គ.ជ.ប លើកពេលទទួលពាក្យ ស្នើសុំចុះឈ្មោះភ្នាក់ងារគណបក្សនយោបាយ ទៅក្រោយភ្ជុំបិណ្ឌ
Connect with us
Helistar Cambodia - Helicopter Charter Services

នយោបាយ

គ.ជ.ប លើកពេលទទួលពាក្យ ស្នើសុំចុះឈ្មោះភ្នាក់ងារគណបក្សនយោបាយ ទៅក្រោយភ្ជុំបិណ្ឌ

បានផុស

នៅ

គណៈកម្មាធិការជាតិរៀបចំការបោះឆ្នោត (គ.ជ.ប) នៅថ្ងៃទី៤ ខែតុលានេះ បានឲ្យដឹងថា ក្នុងឱកាសប្រារព្ធពិធីបុណ្យភ្ជុំបិណ្ឌខាងមុខនេះ គ.ជ.ប សម្រេចលើកពេលសម្រាប់ការដាក់ និងការទទួលពាក្យសុំចុះឈ្មោះភ្នាក់ងារគណបក្សនយោ បាយ សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាម គ.ជ.ប ការទទួលពាក្យសុំចុះឈ្មោះភ្នាក់ងារគណបក្សនយោបាយ នឹងចាប់ផ្តើមពីថ្ងៃទី៨ ខែតុលា ឆ្នាំ២០២១ រហូតដល់ថ្ងៃទី២ ខែកុម្ភៈ ឆ្នាំ២០២២។ គ.ជ.ប សង្ឃឹមថា លេខាធិការដ្ឋានរាជធានី-ខេត្ត រៀបចំការបោះឆ្នោត គណបក្សនយោបាយ និងភាគីពាក់ព័ន្ធទាំងអស់ចូលរួមសហការអនុវត្ត ដើម្បីជំរុញឲ្យការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២១ ប្រព្រឹត្តទៅប្រកបដោយជោគជ័យ។

ការសម្រេចពន្យាពេលនេះ ធ្វើឡើងដោយយោងតាមអនុក្រឹត្យ ចុះថ្ងៃទី២៦ ខែសីហា ឆ្នាំ២០២០ របស់រាជរដ្ឋាភិបាលកម្ពុជា និងប្រតិទិននៃការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២១ ព្រមទាំងសេចក្តីជូនដំណឹងលេខ០៤៤ គ.ជ.ប.ស.ជ.ណ ចុះថ្ងៃទី៦ ខែកញ្ញា ឆ្នាំ២០២១ របស់គណៈកម្មាធិការជាតិរៀបចំការបោះឆ្នោត។

សូមបញ្ជាក់ថា តាមប្រតិទិន ការចុះឈ្មោះភ្នាក់ងារគណបក្សនយោបាយ សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២១ នឹងចាប់ផ្តើមពីថ្ងៃទី៥ ខែតុលា ឆ្នាំ២០២១ រហូតដល់ថ្ងៃទី២ ខែកុម្ភៈ ឆ្នាំ២០២២៕

អត្ថបទ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services