អាជីព
មានបួនយ៉ាងនេះ មេដឹកនាំពូកែយ៉ាងណាក៏ក្រុមហ៊ុននឹងដួលក្ស័យបាន
សួរខ្លួនយើង ថាតើអាជីវកម្មសព្វថ្ងៃមានចំណុចទំាងបួននេះដែរទេ? បើមានប្រញាប់ចាត់វិធានការណ៍ប្តូរភ្លាម។
១ គ្មានគុណសម្បត្តិប្រកួតប្រជែង
អាជីវកម្មឬសេវាកម្មដែលប្រើវិធីដដែលៗដល់ទៅ១០ឬម្ភៃឆ្នាំដោយមិនប្តូរចេញ បានន័យថាអ្នកប្រហែលត្រូវប្តូរយីហោ។ការមិនក្លាយជាសហគ្រិនជោគជ័យនបានដោយសារតែគំនិតផ្លាស់ប្តូរមិនទាន់ពេល និងមិនមានលក្ខណៈសម្បត្តិប្រជែងគ្រប់គ្រាន់ សម្រាប់ទប់ទល់នឹង គូប្រជែងថ្មីៗដែលឡើងមកក្មេងជាង រហ័សជាង និងមានយុទ្ធសាស្ត្រមាំជាង។
ដូចជាបច្ចុប្បន្នគ្រប់យ៉ាងគឺនៅលើអ៊ីនធឺណិត មិនថាអតិថិជនឬដៃគូ។ យើងមិនអាចរក្សាប្រភេទបុគ្គលិកដែលសរសេរដៃហើយជួលម្នាក់ទៀតមកវាយកំព្យូទ័រឲ្យនោះទេ។ ត្រូវចាំថាការរកស៊ីក្នុងសម័យកាលនេះ យើងមិនត្រឹមតែប្រកួតប្រជែងជាមួយមនុស្សក្នុងអាជីពប្រភេទដូចគ្នាអ្នកប៉ុណ្ណោះទេ តែយើងត្រូវប្រជែងនិងភាពយឺតយ៉ាវរបស់ខ្លួនឯង និងលាងជម្រះខ្លួនឯងជាមុន មុនការប្រកួតប្រជែងមកដល់។
២ ខ្វះយុទ្ធសាស្ត្រវែងឆ្ងាយ
ថ្នាក់ដឹកនាំត្រូវយល់អំពីផែនការសម្រាប់អាជីវកម្មរបស់ខ្លួន ថាកំពុងធ្វើអ្វី ដើរទៅណា និងចង់បានអ្វី?
ពិនិត្យមើលថាផែនការយើងត្រូវសភាពការណ៍ទេ? មនុស្សរបស់យើងគ្រប់សមត្ថភាពទេ ?ហើយពេលវេលារបស់យើងនិងធនធានយើងមានគ្រប់ទេ? មនុស្សគ្រប់គ្នាចំណុចនេះថាជាយុទ្ធសាស្ត្រ ហើយបើគ្មានវាទេ អាជីវកម្មធ្លាប់ធំប៉ុណ្ណាក៏នឹងត្រូវបរាជ័យឆាប់ៗនេះ។
អ្នកធ្វើយុទ្ធសាស្ត្រនិងផ្សាយវាដល់បុគ្គលិកតោងមានការយល់ដឹងធំទូលាយអំពីទីផ្សារនៃពាណិជ្ជកម្មរបស់ខ្លួន ព្រោះនេះជាមូលដ្ឋានគ្រឹះសម្រាប់រាល់ការសំរេចចិត្ត។
៣ មិនយល់ដឹងអំពីតម្រូវការទីផ្សារ
រឿងមួយដែលងាយធ្វើឱ្យក្រុមហ៊ុនបរាជ័យគឺពួកគេមិនអើពើនឹងអតិថិជន។ការស្តាប់មតិអតិថិជន អនុញ្ញាតឱ្យក្រុមហ៊ុនកាន់តែចេះសម្របខ្លួននិងមានសន្ទុះលក់ចេញល្អ។
អតិថិជនតែងតែផ្តល់យោបល់មិនថាពេលគេរអ៊ូ ឬបន្ទោស សុទ្ធតែជាប្រយោជន៍សម្រាប់អ្នកគ្រប់គ្រងទីផ្សារយកទៅគិតនិងកែលំអរ សេវាកម្ម ឬផលិតផលរបស់ខ្លួនឱ្យកាន់តែប្រសើរឡើង។
នៅក្នុងសៀវភៅរបសសេដ្ឋី Howard Schultz ស្ថាបនិក Starbuck ចំណងជើងសៀវភៅ Onward លោកបានសរសេរថា ការគិតអំពីអារម្មណ៍អតិថិជនជាមូលដ្ឋានធំនៃជោគជ័យនៃហាងកាហ្វេលំដាប់ លេខមួយនេះ។
៤ រក្សាបុគ្គលិកដែលបង្ករបញ្ហា
បុគ្គលិកដែលរអ៊ូរទំា និងមិនមានភាពស្មោះសក្នុងការខិតខំធ្វើការ នឹងបង្ករជាបញ្ហាមិនចេះចប់។ ទំនាស់ក្នុងផ្នែកធនធានមនុស្សនិងរាំងស្ទះដល់ការវាយលុកទីផ្សាររបស់ក្រុមហ៊ុន ហើយមិនយូរមិនឆាប់នឹងនាំមហន្តរាយ។
សាកគិតមើល បើក្រុមហ៊ុនមួយបុគ្គលិកឈ្លោះគ្នាបង្ករបក្សពួក ច្រណែន មិនធ្វើការ បបួលគ្នាដើរផឹកនិយាយដើមមេកោយ ឬរអ៊ូតែរឿងប្រាក់ តើកេរ៍ឈ្មោះក្រុមហ៊ុននោះនឹងមានសភាពបែបណាលើទីផ្សារ?
មានធនធានមនុស្សល្អឯណាគេមកចូលរួមជាមួយ? ហើយបើមិនមានធនធានល្អ តើជោគជ័យបានដែរទេ?
ប្រែសម្រួល៖ស្រស់
ចុចអាន៖ពូកែស្ដាប់ ជាចរិតមេដឹកនាំ! ៧ចំណុចបង្កើនសមត្ថភាពស្ដាប់
ចុចអាន៖រឿងខុសឆ្គងបីយ៉ាង ដែលមិនសូវមានអ្នកណាហ៊ានរំលឹកប្រាប់មេដឹកនាំខ្លួនចំៗឡើយ
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ៧ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១៧ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន