នយោបាយ
ទោះជួបបញ្ហាផ្ទៃក្នុង តែបក្សហ្វ៊ុនស៊ិនប៉ិច រៀបចំសមាសភាពបេក្ខជនមេឃុំ-ចៅសង្កាត់ បាន ៧០ភាគរយហើយ
មកដល់ពេលនេះ គណបក្សរាជានិយមហ្វ៊ុនស៊ិនប៉ិច បានរៀបចំសមាសភាពបេក្ខជនមេឃុំ-ចៅសង្កាត់ សម្រាប់ការបោះឆ្នោតជ្រើសរើសក្រុមប្រឹក្សាឃុំ-អាណត្តិទី៥ ឆ្នាំ២០២២ បានចំនួន ៧០ភាគរយហើយ ក្នុងចំណោមឃុំ-សង្កាត់ ជាង ១ពាន់ ៦រយ នៅទូទាំងប្រទេស។ នេះបើតាមការឲ្យដឹងពីមន្ត្រីជាន់ខ្ពស់គណបក្សហ្វ៊ុនស៊ិនប៉ិច។
លោក ញឿន រ៉ាដែន អ្នកនាំពាក្យគណបក្សហ្វ៊ុនស៊ិនប៉ិច មានប្រសាសន៍នៅថ្ងៃទី១៤ ខែតុលានេះថា ក្រុមការងាររបស់គណបក្សហ្វ៊ុនស៊ិនប៉ិច បានចុះទៅតាមមូលដ្ឋាននៅទូទាំង ២៥រាជធានី-ខេត្តជាប្រចាំ ដើម្បីរៀបចំសមាសភាពមេឃុំ-ចៅសង្កាត់ សម្រាប់ការបោះឆ្នោតនៅឆ្នាំ ២០២២ខាងមុខ។
លោក ញឿន រ៉ាដែន បានឲ្យដឹងបន្តថា គណបក្សហ្វ៊ុនស៊ិនប៉ិច ជាគណបក្សចាស់វស្សាមួយ ដែលធ្លាប់ចូលរួមការបោះឆ្នោតច្រើនអាណត្តិមកហើយ។ ដូច្នេះការរៀបចំសមាសភាពមេឃុំ-ចៅសង្កាត់ សម្រាប់ការបោះឆ្នោតលើកនេះ ក៏មិនមានបញ្ហាចោទអ្វីដែរ។
សម្រាប់បញ្ហារកាំរកូស នៅផ្ទៃក្នុងគណបក្សហ្វ៊ុនស៊ិនប៉ិច ក្នុងរយៈពេលចុងក្រោយនេះ ត្រូវបានលោក ញឿន រ៉ាដែន អ្នកនាំពាក្យគណបក្សហ្វ៊ុនស៊ិនប៉ិច បញ្ជាក់ថា ត្រូវបានសម្ដេចក្រុមព្រះ នរោត្តម រណឬទ្ធិ ព្រះប្រធានគណបក្សដោះស្រាយរួចរាល់ហើយ ពុំមានបញ្ហាអ្វីកើតឡើងទៀតទេ។
លោកបញ្ជាក់ថា «ទាក់ទងនឹងបញ្ហារកាំរកូស ដូចដែលខាងសារព័ត៌មានបានជ្រាបហើយ ទាក់ទងនឹងមានបុគ្គលមួយចំនួនតូច ដែលបានមិនសប្បាយចិត្ត ហើយបានធ្វើកិច្ចការផ្សេងៗ ដែលខុសអំពីបទបញ្ជាផ្ទៃក្នុង និងលក្ខន្ដិកៈ ទាក់ទងនឹងបញ្ហានេះ គណបក្សហ្វ៊ុនស៊ិនប៉ិច ជាពិសេសសម្ដេចក្រុមព្រះ នរោត្តម រណឬទ្ធិ លោកបានបញ្ចប់សមាជិក និងបណ្ដាញចេញពីបក្សហើយ…ហើយទាំងអស់ហ្នឹង យើងបានដោះស្រាយ ហើយគណបក្សកំពុងដំណើរការរលូន ដូចជាអត់មានជួបបញ្ហាអីទៀតទេ»។
មន្ត្រីជាន់ខ្ពស់គណបក្សហ្វ៊ុនស៊ិនប៉ិចរូបនេះ បានគូសបញ្ជាក់ជាថ្មីថា សម្ដេចក្រុមព្រះ នរោត្តម រណឬទ្ធិ នឹងយាងត្រឡប់មកកាន់ប្រទេសកម្ពុជាវិញ នៅមុនពេលការបោះឆ្នោតឃុំ-សង្កាត់ នាខែមិថុនា ឆ្នាំ២០២២ខាងមុខ ហើយមកដល់ពេលនេះ បញ្ហាសុខភាពរបស់សម្ដេចក្រុមព្រះ គឺមានភាពល្អប្រសើរហើយ៕
អត្ថបទ៖ ឃួន សុភ័ក្រ
-
សន្តិសុខសង្គម៣ ថ្ងៃ ago
ចាប់បានឃាតករំលោភសម្លាប់ស្ត្រីពោះធំ ៥ ខែ ប្លន់យកម៉ូតូ និងទូរស័ព្ទ រួចដុតសាកសពចោលក្នុងព្រៃ នៅខេត្តកណ្ដាល
-
បច្ចេកវិទ្យា៥ ថ្ងៃ ago
វិធីប្លែកៗ ជនអានាមិកប្រើដើម្បីបោកបញ្ឆោត តាមប្រព័ន្ធបច្ចេកវិទ្យា
-
ជីវិតកម្សាន្ដ៥ ថ្ងៃ ago
តួកាច Benz ទម្លាយថា នាងធ្លាប់វាយរឹកដាក់អ្នកគាំទ្រ ពេលកេរ្តិ៍ឈ្មោះល្បីល្បាញខ្លាំងកាលវ័យជំទង់
-
ព័ត៌មានជាតិ៤ ថ្ងៃ ago
ទោះរមណីយដ្ឋានអន្លង់ផ្សោតព្រះរំកិលលែងមានសត្វផ្សោត តែភ្ញៀវទេសចរអាចទៅទស្សនាឆ្អឹងផ្សោតបាន
-
ព័ត៌មានជាតិ៧ ថ្ងៃ ago
សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា
-
បច្ចេកវិទ្យា៦ ថ្ងៃ ago
កុំពឹងផ្អែកលើប្រព័ន្ធសន្តិសុខ App ធនាគារទាំងស្រុង ត្រូវពង្រឹងសុវត្ថិភាពបន្ថែម
-
ជីវិតកម្សាន្ដ៧ ថ្ងៃ ago
ឆ្មា Taylor Swift ក្លាយជាសត្វចិញ្ចឹមមានទ្រព្យសម្បត្តិ៩៧លានដុល្លារ ក្នុងលំដាប់ទី៣លើលោក
-
សន្តិសុខសង្គម៦ ថ្ងៃ ago
តុលាការផ្តន្ទាទោស លោក William Guang ឱ្យជាប់ពន្ធនាគារ៦ឆ្នាំ ពីបទលួច និងកាន់អាវុធខុសច្បាប់