លម្អិត​ជម្លោះ​ផ្ទុះ​អាវុធ​​នៅ​ផ្សារ​រាត្រី​ របួស​ដល់សមត្ថកិច្ច​ ចាប់​ជន​បង្ក​​បាន ១១ នាក់
Connect with us
Helistar Cambodia - Helicopter Charter Services

សន្តិសុខសង្គម

លម្អិត​ជម្លោះ​ផ្ទុះ​អាវុធ​​នៅ​ផ្សារ​រាត្រី​ របួស​ដល់សមត្ថកិច្ច​ ចាប់​ជន​បង្ក​​បាន ១១ នាក់

បានផុស

នៅ

ខេត្តបន្ទាយមានជ័យ៖ ក្រុមអ្នកលេងមានគ្នាចំនួន២០នាក់ ជិ:រថយន្ត ២ គ្រឿងសេរីទំនើប និងម៉ូតូ ២ គ្រឿងទៀតនាំគ្នា​មក​ផឹកស៊ី​ក្នុងហាងផ្សាររាត្រីទឹកពុះ ស្រាប់តែបង្កជម្លោះវាយគ្នាដូចរឿងហុងកុង ត្រូវកំលាំងអាវុធហត្ថចុះអន្តរាគមន៍ចាប់បានក្រុមអ្នកលេង ១១នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រឿងរាវនេះកើតនៅវេលាម៉ោង១២យប់ នៅចំណុចផ្សាររាត្រីទឹកពុះ ស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ហើយឃាត់ខ្លួនពួកក្រុមអ្នកលេងបាននៅរសៀល២២ ខែវិច្ឆិកា ឆ្នាំ២០២១នេះ។

លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបានប្រាប់អ្នកយកព័ត៍មានឲ្យដឹងថា មុនពេលកើតហេតុក្រុមអ្នកលេងមានគ្នា៣០នាក់ ជិ:រថយន្តចំនួន៣គ្រឿង ទៅអង្គុយផឹកស៊ីនៅហាង ABC ក្នុងផ្សាររាត្រីទឹកពុះ ដែលមានទាំងជនជាតិខ្មែរ និងជនជាតិថៃចំនួន៥នាក់ផងដែរ។ ពេលកំពុងផឹកស៊ីនោះ ស្រាប់តែមាន១ក្រុមទៀតជាជនរងគ្រោះបានមកផឹកស៊ីកន្លែងនេះដែរ។ មួយសន្ទុះក្រោយមកក្រុមទាំង២ ស្រាប់តែបង្កជម្លោះគ្នាមិនអាចផ្សះផ្សាបាន នាំគ្នា​យក​ដបស្រា និងកែវគប់ទៅលើជនក្រុមជនរងគ្រោះ។

ពេល​ធ្វើសកម្មភាពកម្លាំងអាវុធហត្ថក្រុងប៉ោយប៉ែត បានចុះទៅដល់កន្លែងកើតហេតុធ្វើ​អន្តរាគមន៍ក្នុងនោះជនសង្ស័យបានយកដបស្រា និងកែវ ដេញវាយទៅលើក្រុមជនរងគ្រោះនិងកម្លាំងអាវុធហត្ថថែមទៀត។ បន្ទាប់មកក្រុមជនសង្ស័យបានយកកាំភ្លើងខ្លី ពុំស្គាល់ម៉ាកបាញ់មកលើកម្លាំងអាវុធហត្ថ បណ្ដាលឲ្យអាវុធហត្ថម្នាក់រងរបួសធ្ងន់ ១នាក់។ ស្របពេល​នោះកម្លាំងអាវុធហត្ថបានបាញ់កាំភ្លើងបតវិញដើម្បីការពារខ្លួន ទើបបណ្ដាលឲ្យខាងជនសង្ស័យរងរបួសម្នាក់ចំជើង ។
លោកឧត្តមសេនីយ៍ត្រី បោន ប៊ិន បានបញ្ជាក់ឲ្យដឹងបន្តទៀតថា ដោយឃើញសភាពការណ៍ដូច្នេះលោកបានរាយការណ៍ជូនលោកនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស បានសុំគោលការណ៍ ដឹកនាំកម្លាំងចុះបង្រ្កាបករណីក្រុមអ្នកលេងឃាត់ខ្លួនបានចំនួន១១នាក់ ព្រមទាំងដកហូតវត្ថុតាងរួមមាន រថយន្តម៉ាកឡិចស៊ីស NX200T ពណ៌ខ្មៅ ពាក់ស្លាកលេខ កម្ពុជា CND​7677​ចំនួន​១​គ្រឿង រថយន្តម៉ាកឡង់គ្រីស័រ ពណ៌ស ពាក់ស្លាកលេខ កម្ពុជា CNE 7677 ចំនួន ១ គ្រឿង បំពង់ទីបដែកប្រវែង​១១០​សង់ទីម៉ែត្រ ចំនួន១ដើម កាំបិតប៉័ងតោដងឈើចំនួន២ដើម កាំបិតចុងស្រួចចំនួន១ដើម ហើយបញ្ជូនមកមូលដ្ឋានកងរាជអាវុធហត្ថក្រុងប៉ោយប៉ែត ដើម្បីសាកសួរ។

លោកឧត្តមសេនីយ៍ត្រី បោន ប៊ិនបានបញ្ជាក់ឲ្យដឹងបន្តថា ជនសង្ស័យទាំង១១នាក់ ក្រោយពីកម្លាំងជំនាញសាកសួរចម្លើយរួច បានឆ្លើយសារភាពថា ពួកគេមានគ្នាចំនួន២០នាក់ បាននាំគ្នាជិ:រថយន្ត២គ្រឿងនិងទាំងម៉ូតូចំនួន២គ្រឿងទៀតបាននាំគ្នាទៅផឹកស៊ីក្នុងហាងផ្សាររាត្រីទឹកពុះ ស្រាប់តែបង្កជម្លោះគ្នាតែម្តង។ ជនសង្ស័យ១១នាក់ និងវត្ថុតាងទាំងអស់ត្រូវបានកំលាំងជំនាញកសាងសំនុំរឿងបញ្ជូនទៅតុលាការខេត្តដាក់ទោសទៅតាមច្បាប់។ ចំណែកបក្សពួកជនបង្ក​៩​នាក់​ផ្សេងទៀត ដែលរត់គេចខ្លួនកម្លាំងកំពុងស្រាវជ្រាវឃាត់ខ្លួនបន្ត៕

អត្ថបទ៖ វ៉ាន់ ណាង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៨ នាទី មុន

កម្ពុជា​សម្តែង​ការព្រួយបារម្ភ​យ៉ាងខ្លាំង​ចំពោះ​ការប៉ះទង្គិច​ប្រដាប់អាវុធ​ដ៏​ធ្ងន់ធ្ងរ​នៅ​មី​យ៉ាន់​ម៉ា​

ព័ត៌មានជាតិ២៣ នាទី មុន

៣០​ឆ្នាំនេះ​ធនាគារ​អេស៊ីលីដា​បាន​ឈរជើង​យ៉ាងរឹងមាំ​ក្នុង​វិស័យ ធនាគារ​និង​ហិរញ្ញវត្ថុ​នៅ​កម្ពុជា​

ជំនឿ៣ ម៉ោង មុន

ទម្រង់ច្រមុះ ៣ប្រភេទ ចាស់ពីដើមចាត់ទុកជាមនុស្សមានបុណ្យវាសនាល្អ

នយោបាយ៣ ម៉ោង មុន

ព្រះអង្គម្ចាស់ នរោត្តម ចក្រាវុធ អំពាវនាវ​ឱ្យ​ថ្នាក់ដឹកនាំ​បន្ត​ខិតខំ ដើម្បី​ឲ្យ​បក្ស​រាជានិយម​នេះ មាន​សម្លេង​ឡើងវិញ

ជីវិតកម្សាន្ដ៤ ម៉ោង មុន

ម៉ា ដូ​ណា ហួសចិត្ត​លើ​ការ​ផ្សព្វផ្សាយ​មួយចំនួន​ដែល​បំផ្លើស​ផ្ទុយ​ការពិត

Sokha Hotels

ព័ត៌មានពេញនិយម

Helistar Cambodia - Helicopter Charter Services