សន្តិសុខសង្គម
ឃាត់ខ្លួនយុវជន២នាក់ បន្ទាប់ពីវាយនិងកាប់យុវជនម្នាក់ក្នុងចំណោមបក្ខពួកជាង១០នាក់
ជនដៃដល់២នាក់ក្នុងចំណោមបក្ខពួក៤នាក់ ត្រូវបានកម្លាំងនគរបាលនៃអធិការដ្ឋាននគរបាលស្រុកស្វាយលើ ធ្វើការឃាត់ខ្លួន បន្ទាប់ពីធ្វើសកម្មភាពវាយនិងកាប់លើជនរងគ្រោះម្នាក់ក្នុងចំណោមបក្ខពួក១១នាក់ បណ្ដាលឲ្យរងរបួស។
ការឃាត់ខ្លួននេះបានធ្វើឡើងកាលពីថ្ងៃទី១០ ខែមករា ឆ្នាំ២០២២ បន្ទាប់ពីបង្កហិង្សាកាលពីវេលាម៉ោង១៩និង០០នាទី ថ្ងៃទី០៧ ខែមករា ឆ្នាំ២០២២ នៅចំណុចជើងភ្នំគូលេន ស្ថិតនៅភូមិបិតផ្កា ឃុំស្វាយលើ ស្រុកស្វាយលើ ខេត្តសៀមរាប ។
សមត្ថកិច្ចបានឲ្យដឹងថា ជនដៃដល់ដែលឃាត់ខ្លួនមានឈ្មោះ ១/ រ៉ា សម្បត្តិ ភេទប្រុស អាយុ១៩ឆ្នាំ មុខរបរ កសិករ ។ ២/ ឈ្មោះ ណន ណុច ភេទប្រុស អាយុ២២ឆ្នាំ មុខរបរ កសិករ។ អ្នកទាំង២នាក់មានទីលំនៅភូមិអូរមានជ័យ ឃុំស្វាយលើ ស្រុកស្វាយលើ ខេត្តសៀមរាប ។ ចំណែកឯជនរងគ្រោះឈ្មោះ ខើច សុឃាម ភេទប្រុស អាយុ១៧ឆ្នាំ រងរបួសរយះក្បាល និងហើមបបូមាត់ផ្នែកខាងលើ ។
សមត្ថកិច្ចបានបញ្ជាក់ថា ក្រោយចាប់ខ្លួនជនដៃដល់ទាំងពីរនាក់ កម្លាំងបានដកហូតវត្ថុតាងរួមមាន៖ដំបងឈើចំនួន ២ដុំ និងកាំបិតព្រា១ ប្រវែង៤៣cm មុខកាត់៧cm ។
តាមរយៈកិច្ចសហការណ៍ពីកម្លាំងជំនាញនៃការិយាល័យនគរបាលព្រហ្មទណ្ឌកម្រិតធ្ងន់ បាននាំខ្លួនបក្ខពួកជនដៃដល់ចំនួន០៤នាក់មកធ្វើការសាកសួរ ដោយជនដៃដល់២នាក់ ក្នុងចំណោម៤នាក់បានសារភាពថា ខ្លួនជាជនដៃដល់ក្នុងករណីខាងលើ។
តាមការសារភាពរបស់ជនដៃដល់ឈ្មោះ រ៉ា សម្បត្តិ បានសារភាពថា នៅយប់កើតហេតុបក្ខពួករបស់ខ្លួនម្នាក់ឈ្មោះ ណន ណុច បានដេញវាយគ្នាជាមួយជនរងគ្រោះទៅទិសខាងកើតនៃកន្លែងលោតប៉ុង ជាទីងងឹត ហើយខ្លួនក៏ទាញដំបងឈើរត់ដេញតាមពីក្រោយ ដល់ចំណុចប្រឡាយក្នុងវាស្រែក៏បានឃើញជនរងគ្រោះឈ្មោះ ខើច សុឃាម ដួលហើយខ្លួនក៏បានវាយទៅលើជនរងគ្រោះបន្ថែម ចំត្រង់ផ្ទៃមុខចំនួន១ដំបង ហើយបន្តរត់ឡើងជិះម៉ូតូគេចខ្លួន។
ជនសង្ស័យទាំង២រួមទាំងវត្ថុតាង ត្រូវបានសមត្ថកិច្ចឃាត់ខ្លួន និងកសាងសំណុំរឿងបញ្ជូនទៅសាលាដំបូងខេត្តដើម្បីអនុវត្តតាមនីតិវិធី៕
អត្ថបទ៖ សុខុម
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត