ចរាចរណ៍
រថយន្ត ២ គ្រឿង បុកគ្នា នៅផ្លូវបំបែកជាបួន រងការខូចខាតទាំងសងខាង
រថយន្ត Toyota Prius បើកឆ្លងផ្លូវខ្វះការប្រុងប្រយ័ត្ននៅផ្លូវបំបែកជាបួន ត្រូវរថយន្ត Ford Ranger បើកជ្រុលទៅបុកបណ្ដាលឲ្យរងការខូចខាតទាំងសងខាងយ៉ាងដំណំ។
ហេតុការណ៍នេះបានកើតឡើងកាលពីវេលាម៉ោង ១១ និង ៣០ នាទីយប់ ថ្ងៃទី ១៤ ខែមីនា ឆ្នាំ ២០២៥ ចំណុចផ្លូវ ៣៦០ កែងផ្លូវ ៩៥ សង្កាត់បឹងកេងកងទី ៣ ខណ្ឌបឹងកេងកង រាជធានីភ្នំពេញ។
តាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុគេឃើញបុរសម្នាក់ បើករថយន្តម៉ាក Toyota Prius ពណ៌ខ្មៅ ពាក់ស្លាកលេខ ភ្នំពេញ 2BO 7074 ធ្វើដំណើរតាមបណ្ដោយផ្លូវ ៩៥ ទិសដៅពីជើងទៅត្បូង ល្បឿនលឿន លុះមកដល់ចំណុចកើតហេតុ ស្រាប់តែមានរថយន្តម៉ាកFord Ranger ពណ៌ស ពាក់ស្លាកលេខ ភ្នំពេញ 2BF 1167 ជិះគ្នា ៧ នាក់ ជាលក្ខណៈគ្រួសារ រួមទាំងអ្នកបើកបរជាបុរស បានបើកធ្វើដំណើរតាមបណ្ដោយផ្លូវ ៣៦០ ទិសដៅពីកើតទៅលិច ល្បឿនលឿន ព្រមទាំងខ្វះការប្រុងប្រយ័ត្នដូចគ្នា ក៏ជ្រុលទៅបុករថយន្ត Toyota Prius យ៉ាងពេញទំហឹង បណ្ដាលឲ្យរងការខូចខាតផ្នែកខាងមុខចំហៀងខាងឆ្វេង។ ចំណែកខាងរថយន្ត Ford Ranger រងការខូចខាតខ្ទេចផ្នែកខាងមុខគាបជាប់នឹងរថយន្ត Toyota Prius តែសំណាងល្អក្នុងហេតុការណ៍នេះមិនគ្រោះថ្នាក់ដល់មនុស្សដែលជិះក្នុងរថយន្តទាំងសងខាង។
ក្រោយកើតហេតុភាគីទាំងសងខាងយកត្រូវរៀងខ្លួនទើបសមត្ថកិច្ចជំនាញវាស់វែងយកទៅរក្សាទុកនៅការិយាល័យនគរបាលចរាចរណ៍ផ្លូវគោក រង់ចាំដំណោះស្រាយនៅពេលក្រោយជាបន្តទៀត៕
អត្ថបទ ៖ សុខា
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ