នយោបាយ
សម្តេចតេជោ ហ៊ុន សែន បញ្ជាឲ្យចាប់ខ្លួន និងរឹបអូសទ្រព្យសម្បត្តិអ្នករំលោភដីបឹងទន្លេសាប
តាមរយៈសារជាសំឡេងនារសៀលថ្ងៃអាទិត្យទី២៨ ខែវិច្ឆិកា ឆ្នាំ២០២១នេះ សម្ដេចអគ្គមហាសេនាបតីតេជោហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជាបានបញ្ជាឲ្យចាប់ខ្លួន និងរឹបអូសទ្រព្យសម្បត្តិ អ្នកពាក់ព័ន្ធករណីរំលោភយកដីបឹងទន្លេសាបទាំងអស់បញ្ជូនទៅតុលាការ ដោយគ្មានការលើកលែង។
ការចេញបញ្ជារបស់សម្ដេចតេជោ ហ៊ុន សែន បានធ្វើឡើង បន្ទាប់ពីទទួលបានរបាយការណ៍ស្រាវជ្រាវពីលោកបណ្ឌិតសភាចារ្យ សុខ ទូច ប្រធានរាជបណ្ឌិតសភាកម្ពុជា ទាក់ទងទៅនឹងការរំលោភយកដីបឹងទន្លេសាប។ បើតាមរបាយការណ៍នោះសម្ដេចក៏បានលើកឡើងអំពីអ្នកពាក់ព័ន្ធ ដែលជាមន្ត្រីជាន់ខ្ពស់ផងដែរ គឺអតីតអភិបាលខេត្តកំពង់ឆ្នាំង ដែលបច្ចុប្បន្ននៅកាន់តំណែងជាអនុរដ្ឋលេខាធិការក្រសួងមហាផ្ទៃ និងអ្នកពាក់ព័ន្ធមួយចំនួនទៀត។
បើតាមសម្ដេចតេជោ ហ៊ុន សែន មានអ្នកពាក់ព័ន្ធច្រើនលើករណីនេះ រហូតមកដល់ខេត្តកណ្ដាល ប៉ុន្តែអ្វីដែលធ្ងន់ធ្ងរគឺនៅខេត្តកំពង់ឆ្នាំង ។ សម្ដេចបានឲ្យអ្នកពាក់ព័ន្ធទាំងអស់ ក្នុងនោះមានឯកឧត្តមឧបនាយករដ្ឋមន្ត្រី ជា សុផារ៉ា និងនាយឧត្តមសេនីយ៍ សៅ សុខា ក៏ដូចជាអង្គភាពពាក់ព័ន្ធដទៃទៀតដឹកនាំចាត់វិធានការលើបញ្ហានេះឲ្យទទួលបានជោគជ័យ ហើយត្រូវចាប់អ្នកពាក់ព័ន្ធទាំងអស់បញ្ជូនទៅតុលាការព្រមទាំងរឹបអូសទ្រព្យសម្បត្តិអ្នកទាំងនោះដោយគ្មានការលើកលែង។ សម្តេចបានបញ្ជាក់ថា យើងគ្មានពេលអប់រំទៀតទេ។
សម្ដេចបានបញ្ជាក់ថា “ឯកឧត្តមនាយឧត្តមសេនីយ៍ សៅ សុខា ត្រូវធ្វើសកម្មភាពជាបន្ទាន់ដឹកនាំកម្លាំង ដើម្បីដោះស្រាយបញ្ហានេះ ដោយប្រើប្រាស់ទាំងកម្លាំងថ្មើរជើងទាំងជើងទឹក និងទាំងប្រើប្រាស់ឧទ្ធម្ភាគចក្រ ដើម្បីត្រួតពិនិត្យជាបន្ទាន់ទៅលើប្រតិបត្តិការរក្សាតំបន់ព្រៃលិចទឹកនេះ ព្រោះបន្តិចទៀតទឹកនឹងស្រកពួកគេនឹងចាប់ផ្ដើមបង្កបង្កើនផលឬកាន់កាប់បន្ថែមនៅទីនោះ”៕ កោះកែវ
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ១០ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានអន្ដរជាតិ៧ ម៉ោង ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៧ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ