នយោបាយ
ដល់ថ្ងៃចុងក្រោយ ! បេក្ខជនគណបក្សភ្លើងទៀនចំនួន៨៦នាក់ ត្រូវបានលុបចេញពីបញ្ជី
លោក ហង្ស ពុទ្ធា សមាជិក និងជាអ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បានថ្លែងប្រាប់កម្ពុជាថ្មី នារសៀលថ្ងៃទី០៦ ខែមេសា នេះថា រហូតមកដល់ថ្ងៃចុងក្រោយ នៃការដោះស្រាយបណ្ដឹង មានបេក្ខជនគណបក្សនយោបាយចំនួន៨៦នាក់ ត្រូវបានលុបឈ្មោះចេញពីបញ្ជីបេក្ខជនឈរឈ្មោះបោះឆ្នោតជ្រើសរើសក្រុមប្រឹក្សាឃុំ សង្កាត់។
បើតាមលោក ហង្ស ពុទ្ធា បេក្ខជនគណបក្សនយោបាយចំនួន៨៦ នាក់នោះ គឺជាបេក្ខជនគណបក្សភ្លើងទៀនទាំងអស់។ លោក ហង្ស ពុទ្ធា បានឲ្យដឹងដែរថា ដោយឡែកការលុបបញ្ជីតែម្តង សម្រាប់គណបក្សភ្លើងទៀនមានចំនួន១១ ឃុំ សង្កាត់ ដែលក្នុងនោះមាននៅភ្នំពេញចំនួន៨ នៅកំពង់ចាមចំនួន២ និងនៅខេត្តពោធិ៍សាត់ចំនួន១។
លោក ហង្ស ពុទ្ធា បានឲ្យដឹងដែរថា សម្រាប់គណបក្សផ្សេងទៀតក៏មានលុបចេញពីបញ្ជីដែរ តែមិនមានលុបឈ្មោះទេ គឺលុបបញ្ជីតែម្ដង ដែលក្នុងនោះមាន៖ បក្សសំបុកឃ្មុំសង្គមប្រជាធិបតេយ្យ និងគណបក្សឆន្ទៈខ្មែរ។
សូមបញ្ជាក់ថា នៅថ្ងៃទី០៦ ខែមេសា ឆ្នាំ២០២២នេះ គឺជាកាលបរិច្ឆេទចុងក្រោយ នៃការរៀបចំបញ្ជីបេក្ខជនគណបក្សនយោបាយឈរឈ្មោះបោះឆ្នោតក្រុមប្រឹក្សាឃុំ សង្កាត់។ មានន័យថា ជាកាលបរិច្ឆេទចុងក្រោយ នៃការដោះស្រាយពាក្យបណ្ដឹងទាក់ទងបញ្ជីបេក្ខជនឈរឈ្មោះបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ដូច្នេះនៅថ្ងៃទី០៦ ខែមេសា នេះ ជាថ្ងៃបញ្ចប់ការប្ដឹងនៅ គ.ជ.ប។
គួររំលឹកថា នៅក្នុងដំណាក់កាលនៃការបិទផ្សាយបញ្ជីបេក្ខជនគណបក្សនយោបាយឈរឈ្មោះសម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ រយៈពេល៣ថ្ងៃ គណៈកម្មការឃុំ សង្កាត់ រៀបចំការបោះឆ្នោត (គឃ.សប) ទទួលបានបណ្តឹងសរុបចំនួន១៥២ បណ្តឹង ហើយក្នុងចំណោមបណ្តឹងទាំងនោះ មាន១៤៤ បណ្ដឹង ជាករណីប្ដឹងសុំបដិសេធមិនឈរឈ្មោះជាបេក្ខជនឲ្យបក្សនយោបាយ ហើយបើតាមមន្ត្រីជាន់ខ្ពស់ គ.ជ.ប ថា គណបក្សភ្លើង ទៀន រងបណ្តឹងច្រើនជាងគេក្នុងការយកឈ្មោះគេ ដោយមិនប្រាប់សាមីខ្លួន៕
ដោយ ៖ កោះកែវ
ជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង
អភិបាលខេត្តក្រចេះ ៖ ការចូលរួមបរិច្ចាគធនធានពីពលរដ្ឋគ្រប់ទិសទី ជាថាមពលផ្តល់កម្លាំងចិត្តកងទ័ព
រដ្ឋមន្ត្រីកសិកម្ម ណែនាំឱ្យកសិករភ្នំគូលែន សិក្សាលទ្ធភាពចិញ្ចឹមមាន់ស្រែ និងជ្រូក ដែលកំពុងមានតម្រូវការ
អភិបាលខេត្តប៉ៃលិន អំពាវនាវដល់ព្រះសង្ឃ និងមន្ត្រីរាជការចូលរួមថែរក្សា និងលើកកម្ពស់វប្បធម៌ក៏ដូចជាវិស័យព្រះពុទ្ធសាសនា ដែលជាដួងព្រលឹងជាតិ
ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
គួរឲ្យសរសើរអាយុ ៤៦ឆ្នាំ Pacquiao ស្មើម្ចាស់ខ្សែក្រវាត់ Barrios ក្រោយប្រកួត១២ទឹកពេញ
សោកនាដកម្មលិចទូកទេសចរណ៍នៅវៀតណាម រកឃើញមនុស្សស្លាប់ ដល់ ៣៤នាក់
ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?
ថៃ អះអាងរកឃើញមីនថ្មីរាប់រយគ្រាប់ក្នុងដីខ្លួន, តើនរណាចូលទៅដាក់ ឬថៃដាក់ខ្លួនឯងរួចចោទកម្ពុជា?
-
ព័ត៌មានជាតិ១ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៤ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ៧ ថ្ងៃ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៧ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៧ ម៉ោង agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ៤ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៦ ថ្ងៃ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម១ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន