អគ្គិភ័យ​ឆាបឆេះ​ហាងលក់ម៉ូតូ​ក្នុងក្រុង​កំពត​បណ្តាល​ឱ្យ​ខូចខាត​ម៉ូតូ៥៧​គ្រឿង ​និងរថយន្ត​២គ្រឿង អគ្គិភ័យ​ឆាបឆេះ​ហាងលក់ម៉ូតូ​ក្នុងក្រុង​កំពត​បណ្តាល​ឱ្យ​ខូចខាត​ម៉ូតូ៥៧​គ្រឿង ​និងរថយន្ត​២គ្រឿង
Connect with us
Helistar Cambodia - Helicopter Charter Services

សន្តិសុខសង្គម

អគ្គិភ័យ​ឆាបឆេះ​ហាងលក់ម៉ូតូ​ក្នុងក្រុង​កំពត​បណ្តាល​ឱ្យ​ខូចខាត​ម៉ូតូ៥៧​គ្រឿង ​និងរថយន្ត​២គ្រឿង

បានផុស

នៅ

រថយន្ត និងម៉ូតូរាប់សិបគ្រឿងបានរងការខូចខាតដោយសារអគ្គិភ័យឆាបឆេះហាងលក់ម៉ូតូមួយកន្លែង ស្ថិតក្នុងភូមិកំពង់បាយខាងជើង សង្កាត់កំពង់បាយ ក្រុងកំពត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងនាព្រឹកព្រលឹមថ្ងៃទី ៩ ខែធ្នូ ឆ្នាំ២០២១​ ដែលការសន្និដ្ឋានបឋមបណ្តាលមកពីទុស្សេខ្សែភ្លើង។

ឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនៃស្នងការដ្ឋាននគរបាលខេត្តកំពត បានប្រាប់ឱ្យដឹងថា កាលពីវេលាម៉ោង៦​ព្រឹកថ្ងៃទី៩ ខែធ្នូមានករណីអគ្គិភ័យមួយបានកើតឡើងនៅ ហាងលក់ម៉ូតូឈ្មោះ “ហុងដាលីប៉េង” ស្ថិតក្នុងភូមិកំពង់បាយខាងជើង សង្កាត់កំពង់បាយ ក្រុងកំពត ខេត្តកំពត។

លោកបានបន្តថា ភ្លើងបានរលត់ទៅ វិញនៅ ម៉ោងជិត ៨ព្រឹក បន្ទាប់ពីលោកបានដឹកនាំកម្លាំងរបស់ស្នងការដ្ឋាននគរបាលខេត្តចុះអន្តរាគមន៍ជាមួយរថយន្តពន្លត់អគ្គីភ័យ៣គ្រឿងប្រើទឹកអស់៦ស៊ីទែន។

លោកស្នងការបានបញ្ជាក់ថា ជាការសន្និដ្ឋានជំហានដំបូង ករណីនេះបណ្តាលមកពីទុស្សេចរន្តអគ្គិសនី។ ហើយទោះមិនមាន សមាជិកគ្រួសារណាម្នាក់គ្រោះថ្នាក់ធ្ងន់ធ្ងរក៏ពិតមែន តែហេតុការណ៍នេះបានបណ្តាលឱ្យខូចខាតម៉ូតូកំពុងដាក់តាំងលក់ចំនួន ៥៧ គ្រឿង រថយន្តលុចស៊ីស៥៧០ ពណ៌ស មួយគ្រឿង និងរថយន្តម៉ាកហុងដាស៊ី.អ.វី (CRV) ផលិតឆ្នាំ២០១៨ មួយគ្រឿង។

យ៉ាងណាក៏ដោយ ក្រោយពីភ្លើងរលត់ភ្លាមៗ សមត្ថកិច្ចមិនទាន់ទទួលបានរបាយការណ៍ស្តីពីទំហំថវិកានៃការខាតបង់នៅឡើយទេ៕

អត្ថបទ៖ សេង ណារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services