សន្តិសុខសង្គម
ប្រភពទម្លាយតម្លៃមេខ្យល់ ទារពីពលករឆ្លងដែនខុសច្បាប់ទៅថៃ
បន្ន្ទាយមានជ័យ៖ មហាជនចេះតែមានការងឿងឆ្ងល់ថា សម័យកូវិដមិនថាសមត្ថកិច្ចខ្មែរឬសមត្ថកិច្ចថៃសុទ្ធតែរិតបន្តឹងលើការឆ្លងដែនខុសច្បាប់ ដោយដាក់ពង្រាយកងកម្លាំងតាមព្រំដែននិងមិនមានការបើកច្រកតំបន់ឬអន្តរជាតិឲ្យឆ្លងកាត់ឡើយ តែពលករខែ្មរតាមរយះមេខ្យល់នៅតែអាចឆ្លងដែនដោយខុសច្បាប់ចូលទៅទឹកដីថៃបាន។
ជាក់ស្តែងនៅថ្ងៃទី២១ ខែមេសា ឆ្នាំ២០២២វេលាម៉ោង១០:០០នាទី សមត្ថកិច្ចកម្ពុជានៃស្រុកម៉ាឡៃបានទទួលពត៌មានពីទាហានព្រាន (ឈុតខ្មៅថៃ) កងអនុសេនាធំលេខ១៣០៥ ឈរជើងទល់មុខភូមិសាស្ដ្រប៉ុស្ដិ៍ក្បាលទំនប់ទទូលខុសត្រូវនៅវេលាម៉ោង ០៤និង០០នាទី ថ្ងៃទី ២១ មេសា ឆ្នាំ២០២២ បានទប់ស្កាត់ឃាត់ខ្លួនប្រជាពលរដ្ឋខ្មែរចំនួន ៣១ នាក់ ស្រី ១៤ នាក់ លួចឆ្លងដែនខុសច្បាប់នៅចំណុចភូមិគុតហុីន ឃុំខ្លងណាំសៃ ស្រុកអារញ្ញ ខេត្តស្រះកែវ ទល់មុខកងអនុសេនាធំទាហានសឹករងម៉ាឡៃ ស្ថិតភូមិបន្ទាយទី២ ឃុំអូរសំព័រស្រុកម៉ាឡៃ ខេត្តបន្ទាយមានជ័យ។

ទាក់ទងនឹងការឆ្លងដែននេះ មានប្រភពខ្លះនិយាយថា ចំពោះការឆ្លងដែនចេញទៅថៃ លុះត្រាតែមានមេខ្យល់នាំដោយបច្ចុប្បន្នតាមការឲ្យដឹងពីពលករខ្មែរដែលថៃចាប់បញ្ជូនមកវិញកន្លងមកបានអោយដឹងថា ចាប់តាំងពីមានការរិតបន្តឹងតាមព្រំដែនក្នុងសម័យកូវីដការចេញទៅថៃដោយខុសច្បាប់តាមរយះមេខ្យល់ ត្រូវចំណាយលុយអោយមេខ្យល់ពី ៥ ពាន់បាតទៅ ៨ ពាន់បាត។ ខុសពីមុនសម័យកូវិដមួយនាក់មេខ្យល់យកតែ ៣ពាន់បាតទៅ ៥ ពាន់បាតតែប៉ុណ្ណោះ។
បើតាមប្រភពបានទម្លាយបន្តថា ការនាំពលករខ្មែរចេញពីសំណាក់មេខ្យល់បើពុំមានការបើកភ្លើងខៀវពីសមត្ថកិច្ចនៅតាមព្រំដែនទេ គឺមិនងាយគេចផុតពីការបង្រ្កាបរបស់សមត្ថកិច្ចទាំងសងខាងបានឡើយ។
ជុំវិញបញ្ហានេះ លោកវរសេនីយ៍ឯក សួង សៅ មេបញ្ជាការវរនគរបាលការពារព្រំដែន៨១៥ ក៍ដូចជាយោធាដែលទទួលខុសត្រូវជួរមុខនៃស្រុកម៉ាឡៃបានអោយដឹងថា សមត្ថកិច្ចបានខិតខំប្រឹងប្រែងទាំងយប់ទាំងថ្ងៃហាលភ្លៀងខ្យល់ ដើម្បីការពារទប់ស្កាត់បទល្មើសព្រំដែន ជាពិសេសការទប់ស្កាត់ការឆ្លងដែនខុសច្បាប់ពីសំណាក់ពលករខ្មែរតាមបញ្ជាថ្នាក់ដឹកនាំ។
ដោយសារព្រំដែនមិនមានរបង កម្លាំងឈរជើងការពារពីកន្លែងមួយទៅមួយទៀតឆ្ងាយពីគ្នា។ ពលករក៍ដូចជាមេខ្យល់ឥឡូវទាក់ទងគ្នាតាមទូរស័ព្ទមុននឹងឆ្លងដែន ហើយក៏មានការឃ្លាំមើលសមត្ថកិច្ចនិងទីតាំងទាល់តែស្ងាត់ឬចន្លោះប្រហោងពីការត្រួកពិនិត្យនឹងនាំចេញភ្លាម។ យ៉ាងណាសមត្ថកិច្ចក៏បានស្រាវជ្រាវទប់ស្កាតជានិច្ចនិងចាប់បានជាបន្តបន្ទាប់ស្ទើររាល់ថ្ងៃ៕
អត្ថបទ៖ ពៅ

-
ព័ត៌មានអន្ដរជាតិ១២ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២២ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?