ខឹងមិនបង់ថ្លៃជួលផ្ទះ យកសោរទៅចាក់ជាប់អ្នកអនាម័យ២នាក់ខាងក្នុង
Connect with us
Helistar Cambodia - Helicopter Charter Services

សន្តិសុខសង្គម

ខឹងមិនបង់ថ្លៃជួលផ្ទះ យកសោទៅចាក់ជាប់អ្នកអនាម័យ២នាក់ខាងក្នុង ផ្អើលថាជាករណីបង្ខាំងមនុស្ស

បានផុស

នៅ

ជម្លោះរវាងម្ចាស់ផ្ទះជាមួយអ្នកជួល ឈានដល់ការយកសោមកចាក់ពីខាងក្រៅដោយមិនបានដឹងមាន​អ្នក​ធ្វើអនាម័យនៅខាងក្នុង ធ្វើឲ្យមានការភ្ញាក់ផ្អើលដល់កម្លាំងសមត្ថកិច្ចថា ជាករណីបង្ខាំងមនុស្ស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីនេះបានកើតឡើងកាលពីវេលាម៉ោង​១១និង៣០​នាទី ថ្ងៃទី​២៤ ខែវិច្ឆិកា ឆ្នាំ​២០២១ នៅ​ចំណុច​ក្រុមហ៊ុន​ ជេ​ស៊ី អ៊ែ​រឡាញ ​ផ្ទះលេខ​២៤៧EO ផ្លូវ​ម៉ៅ​សេទុង​ក្រុមទី​៤២ ភូមិ​៥ សង្កាត់​ទួល​ស្វាយព្រៃ​ទី​១ ខណ្ឌ​បឹង​កេងកង រាជធានី​ភ្នំពេញ។

យោងតាមផេកផ្លូវការរបស់ស្នងការនគរបាលរាជធានីភ្នំពេញ បានបញ្ជាក់ថា ជាក់ស្តែង​មិនមែនជា​ករណី​បង្ខាំង​មនុស្ស​ខុសច្បាប់​នោះទេ គឺជា​ករណី​ជម្លោះ​រវាង​ភាគី​ម្ចាស់ផ្ទះ ខឹង​នឹង​អ្នក​ជួលមិនបាន​បង់ថ្លៃ​ជួល​តាម​កិច្ចសន្យា ម្ចាស់ផ្ទះ​បានមក​ចាក់​សោពី​ខាងក្រៅ ដោយ​ពុំបាន​ដឹងថា​ មាន​អ្នក​អនាម័យ​២​នាក់​នៅ​ខាងក្នុង​នោះទេ ក្រោយ​ទទួលបាន​ព័ត៌មាន ម្ចាស់ផ្ទះ​ក៏បាន​មកចាក់​បើ​ក​សោឱ្យ​គាត់​ចេញ​វិញ​ហើយ​។​

​បុគ្គលិក​អនាម័យ​២​នាក់ដែលជាប់ននោះមាន១- ឈ្មោះ នួន មុំ ភេទ​ស្រី អាយុ​៤០​ឆ្នាំ ជនជាតិខ្មែរ មុខរបរ អនាម័យ ស្នាក់នៅ​ផ្ទះជួល​បន្ទប់​លេខ​២៨ ផ្លូវ​លេខ​ជាតិ​៥ សង្កាត់​ទួល​សង្កែ ខណ្ឌ​ឬ​ស្សី​កែវ រាជធានី​ភ្នំពេញ​។ ២- ឈ្មោះ លឹម សុធា ភេទ​ស្រី អាយុ​៣៩ ឆ្នាំ ជនជាតិខ្មែរ មុខរបរអនាម័យ ស្នាក់នៅ​ផ្ទះជួល​បន្ទប់​លេខ​២៨ ផ្លូវ​លេខ​ជាតិ​៥ សង្កាត់​ទួល​សង្កែ ខណ្ឌ​ឬ​ស្សី​កែវ រាជធានី​ភ្នំពេញ ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services