សន្តិសុខសង្គម

ឃាត់ខ្លួនជនសង្ស័យ១៤នាក់ ក្នុងប្រតិបត្តិការបង្ក្រាបគ្រឿងញៀន

បានផុស

២ years មុន

នៅ

ថ្ងៃចន្ទ ១៤ កុម្ភៈ ២០២២

ដោយ

ជនសង្ស័យប្រុសស្រីចំនួន១៤នាក់ ត្រូវបានកម្លាំងនគរបាលប៉ុស្តិ៍រដ្ឋបាលព្រែកលៀប សហការជាមួយកម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលខណ្ឌជ្រោយចង្វារ ធ្វើការឃាត់ខ្លួនក្នុងប្រតិបត្តិការបង្ក្រាបគ្រឿងញៀន និងដកហូតថ្នាំញៀន៣៤កញ្ចប់។

ប្រតិបត្តិការចុះបង្ក្រាបនេះ បានធ្វើឡើងនៅវេលាម៉ោង០៦ល្ងាចថ្ងៃទី១២ ខែកុម្ភៈ ឆ្នាំ២០២២ ស្ថិតនៅចំណុចដីឡូត៍គ្មានលេខ ផ្លូវលំ ក្រុមទី០៦ ភូមិខ្ទរ សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក សៀម សុត្ថាវុធ អធិការនៃអធិការដ្ឋាននគរបាលខណ្ឌជ្រោយចង្វាបានប្រាប់ឱ្យដឹងថា ករណីចុះបង្ក្រោបគ្រឿងញៀននេះសមត្ថកិច្ចបានឃាត់ខ្លួនមនុស្សប្រុសស្រីចំនួន១៤នាក់ក្នុងនោះអ្នកជួញដូរថ្នាំញៀន៤នាក់ ដកហូតថ្នាំញៀន១កញ្ចប់ អ្នកប្រើប្រាស់ ចំនួន៧នាក់ និង៣នាក់ទៀត ពិនិត្យទឹកនោម អវិជ្ជមាន ទើបធ្វើការអប់រំ និងណែនាំឲ្យត្រឡប់ទៅផ្ទះវិញផងដែរ។ សម្រាប់វត្ថុតាំងដកហូតបានថ្នាំញៀន ក្រាមពណ៌សថ្លាចំនួន ៣៤កញ្ចប់ថង់តូច។

ក្រោយពេលប្រតិបត្តិការចុះបង្ក្រាប ជនសង្ស័យដែលពាក់ព័ន្ធចំនួន១១នាក់ ត្រូវបានបញ្ជូនទៅអធិការដ្ឋាននគរបាលខណ្ឌជ្រោយចង្វារ ដើម្បីធ្វើការសាកសួរចាត់ការតាមនីតិវិធី៕