ្រួសារនៅរាជធានីភ្នំពេញវិញ ដោយឲ្យស្ថិតនៅក្រោមការឃ្លាំមើលរបស់តុលាការ ហើយរហូតដល់ថ្ងៃទី១០ ខែវិច្ឆិកា ឆ្នាំ២០១៩ តុលាការបានផ្តល់សិទ្ធិឲ្យលោក កឹម សុខា អាចធ្វើដំណើរទៅកាន់គ្រប់ទីកន្លែងក្នុងប្រទេសកម្ពុជា តែហាមឃាត់ចេញទៅក្រៅប្រទេស និងធ្វើសកម្មភាពនយោបាយ។
មកដល់ខែមករា ឆ្នាំ២០២០ តុលាការភ្នំពេញ បានចាប់ផ្តើមបើកសវនាការជំនុំជម្រះលើសំណុំរឿងរបស់លោក កឹម សុខា ប៉ុន្តែសវនាការនេះត្រូវបានផ្អាកទៅវិញ ដោយសារតែការរីករាលដាលនៃជំងឺកូវីដ-១៩៕
ដោយ ៖ កោះកែវ
យុវជនសង្គមស៊ីវិល ជួបពិភាក្សាជាមួយតំណាងក្រសួងព័ត៌មាន លើកិច្ចការសង្គម និងព័ត៌មាន
សហព័ន្ធបាល់ទាត់កម្ពុជាបង្ហាញផែនការធំគួរឲ្យចាប់អារម្មណ៍ឆ្ពោះទៅឆ្នាំ២០៣៨
ដីក្នុងភូមិសាស្រ្តក្រុងបាត់ដំបង និងស្រុកសង្កែ ត្រៀមបម្រុងអភិវឌ្ឍន៍ជាអាកាសយានដ្ឋានបាត់ដំបងថ្នាក់ ៤C
Travis Kelce មិនស្ថិតក្នុងចំណាប់អារម្មណ៍ស្នេហាដ៏មានបំផុតទាំង ៥ របស់ Taylor Swift ទេ ?
ខេមរៈ សិរីមន្ត ខកចិត្តបុគ្គលម្នាក់រិះគន់បទ«អូនរាំអែន» ខណៈថៃគាំទ្រពេញប្រទេស
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ agoតាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ agoនាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ