សន្តិសុខសង្គម
មន្ត្រីចាប់ផ្ដើមបញ្ចេញវ៉ាក់សាំងជំងឺអុតក្ដាមការពារគោ ក្របី
អគ្គនាយកដ្ឋានសុខភាពសត្វ និងផលិតកម្មសត្វ សហការជាមួយមន្ទីរកសិកកម្ម រុក្ខាប្រមាញ់ និងនេសាទ ខេត្តកំពង់ធំ នៅថ្ងៃទី ១៩ ខែតុលានេះ បានចុះចាក់វ៉ាក់សាំងជំងឺអុតក្តាម គោ ក្របី នៅភូមិរលួស សង្កាត់ស្រយ៉ូវ ក្រុងស្ទឹងសែន ខេត្តកំពង់ធំចំនួនជាង ៥០០ក្បាល។
លោក ប៉ែន វណ្ណារិទ្ធ ប្រធានមន្ទីរកសិកម្មរុក្ខាប្រមាញ់ រុក្ខាប្រមាញ់ និងនេសាទខេត្តកំពង់ធំបានរយការណ៍ថា មានសត្វគោក្របី នៅក្នុងខេត្តកំពង់ធំ សរុបមានចំនួនជាង២១ម៉ឺនក្បាល។ ក្នុងនោះសត្វគោក្របីបានទទួលរងផលប៉ះពាល់ដោយសារទឹកជំនន់ សរុបចំនួនជាង ២៨,០០០ក្បាល លើប្រាំមួយ ក្រុង ស្រុក ចំនួន២៧ ឃុំ សង្កាត់។
កន្លងមកមន្ទីរកសិកម្មខេត្តកំពង់ធំដែលមានការិយាល័យផលិតកម្មសត្វ និងបសុព្យាបាលខេត្តបានចាក់វ៉ាក់សាំងជំងឺសារទឹក ក្នុងអំឡុងពេលទឹកជំនន់សរុបបានចំនួនជាង ៥០,០០០ក្បាល នៅតាមទីតាំងឃ្វាលគោរក្របី និងទីទួលសុវត្ថិភាពរួចរាល់ផងដែរ។
ក្នុងឱកាសនោះដែរលោក តាន់ ផាន់ណារ៉ា ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយកដ្ឋានសុខភាពសត្វ និងផលិតកម្មសត្វ លើកឡើងថា នេះគឺជាដំណាក់សំខាន់មួយ ដែល អគ្គនាយកដ្ឋានសុខភាពសត្វ និងផលិតកម្មសត្វ ចាប់ផ្តើមបញ្ចេញវ៉ាក់សាំង “អ៊ុតក្តាម” ដើម្បីការពារ ជំងឺឆ្លងទៅកាន់គោក្របីរបស់ប្រជាពលរដ្ឋនៅតាមមូលដ្ឋានស្របពេលដែលទឹកំពុងស្រកចុះ។
ស្ថានភាពនេះសត្វគោក្របីអាចប្រឈមមុខនឹងជំងឺអុតក្ដាមដែលធ្វើឲ្យស្លាប់ប្រសិនបើកើតជំងឺមានសភាពធ្ងន់ធ្ងរ។ ហើយក្នុងចំណោមខេត្តដែលរងផលប៉ះពាល់ដោយជំនន់ដោយសារទឹកជំនន់ ខេត្តកំពង់ធំរងផលប៉ះពាល់ធ្ងន់ធ្ងរជាងគេ។
ទន្ទឹមនេះ ក្នុងនាមអគ្គនាយកដ្ឋានសុខភាពសត្វ និងផលិតកម្មសត្វចាប់ផ្តើមបញ្ចេញវ៉ាក់សាំងអ៊ុតក្តាម ដែលអគ្គនាយកដ្ឋានរក្សាទុកសម្រាប់កាលៈទេសៈ ដែលត្រូវការចាក់គោក្របីនៅតាមភូមិឋាន និងទីទួលសុវត្ថិភាព។ ទន្ទឹមនេះ អគ្គនាយកដ្ឋានសុខភាពសត្វ និងផលិតកម្មសត្វ នឹងបញ្ចេញវ៉ាក់សាំង ដុំពក និងវ៉ាក់សាំងជំងឺ អ៊ុតក្តាម ជូនមន្ទីរកសិកម្ម រាជធានីខេត្ត ដែលស្នើរសុំ ដើម្បីចាក់សត្វពាហៈ នៅតាមមូលដ្ឋានបន្ថែមទៀត។
មន្ត្រីដដែលរូបនេះបន្ថែមថា បន្ទាប់ពីចាក់វ៉ាក់សាំងគោ ក្របី របស់ប្រជាពលរដ្ឋនៅនៅទីនេះរួច ការិយាល័យផលិតកម្មសត្វ និងបសុព្យាបាល ខេត្តកំពង់ធំ នឹងត្រូវផ្តល់វ៉ាក់នៅស្រុកប្រាំមួយផ្សេងទៀត នៅក្នុងខេត្តកំពង់ធំ ដែលកំពុងប្រឈម នឹងជំងឺ អ៊ុតក្តាម។
លោក តាន់ ផាន់ណារ៉ាក៏សំណូមពរដល់ប្រជាពលរដ្ឋទាំងអស់ បន្តនាំយកសត្វពាហនៈរបស់ខ្លួនទៅចាក់វ៉ាក់ជំងឺអុតក្តាម និងវ៉ាក់សាំងផ្សេងទៀត ដែលរៀបចំដោយមន្ទីរកសិកម្មរុក្ខាប្រមាញ់ និងនេសាទ ក្រោមការអនុវត្តន៍ ផ្ទាល់ដោយការិយាល័យផលិតកម្មសត្វ និងបសុព្យាបាល ជាពិសេសរាយការណ៍កាន់ភ្នាក់ងារពេទ្យសត្វ រាល់ពេលមានជំងឺកើតចំពោះសត្វ ដើម្បីទទួលបានការព្យាបាលបានទាន់ពេលវេលា៕
អត្ថបទ៖ ឈាង មករា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ