Connect with us

នយោបាយ

មេធាវីបញ្ជាក់ថា សាររបស់លោកកឹម សុខា គឺដើម្បីការពារខ្លួនពីទង្វើរបស់លោកសម រង្ស៊ី ប៉ុណ្ណោះ

បានផុស

នៅ

លោកស្រីម៉េង សុភារី សហមេធាវីម្នាក់របស់លោកកឹម សុខា បានចេញមកអំពាវនាវកុំឱ្យយល់ច្រឡំ ឬមានការបកស្រាយបន្លំចំពោះខ្លឹមសារអត្ថបទរបស់លោក កឹម សុខា។ លោកស្រីមេធាវីអះអាងថា ខ្លឹមសារនេះគឺមិនមែនលោកកឹម សុខា ប្រកាសបំបែកសម្ព័ន្ធភាពលោកសម រង្ស៊ី និងលោកកឹម សុខា ទេ គឺគាត់គ្រាន់តែនិយាយការពិត។ ជាមួយគ្នានេះ លោកស្រីបានគូសបញ្ជាក់ថា សាររ​បស់លោកកឹម សុខានេះ គឺគ្រាន់តែជាការប្រើសិទ្ធិ ដើម្បីការពារខ្លួនពីទង្វើរបស់លោកសម  រង្ស៊ី ប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈគណនីហ្វេសប៊ុកនៅព្រឹកថ្ងៃទី២៩ ខែវិច្ឆិកា ឆ្នាំ២០២១នេះ លោកស្រីម៉េង សុភារី បានលើកឡើង៣ចំណុច ដើម្បីការពារភាពត្រឹមត្រូវរបស់លោកកឹម សុខា នៅក្នុងរឿងបែកបាក់គ្នានេះ។ ទី១. លោកស្រីថា លោកសម រង្សី និងក្រុមគាត់បានដើរចេញ បែកចេញ ចុះចោលស្មារតីរួបរួមនឹងលោកកឹម សុខា ហើយកាន់​តែច្បាស់ នៅពេលដែលគណបក្សភ្លើងទៀនដើរចេញជាឯកតោភាគីជាចំហរនៅពេលនេះ ដោយមិនមានការគាំទ្រពីលោក កឹមសុខា គឺបានបង្ហាញឱ្យឃើញកាន់តែច្បាស់ហើយថា លោក សម រង្ស៊ី និងក្រុមគាត់ បានដើរចេញ បែកចេញ ចុះចោល ស្មារតីរួបរួមនឹងលោក កឹម សុខាហើយ ។ នេះមិនទាន់និយាយពីសកម្មភាពចលនាផ្សេងៗទៀតដែលលោកសម រង្ស៊ី បានបង្កើតឡើងដោយគ្មានការគាំទ្រពីលោកកឹម សុខាដូចគ្នា ។

ទី២. បើចុះចោលលោក កឹម សុខា ហើយគាត់គ្រាន់តែហាម និង សុំតែកុំយកឈ្មោះ និងរូបថតដែលជាកេរ្តិ៍របស់គាត់ទៅជាមួយបានហើយ។ កុំដើរប្រាប់គេថា នៅជាប្តីប្រពន្ធនឹងគ្នាទៀត ពីព្រោះសកម្មភាពដើរចេញនេះបានក្បត់ដៃគូហើយ ។ ការបន្តនៅប្រើប្រាស់កេរ្តិ៍របស់លោក កឹម សុខា គឺជាការកុហកគេ ដើម្បីសកម្ម​ភាពផលប្រយោជន៍របស់គាត់ និងក្រុមគាត់តែប៉ុណ្ណោះ ។

ចំណែក ទី៣. លោក កឹម សុខា គ្រាន់តែប្រើសិទ្ធិការពារខ្លួនរបស់គាត់ គឺមិនខុសទេ ដើម្បីមិនឱ្យពាក់ព័ន្ធ និងមិនទទួលខុសត្រូវ ចំពោះសកម្មភាពរបស់លោក សម រង្ស៊ី និងក្រុមគាត់ ត្រង់ថាបែក មិនបែកមើលខ្លឹមសារទៅ អ្នកណាដើរចេញមុន មើលសកម្មភាពទៅ។ បើតាមលោកស្រីម៉េង សុភារី គឺបុគ្គល ឬក្រុមដែលបានបែកចេញទៅ គឺកន្លងមកតាមរយៈសហមេធាវីរបស់គាត់ក៏ធ្លាប់ចេញសេចក្តីថ្លែងការណ៏ ក៏ដូចជាការប្រកាសច្រើ​ន​ដងមកហើយដែរថា កុំឱ្យពាក់ព័ន្ធជាមួយលោក កឹម សុខា ជាពិសេស ការយកឈ្មោះ និងរូបថតរបស់គាត់ទៅប្រើជាប្រយោជន៍ក្នុងសកម្មភាពនយោបាយរបស់ខ្លួន។

សូមបញ្ជាក់ថា ពាក្យ«សម រង្ស៊ី និងកឹម សុខា ជាមនុស្សតែមួយ»លែងមានទៀតហើយ ដោយសារតែលោកសម រង្ស៊ី និងក្រុមរបស់លោកបានទៅគាំទ្រឱ្យគណក្សចាស់ភ្លើងទៀនដំណើរកាឡើងវិញ។ ត្រង់បញ្ហានេះ លោកកឹម សុខា បានអះអាងតាមហ្វេសប៊ុកថា ការត្រឡប់ទៅគាំទ្រដោយចំហរ ឬ នៅពីក្រោយការដឹកនាំគណបក្សភ្លើងទៀន គឺគណបក្សភ្លើងទៀន គឺទង្វើនេះសបញ្ជាក់ឱ្យឃើញថា សម រង្ស៊ី និង កឹម សុខា មិនមែនជាមនុស្សតែមួយទេ ព្រោះសកម្មភាពទាំងអស់នេះ មិនមានការគាំទ្រ ឬ ជាជំហររបស់លោកឡើយ៕


អត្ថបទ៖ វណ្ណ សុគន្ធា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

អភិបាលខេត្តកំពង់ចាម ស្នើក្រុមហ៊ុនសាងសង់ប្រព័ន្ធលូ បញ្ចៀសផលប៉ះពាល់ និងស្ថាបនាផ្លូវឡើងវិញឱ្យបានស្អាត 

ព័ត៌មានអន្ដរជាតិ២ ម៉ោង មុន

ក្រុមហ៊ុន Xiaomi លក់រថយន្តអគ្គិសនីចំនួន ៥ម៉ឺនគ្រឿងក្នុងរយៈពេលតិចជាងកន្លះម៉ោង

ព័ត៌មានជាតិ២ ម៉ោង មុន

សាលាបឋមសិក្សាមុខនាគ ខេត្តសៀមរាប ប្រារព្ធទិវាអប់រំកាយ និងកីឡា ដើម្បីលើកកម្ពស់សុខភាព និងសមត្ថភាពរបស់សិស្ស

ចរាចរណ៍៥ ម៉ោង មុន

Update៖ ករណីគ្រោះថ្នាក់រថភ្លើងបុករថយន្ដដឹកអ្នកដំណើររបួសសរុប៤៦នាក់ ក្នុងនោះមានតៃកុងរថភ្លើងម្នាក់

ព័ត៌មានអន្ដរជាតិ៥ ម៉ោង មុន

កាណាដា ប្ដឹងក្រុមហ៊ុន Meta, Snapchat និង TikTok ពីបទរំខានការ​សិក្សារបស់សិស្ស

Sokha Hotels

ព័ត៌មានពេញនិយម