សន្តិសុខសង្គម
រំដោះជនជាតិវៀតណាម២នាក់ ខណៈរត់គេចចេញពីក្រុមហ៊ុនចិននិងសុំកិច្ចអន្តរាគមន៍ពីសមត្ថកិច្ចឲ្យជួយ
ភ្នំពេញ ៖ កុមារានិងយុវជន ជនជាតិវៀតណាម ២នាក់ ត្រូវបានកម្លាំងផ្នែកជំនាញនៃអធិការដ្ឋាននគរបាលខណ្ឌទួលគោក សហការជាមួយកម្លាំងការិយាល័យស៊ើបអង្កេតនិងអនុវត្តនីតិវិធី នៃស្នងការដ្ឋាននគរបាលរាជធានីភ្នំពេញ បានរំដោះ ខណៈពួកគេបានរត់គេចចេញពីក្រុមហ៊ុនចិននិងបានសុំកិច្ចអន្តរាគមន៍ពីសមត្ថកិច្ចឲ្យជួយពួកគេ។
ហេតុការណ៍បានកើតឡើងកាលពីវេលាម៉ោងប្រហែល១០និង៥០នាទីព្រឹក ស្ថិតនៅចំណុចមុខមន្ទីរពេទ្យកុមារជាតិ ផ្លូវលេខ២៥៣ ភូមិ១៣ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។
មន្ត្រីប៉ូលិសខណ្ឌទួលគោកបានឲ្យដឹងថា នៅថ្ងៃទី៣១ ខែសីហា ឆ្នាំ២០២២ វេលាម៉ោងប្រហែល១០និង៥០នាទីព្រឹក កម្លាំងផ្នែកជំនាញនៃអធិការដ្ឋាននគរបាលខណ្ឌទួលគោក បានសហការជាមួយកម្លាំងការិយាល័យស៊ើបអង្កេតនិងអនុវត្តនីតិវិធី នៃស្នងការដ្ឋាននគរបាលរាជធានីភ្នំពេញ បានទទួលព័ត៌មានថា មានជនជាតិវៀតណាមចំនួន០២នាក់ស្នើសុំកិច្ចអន្តរាគមន៍ពីសមត្ថកិច្ចយើងឲ្យជួយ ស្ថិតនៅចំណុចមុខមន្ទីរពេទ្យកុមារជាតិ ផ្លូវលេខ២៥៣ ភូមិ១៣ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ ។
បន្ទាប់ពីទទួលព័ត៌មានកម្លាំងផ្នែកជំនាញនៃអធិការដ្ឋាននគរបាលខណ្ឌទួលគោក បានសហការជាមួយកម្លាំងការិយាល័យស៊ើបអង្កេតនិងអនុវត្តនីតិវិធី នៃស្នងការដ្ឋាននគរបាលរាជធានីភ្នំពេញ បានអញ្ជើញជនជាតិវៀតណាមទាំងពីរនាក់ខាងលើ មកស្នាក់ការប៉ុស្តិ៍ដើម្បីសាកសួរព័ត៌មានរបស់គាត់ ជនជាតិវៀតណាម២នាក់ ទី១-ឈ្មោះ Pham cong Luu ភេទប្រុស អាយុ១៧ឆ្នាំ ជនជាតិវៀតណាម (គ្មានលិខិតឆ្លងដែន) ។ទី២-ឈ្មោះ Nguyen ven hung ភេទប្រុស អាយុ១៤ឆ្នាំ ជនជាតិវៀតណាម (គ្មានលិខិតឆ្លងដែន) ។
ឆ្លងតាមការឆ្លើយបំភ្លឺអះអាងរបស់ជនជាតិវៀតណាមទាំងពីរខាងលើ បានបំភ្លឺអះអាងថា ពួកខ្លួនទាំងពីរនាក់ត្រូវបានមេខ្យល់ជនជាតិវៀតណាមភេទស្រីម្នាក់ អាយុប្រហែល១៨ឆ្នាំ បាននាំយកមកធ្វើការក្រុមហ៊ុនចិន ឈ្មោះ Kingcwnao ព្រំដែនបាវិតក្នុងដីកម្ពុជា តាំងតែពីក្នុងខែមិថុនា ឆ្នាំ២០២២ កន្លះខែក្រោយមកក្រុមហ៊ុនចិនខាងលើបានប្ដូរទីតាំងការងារពួកខ្លួនទាំងពីរនាក់ឲ្យទៅក្រុមហ៊ុនចិនមួយទៀតនៅក្រុងព្រះសីហនុ រហូតមកដល់ថ្ងៃទី៣១ ខែសីហា ឆ្នាំ២០២២ ក្រុមហ៊ុនចិននៅក្រុងព្រះសីហនុ បាននាំពួកខ្លួន០២នាក់មកភ្នំពេញ មកដល់ភ្នំពេញ នៅម៉ោងប្រហែល១០និង៣៥នាទី ពួកខ្លួន០២នាក់បានលួចរត់គេចខ្លួនមកឈរនៅមុខពេទ្យកុមារជាតិរួចហើយពួកខ្លួន០២នាក់បានសុំទូរស័ព្ទរបស់ប្រជាពលរដ្ឋជនជាតិខ្មែរ ខលទៅប្ដឹងសមត្ថកិច្ចកម្ពុជាដើម្បីឲ្យជួយអន្តរាគមន៍ពួកខ្លួន និងសំណូមពរឲ្យសមត្ថកិច្ចជួយបញ្ជូនពួកខ្លួនទាំងពីរនាក់ទៅស្រុកកំណើតវិញ នៅប្រទេសវៀតណាមវិញ។
ចំពោះមុខកម្លាំងសហការបានកំពុងសាកសួរជនជាតិវៀតណាមខាងលើដើម្បីបន្តអនុវត្តតាមនីតិវិធី៕
ដោយ ៖ ស្រីរ័ត្ន
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម