Connect with us

នយោបាយ

បញ្ជួនអដ្ឋិធាតុកងទ័ពស្ម័គ្រចិត្តវៀតណាម៤៣នាក់បន្ថែមទៀតទៅប្រទេសកំណើតវិញ

បានផុស

នៅ

អដ្ឋិធាតុកងទ័ពស្ម័គ្រចិត្តវៀតណាម៤៣នាក់បន្ថែមទៀត ដែលបានពលីក្នុងសម័យសង្គ្រាមនៅភូមិសាស្រ្តខេត្តក្រចេះ ត្រូវបានធ្វើមាតុភូមិនិវត្តន៍ទៅប្រទេសកំណើតវិញ។ ពិធីប្រគល់នឹងទទួលអដ្ឋិធាតុកងទ័ពស្ម័គ្រ​ចិត្ត​វៀត​ណាម​​​៤៣នាក់នេះ បានប្រព្រឹត្តិទៅកាលពីពេលថ្មីៗនេះដោយមានការចូលរួមពីលោក ប៉ែន លីណាត អភិបាលខេត្តស្តីទី ខេត្តក្រចេះស្ថិត នៅកងវរសេនាតូចការពារព្រំដែនលេខ៤ស្ថិតនៅ​ស្រុក​ស្នួល ខេត្តក្រចេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោកវរៈសេនីយ៍ទោ មាស សុភាព មេបញ្ជាការវរៈសេនាតូចលេខ៤ បានឲ្យដឹងថា អដ្ឋិធាតុកងទ័ពស្ម័គ្រចិត្តវៀត​ណាម៤៣នាក់នេះ គឺបានដឹកជញ្ជូនមកពីខេត្តកំពង់ធំ ឆ្ពោះទៅវរៈសេនាតូចការពារព្រំដែនលេខ៤ នៃ​ខេត្ត​ក្រចេះ ដើម្បីធ្វើពិធីផ្ទេរប្រគល់ឲ្យទៅប្រទេសវៀតណាមវិញ ដោយក្នុងអដ្ឋិធាតុទាំង៤៣នោះ ក្រុមការងារ​​រុករកបានរកឃើញ​នៅខេត្តកំពង់ធំចំនួន ៩អដ្ឋិធាតុ និងនៅខេត្តក្រចេះចំនួន៣៤អដ្ឋិធាតុ ។

លោក ប៉ែន លីណាតបានមានប្រសាសន៍ថា ការស្វែងរុករក និងធ្វើមាតុភូមិនិវត្តន៍អដិ្ឋធាតុកង​ទ័ពវៀត​ណាម ដែលបានពលីអាយុជីវិតក្នុងសម័យសង្គ្រាមនៅភូមិសាស្រ្តខេត្តក្រចេះ គឺអនុវត្តតាមកិច្ចសហប្រ​តិបត្តិការរវាង​រាជរដ្ឋាភិបាលកម្ពុជា និងរដ្ឋាភិបាលវៀតណាម ។

លោកអភិបាលខេត្តស្តីទីបានបន្តថាចំពោះការចូលរួមស្វែងរុករក និងធ្វើមាតុភូមិនិវត្តន៍អដ្ឋិធាតុកងទ័ពវៀតណាមនេះ គឺជាការងារមនុស្សធម៌ដ៏ល្អ និងជាការបង្ហាញពីទឹក​ចិត្តរបស់ប្រជាជនកម្ពុជាផង ពីព្រោះការពលីអាយុជីវិត​របស់កងទ័ព​វៀតណាមលើទឹកដីកម្ពុជា គឺជាការ​រួម​ចំ​ណែកក្នុងការរំដោះប្រទេសជាតិចេញពីបនប្រល័យពូជសាស្ត្រ ប៉ុល ពត ៣ឆ្នាំ ៨ខែ ២០ថ្ងៃឱ្យមាន​សន្តិភាពរហូតមកដល់ពេលបច្ចុប្បន្ន៕ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

លោក ហេង សួរ ចង់ឱ្យ​គម្រោង​គាំទ្រ​ស្ត្រី​ក្នុង​វិស័យ​ថែរក្សា​សម្ផស្ស និង​សហគ្រិនភាព ក្លាយជា​កូនសោ​ពង្រីក​ការបណ្តុះបណ្តាល​ជំនាញ​ដល់​ពលរដ្ឋ​ខ្មែរ​កាន់តែច្រើន

ព័ត៌មានជាតិ៣ ម៉ោង មុន

ការថតវីដេអូ Pre-Wedding នៅតាមប្រាង្គប្រាសាទ​កើន​ជិត ៤ ពាន់វីដេអូ

ព័ត៌មានជាតិ៣ ម៉ោង មុន

មន្រ្តីក្រសួង​សាធារណការ​ចុះ​ប្រមូលព័ត៌មាន​​​​ទីតាំង​​​​សាងសង់​ផ្លូវល្បឿនលឿនភ្នំពេញ-សៀមរាប

ព័ត៌មានជាតិ៤ ម៉ោង មុន

នាយទាហានកម្ពុជា៨រូប បានការពារសារណាបញ្ចប់ការសិក្សាដោយជោគជ័យ នៅប្រទេសចិន

ព័ត៌មានជាតិ៤ ម៉ោង មុន

ជប៉ុន ប្រគល់គ្រឿងឥស្សរិយយសជូនលោក ពិត ចំណាន ដែលបានលើកកម្ពស់ទំនាក់ទំនងកម្ពុជា-ជប៉ុន លើវិស័យអប់រំ

ជីវិតកម្សាន្ដ៥ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៧ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ចរាចរណ៍២ ថ្ងៃ មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៥ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៤ ថ្ងៃ មុន

មន្រ្តី​ក្រសួង​បកស្រាយវីដេអូរថភ្លើង​បើក​​​លើ​​ផ្លូវជាតិ ពលរដ្ឋ​សង្ស័យបើក​ខុស​បច្ចេកទេស

Sokha Hotels

ព័ត៌មានពេញនិយម