Connect with us

សន្តិសុខសង្គម

អគ្គិភ័យឆេះផ្ទះពលរដ្ឋមួយខ្នងទាំងស្រុងកាលពីយប់មិញនៅខេត្តកណ្ដាល

បានផុស

នៅ

ផ្ទះឈើប្រក់ស័ង្កសីមួយខ្នងទំហំ ០៦× ០៩​ មែត្រ​ ត្រូវបានអគ្គិភ័យឆាបឆេះយ៉ាងសន្ធោសន្ធៅខូចខាតអស់ទាំងស្រុង ខណៈដែលឪពុកម្ដាយមិននៅត្រូវកូនបង្កើតដែលប្រើប្រាស់គ្រឿងញៀនដុតបំផ្លាញចោល។

ករណីគ្រោះអគ្គិភ័យនេះ បានកើតឡើងកាលពីវេលាម៉ោង៨និង៣០នាទីយប់ ថ្ងៃទី៣០ ខែសីហា ឆ្នាំ២០២២ ​នៅចំណុចភូមិអំពិលទឹក ឃុំកំពង់ភ្នំ ស្រុកលើកដែក ខេត្តកណ្តាល ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍សមត្ថកិច្ចបញ្ជាក់ថា ជនរងគ្រោះជាម្ចាស់ផ្ទះមានឈ្មោះ សុខ រិទ្ធ ភេទ​ប្រុស​ អាយុ​៥៤​ឆ្នាំ​ ជនជាតិខ្មែរ​ និងប្រពន្ធឈ្មោះ គា ហេង អាយុ​៥២​ឆ្នាំ​ ជនជាតិខ្មែរ អ្នកទាំងពីររស់នៅភូមិអំពិលទឹក ឃុំកំពង់ភ្នំ ស្រុកលើកដែក ខេត្តកណ្តាល (​ពេលកើតហេតុ​ម្ចាស់​ផ្ទះនៅភ្នំពេញ)។ ចំណែកជនបង្កត្រូវជាកូនបង្កើតរបស់ជនរងគ្រោះមានឈ្មោះ រិទ្ធ សុភាព​ ភេទ​ប្រុស អាយុ៣១​ឆ្នាំ ​(ប្រើប្រាស់គ្រឿងញៀន)។

ក្នុងរបាយការណ៍បន្ថែមថា ករណីអគ្គិភ័យនេះបណ្ដាលឲ្យខូចខាតផ្ទះមួយខ្នងធ្វើអំពីឈើប្រក់ស័ង្កសីទំហំ ០៦× ០៩​ មែត្រ​ និងសម្ភារៈមួយចំនួន។ ក្នុងករណីអគ្គិភ័យនេះ កម្លាំងនគរបាលស្រុកលើកដែក សហការណ៍ជាមួយកម្លាំងអន្តរាគមន៍​បង្ការ​ពន្លត់​អគ្គិភ័យ​បាន​ប្រើ​ប្រាស់​រថយន្តពន្លត់អគ្គិភ័យចំនួន១គ្រឿងប្រើប្រាស់ទឹកអស់ចំនួន០២ឡាន ស្មើរ០៨ម៉ែត្រគូប ទើបរលត់ជាស្ថាពរនៅវេលាម៉ោង​១១និង២០​ នាទីយប់ ថ្ងៃខែឆ្នាំដដែល។

សមត្ថកិច្ចបានបញ្ជាក់ថា ក្នុងគ្រោះអគ្គិភ័យនេះមិនបណ្ដាលឲ្យមានអ្នករងរបួស ឬបាត់បង់ជីវិតនោះទេ៕

អត្ថបទ៖ សុខុម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម